ما سمّي الكايد كلام ودعايات ،،

[داعي الشوق]

عندما إتصلت بالأخ الشاعر / صنداح الزلامي ( الكايد )

ضناً مني بأني سأجده زعلان ومتعكر المزاج من بعض الأمور وجدت أثناء مكالمتي له عكس ذلك .. حيث كان

متفهماً وواقعي وصاحب ثقة وبعيد النظر

وقد أعجبني هذا الموقف منه وليس ذلك بغريب عليه .. فجاءت هذه الابيات

هات القلم واكتب من سطور وابيات = بارسل معانيها لراع المواجيب
مقرون به ازكى السلام وتحيات = مع احترام مسطرن له بترتيب
صنداح ذاك اللى رفيع المقامات = رجل نعزه عن جميع الاصاحيب
راع الوفا والطيب راع الجزيلات = رجل منزه من جميع العذاريب
درب الثناء والجود يمشيه باثبات = امدرب ماهوب يحتاج تدريب
لامن نخيته فالامور العسيرات = يفز لو تكثر عليه المطاليب
ما قلتها قصدى مصالح وحاجات = او مقصدى بآثير بعض الهناديب
حيث الامر يفرض علينا سجيات = لامن صدر من راعى الجود والطيب
اخذت انا و ياه بالشعر اوقات = ياما تساجلنا بصوت ومكاتيب
القاف لا جابه رزين العلامات = سبكٍ وحبكٍ مثل سبك المذاهيب
يبدع مع القيفان لو هى صعيبات = حكيم حلحيل رفيع المناصيب
منهو سمع قافه ولو بس حزات = يفرح ولو حاله كثير العواطيب
ما سمى الكايد كلام و دعايات = كايد يكيد الكايدات الصواعيب
يتعامل بمبدأ ولا تجيه هفوات =السلم سلم و بالمواقف كما الذيب

[صنداح الزلامى]

هلا وغلا براعي الوفاء


سعود الحافي (داعي الشوق)

صح لسانك ياسعود وبيض الله وجهدك

ابشر بالرد الوافي ان شالله التي يليق بمقامك

وبمقام قصيدتك ،،

.............................. ..

الاخوة والاخوات في منتدانا الغالي منتدى الفطاحلة

سبق وان اسند لي الشاعر سعود سعد الحافي (داعي الشوق)

قصيدة وهذا ردي عليه بدون اي مقدمات القصيدة تشرح موقفها

راجيأ من الله ان ترضي اخوي سعود وترضي ذائقة شعرا نا في هذا

الصرح الشامخ ،،

ــــــــــــــــــــــــــــــ ـــــــــــــــ

اهلا هلا عـد النجـوم المطـلات = واعداد ما تطلع لنا الشمس وتغيب
باجمل كتابٍ فيـه نظـم العبـارات = مسطرة بايمـان ربعـن مذاريـب
هلا بخط سعـود وسعـود بالـذات = راعي وفاء مافيه شكـه ولا ريـب
اللي ندبنـي بالبيـوت الجميـلات = مرتـبٍ قيفانهـا القـرم ترتـيـب
نوادرٍ من فيض الافكـار عذيـات = من منهل الحكمة وعذب المشاريب
شاعر ويغرف من بحورٍ غزيـرات = قـافٍ لعبـه معجـزة للواعـيـب
لكن سيري يالهواجيـس عجـلا ت = رد الوفاء لهل البيوت المنا جيـب
ربعن لهم في موقـف العزوقفـات = عاداتهم بالطيـب كسابـة الطيـب
يابن سعد ورسالتك بالوفاء جـات = يامن عليـت بعاليـات المراقيـب
واخذت لي معها دقائـق وساعـات = خواطري ترقص واهل التراحيـب
ولا يلحق اهل العرف ياسعود شكات = ولاني بمن يلطم شبات الاصاحيـب
والو شفت بالا يام يا سعود عا هات = روس النشامى عانها كلهـا شيـب
سائر ومش اصعاب الايام بسكـات = وقطع طريق ملا حيقين المشاهيـب
ولاتلتفت لهل الحكـي والدعايـات = اللي على غرات خلقه منـا ديـب
واختامها الك ازكى سلام وتحيـات = يامن ندبنـي يالبيـوت المناجيـب

[وليدالبسطي]

كفو ونعم من صنداح









وصح لسانك ياداعي الشوق






الله يديم المحبه بينكم














اخوك










وليدالبسطي

[الطامي]

ما سمى الكايـد كـلام و دعايـات
كايد يكيـد الكايـدات الصواعيـب
يتعامل بمبـدأ ولا تجيـه هفـوات
السلم سلم و بالمواقف كما الذيـب
"""""""""""""""""""""""""""""" """"""
داعي الشوق
صح السانك
جزلة من جزل
ومن كريم لمستحق
ويستاهل الكايد اكثر
لاهنت وشكرا لك

[عبدالله الشويمان]

صح السانك وعلا شأنك اخوي سعود

جزل ووافي..وبيض الله وجهك.

والاخ صنداح اخ عزيز ويستاهل.

دمت بخير وصحه وسلامه..انت وصنداح والله يديم المحبه

[الصريح العتيبي]

الاخ الشاعر/سعود الحافي(داعي الشوق)


صح لسانك واعتلى شانك
ابيات جزله من شاعر جزل
وصنداح الزلامي يستاهل العلم الغانم
وانتظر رد صنداح
دمت بخير حال

[داعي الشوق]

المشاركة الأصلية كتبت بواسطة الكايد

هلا وغلا براعي الوفاء


سعود الحافي (داعي الشوق)

صح لسانك ياسعود وبيض الله وجهدك

ابشر بالرد الوافي ان شالله التي يليق بمقامك

وبمقام قصيدتك



انتظرني .............

صح بدنك يالكايد

ووجهك أبيض الله يسلمك

شاكر لك على تجاوبك السريع

تحياتي لك ،،،

[عذب القوافي]

داعي الشوق

أبيات جميله في الشاعر الجزل

صنداح الزلامي

ويستاهلها

صح لسانك مليون

تقديري

أبوابراهيم,,,,,,

[محمد عبدالله البدراني]

العزيز الغالي داعي الشوق سلمه الله


الف الف الف مليووووووووووووووووون صح السانك وعلا شانك

والشاعر صنداح الزلامي يستاهل يستاهل الكايد

وننتظر الرد من الكايد كما عودنا من الجزاله ( وسبكٍ وحبكٍ مثل سبك المذاهيب)

عزالله انك صادق

لاهنت ياسعود وبيض الله وجهك


هذه تحياتي
مع اسمى ايات الشكر فائق الاحترام واطيب المنى رعاك الاله

[داعي الشوق]

المشاركة الأصلية كتبت بواسطة وليدالبسطي

كفو ونعم من صنداح









وصح لسانك ياداعي الشوق






الله يديم المحبه بينكم














اخوك










وليدالبسطي

اهلا بك يالشاعر وليد البسطي

وصحة بدنك يالغالي

وشاكر لك ومقدر ،،،