الحروف الابجديه..........؟

[بحر الجنوب]

على الحروف الابجديه تعليت=قمة قصيده عانقتها السحابه
طلعتها مشتاق من بيت لا بيت=ويدي بسلام القلم والكتابه
بافكاري اتسلق واصل ماتمنيت=لحلم نبهني وأنا فيه نابه
عديت فيه ايام الاعوام عديت=خامس سنه والشوق واقف ببابه
يطرق بباب الحظ ويقول ياليت=ليت العنا يعنا على من عنابه
وانا المعنى لأجل هذا تعنيت=بهاجسا ماعارضته الكابه
كلما يلوح بداخلي قمت خطيت=كلام يسالني وفيه الاجابه
وأحب لأني في خلا ما تخليت=عن دلتي والمحتوى والربابه
وأجمع عيادين الحطب فيه شبيت=وأزعل اذا هب الهوى وأنطفا به
وأن فاحت الدله على الجمر صبيت=من شان كيف الراس يحسب حسابه
مرات الحن من كلامي وغنيت=ومرات احس أن الخلا يختلى به
الشعر ماضي لي وأنا فيه مضيت=أيام واعلام الزمن ما لفى به
هاجس حظنته طفل عمري وربيت=حتى نهار اليوم خيرت شبابه
معي معي وين مااختفي به وقفيت=القى وجيه الطيب مثل القرابه
من شانكم شلت المظله وفكيت=وهبطت لعل الزمان و عسى به
يشوفني واقف لدربه وحييت=كل الوجيه الي تحلل خطابه
وأختم صلاتي كل ما اصبحت وامسيت=على محمد خيرنا والصحابه

وسلامتكم........,

[البابطين]

شكرا لإمتاعنا بإبداعك
لاهنت
تحياتي

[عطر الياسمين]

قصيده رائعه من شاعر رائع ومتمكن
صح لسانك
ودمت بخير

[بيدي رسنها]

الله الله
هاجس حظنته طفل عمري وربيت = حتى نهار اليوم خيرت شبابه
معي معي وين مااختفي به وقفيت = القى وجيه الطيب مثل القرابه

صح لسانك يابحر الجنوب مليون ومايسدون ... قصيده رايعه من شاعر رايع .. وسلم عمرك وحرفك ياتاج راسي .. تحياتي وتقديري لك يالغالي ..

[حوريه]

صح لسانك يا بحر
أبيآت رآئعه
وذآئقه أروع
سلم لنا حرفك
وابداااعك
0

[صعبة المنال]

اللهم صلى وسلم عليه

وأحب لأني فـي خـلا مـا تخليـت..... عـن دلتـي والمحتـوى والربابـه
وأجمع عيادين الحطب فيـه لصيـت .....وأزعل اذا هب الهـوى وأنطفـا بـه


صور جمالية فى غاية الروعة

صح لسانك وفكرك يا الجنوبى


صعوووب

[الطائر المهاجر]

صح لسانك واعتلى شأنك
رائعة من شاعر رائع
ومتجدد الإبداع
ودام ابداعك
تحيتي ومودتي

[عبدالعزيز العمار]

صح لسانك يابحر

رائعه بروعة حضورك المتجدد

لاهنت ولاهان راسك

تحياتي وتقديري

[الطامي]

بح الجنوب
صح الاسنك ملايين
رائعة جدا ل
اهنت اخي

[عبدالرحمن الغيثي]

بحر الجنوب

صح لسانك وسلم بنانك


نفس شعري جميل ورائع