الله حسيبك كان في حقي اخطيت(بالصوت)

[الطائر المهاجر]

الله حسيبك كان في حقي اخطيت غناء فهد

الله حسيبك كان في حقي اخطيت = ووطيت قلبٍ كان في يوم غالي
ما اقول قالوا غير من اذني اوحيت= وسمعت هرجٍ ما خطر في خيالي
ربي كشف سترك وانا ما تحريت = انك تقول الكذب كبر الجبالي
هذا ونا حيٍ اجل لو اني ميت = وش كان تبدع من خبيث المقالي
ما يحكمك دينك ولو كن حجيت = ولا يمنعك طيبي وزين الخصالي
على الكذب منشاك يومك تربيت= وعلى الكذب منهاك بالعمر تالي
مهما تعذر فانت للخبث رديت = ذيل عوج صعب عليه اعتدالي
تطعن بظهري غافلٍ ما تهقويت = ونا احسبك سيفي تقاتل بدالي
نسيت كل اللي مضي ما تعنيت = تقول كلمة حق تذكر فعالي
ونا الذي لاجلك تحملت وازريت = حتى رفعتك فوق الافلاك عالي
ما اقابلك بالمثل مهما تعديت = ولا اكشف امورك وانت سبة وبالي
الله حسيبك كاشف سر ماخفيت = يجزاك عني بالوفاء والكمالي

[أم ريما]

الله حسيبك كان في حقي اخطيـت
ووطيت قلبٍ كان في يـوم غالـي
ما اقول قالوا غير من اذني اوحيت
وسمعت هرجٍ ما خطر في خيالـي
ربي كشف سترك وانا ما تحريـت
انك تقول الكـذب كبـر الجبالـي
هذا ونا حيٍ اجل لـو انـي ميـت
وش كان تبدع من خبيث المقالـي

صح لسانك يا شاعرنا الغالي

قصيده مؤثره وما أعظم تأثير جرح الغالين علينا !!

يعطيك العافيه على القصيده الرائعه والمؤثره ..

تحياتي واحترامي لك

[نسناس الهوى]

ما اقابلك بالمثـل مهمـا تعديـت
ولا اكشف امورك وانت سبة وبالي

ما اصعب على المحب .. خيانة حبيبه
وما اجمل جزاء السيئة بالاحسان ..

لله درك يابوعبدالله .. فأنت للشعر معلم
صح لسانك وسلم بوحك ..

[منيع]

تطعن بظهري غافلٍ مـا تهقويـت
ونا احسبك سيفـ تقتـل بدالـي
000000
جميل هذا المعنى يابوعبدالله

[الريم]

قصيده قويه

صح لساانك

صح لسانك يابوعبدالله قصيده قويه تعبر عما غي نفوسنا جميعاً


لله درك

[الطائر المهاجر]

كل الشكر والتقدير للفاضلة أم فيصل
على كريم الحضور والتفاعل الجميل
لاهنتي يالغاليه
مع أطيب تحياتي

[الغريبة/شوق]

الله الله الله

صح قلبك استاذي

ولا هنت

رائع ومبدع

-

[الأموره]

هذا ونا حيٍ اجل لـو انـي ميـت
وش كان تبدع من خبيث المقالـي



تطعن بظهري غافلٍ مـا تهقويـت
ونا احسبك سيفي بيوم القتالي


كثيرا ما نظن بهم ظن الخير

و بالاخير نكتشف المر

صح لسانك و علا شانك

قصيده جد رائعه

الف شكر لك شاعرنا

دمت برعاية الخالق

[الطائر المهاجر]

كل الشكر والتقدير لأخي نسناس الهوى
هلى كريم الحضور والتفاعل الطيب
تحياتي الطيبة