يــا مــــل قـــلــبــاً شــــاح

عيد مشعل · 09-12-2009, 05:03 PM

للتواصل

يامل قلباً شاح من قل الأمراح = بهم وشقى وجراح ويسامر النوح
من عقب الأفراح صرنا بالأتراح = والفكر لي منساح مجروح مجروح
هاضني حمام أجتاح يصفق بالأجناح = وأنوح لامن ناح والصوت مبحوح
أفرك المسباح على سيد الأملاح = لا ماني بمرتاح والهجر ممنوح
أنا معه بكفاح مسرى ومسراح = وأقول له براح ياراحة الروح
فبحر عينه سباح وواجه رياح = صبري كما الفلاح وعمري كما نوح
خل الوشا نباح والصدر فواح = خسايرهم لنا أرباح ويعود مكسوح
ترا المحب نصاح وللروح مناح = وعلى الخطا صفاح لوكان مكبوح
وترا للفراق اشباح إن ما كان ذباح = قتال لك سفاح مامنه مصلوح
مال الهوا جراح يداوي لمن طاح = وألا له إفساح وأروح ويروح
صفة هدبه سلاح وسيوف ورماح = لمن هو لهم نطاح لوكان زحزوح
نِهده كما التفاح والخد مصباح = والردف جاك وراح مستور مفضوح
بالزين لك وضاح كما نور الأصباح = يشوفه اللماح لوبينه سفوح
خلي غنج مزاح وللقلب فراح = ماله حلي ياصاح لوقلت مشروح