لو صفت لك يوم شانت لك ايام وراه

[داعي الشوق]

مل عينٍ ساهره طول ليلي ما تنوم = من هموم ٍ زاحمتني و قلبي في شقاه
كن في جوفي لواهيب و رماح و سهوم = آه يا حالي و صبره على الحظ و رداه
كنى اللي فى دجى الليل تسري به نجوم = ذاق من درب الجهد و العزاير ما كفاه
في صحاري البيد تغشاه لفحات السموم = لين غابت شمس يومه و خافيها عناه
اشكي الآمي و الاحزان في جوي تحوم = مثل طيرٍ من عنا الجوع حايم في سماه
صح ذا الدنيا دنيه مداها ما يدوم = يهتويها ضايع الفكر لو زانت معاه
تضحك و تغــضــي بسن النكايد و الهموم =لو صفت لك يوم شانت لك ايامٍ وراه
يا نجوم الليل هاتي من الغالي علوم = صافي الاوجان جافي ولا ادري وش بلاه
لو يروف بحالتي كان له قلبٍ رحوم = بلغيه اني من البعد ذابحني غلاه
اعشقه و الشوق فيني تزايد كل يوم = هو ملك قلبي و روحي و ساحرني هواه
بالرموش اللي مضاليل و الخصر مهضوم = بو ثمان رهاف بيض و حلاهن في شفاه
لا نهض من مجلسه كل من جالس يقوم = كامل بالزين و الحسن يوم الله عطاه
من يلوم القلب يالله عسى حظه يلوم = يا عسى من لوعة اهل الهوى يلقى جزاه

[الصياد]

شكرا لإمتاعنا بإبداعك
لاهنت
تحياتي

[الخنساء]

صـح ذا الـدنـيــا دنــيــه مــداهــا مــــا يــــدوم

لـــو صـفــت لـــك يـــوم شـانــت لـــك ايـــام وراه

تـضـحـك ليـالـيـهـا بــســن الـنـكـايـد و الـهـمــوم

يـهتويـهـا ضـايــع الـفـكـر لـــو زانـــت مــعــاه

يـــا نـجــوم الـلـيـل هـاتــي مـــن الـغـالـي عـلــوم

صـافــي الاوجـــان جـافــي ولا ادري وش بـــلاه

لو يــروف بحـالـتـي كـــان لـــه قـلــبٍ رحـــوم

بـلـغـيــه انـــــي مـــــن الـبــعــد ذابـحــنــي غـــــلاه

اعشقه و الـشـوق فيـنـي تـزايـد كــل يـــوم

هو ملـك قلـبـي و روحــي و ساحـرنـي هــواه

صح لسانك شاعرنا الرااااائع

قصيدة جزلة من شاعر متمكن

سلمت ودام بوحك

[بيدي رسنها]

صح لسانك مليون ومايسدون .. وسلم عمرك وحرفك .. اهنيك على هالنص الاكثر من رايع .. وقصيده جزله من شاعر جزل ومتمكن .. لا هنت شاعرنا على ماطرحت من ابداع .. تحياتي ..

[حوريه]

الله عليك ياسعووووود
ذكرتني سامريه دايم اسمعها بالسياره
قصيده ولا اروع ولا أجمل
صح قلبك ودام نبضك
ودمت بكل خير

[منيع]

اكثر من رائعة من شاعر مميز دائما
تسلم ياسعود
ربي يرعاكم
تحياتي

[عبدالرحمن الغيثي]

الله يكفينا شر الدنيا


صح لسانك وسلم منطوقك

[الطامي]

داعي
صح السانك ملايين
رائعة جدا
لاهنت اخي

[الطائر المهاجر]

تميز في الإبداع
وجزله من راس جزل
صح لسانك
ولاهنت
تحيتي واحترامي

[عبدالله راشد الثويني]

صح لسانك اخي الغالي / داعي الشوق
مُبدع كعادتك تسلم يمناك على ماخطت
طامعين بجديدك دائماً
تقبـّـل تحيتي