تميمي وين ما امشي

[الطائر المهاجر]

تميمي وين ما امشي عزيز ورافع للراس = رصيدي في الحضاره واضحٍ والمجد من دونه
من أوّل نشأة الدنيا وانا القيدوم بين الناس= وانا من يكتب التاريخ حتى الخلق يقرونه
اخذ مني الفخر معنى وعطيت الإسم للنوماس= تميمي اصله وفصله وكل العرب يدرونه
واخذ مني الذهب صافيه واعطي اللمع للألماس= نقي العرق ما دنس ولاحتى قلب لونه
انا من ينتخى به ما انتخي في السلم والمقباس= ما اهاب ولا اخاف الموت لو كل يهابونه
خلقني ربنا للحق وفصلني عليه لباس = فصدري درع ورماحي بدرب العدل مسنونه
واذا ربي خلق خلقه وخلاهم شيع واجناس= فانا من ميزه ربه بشيٍّ ما يعرفونه
ما اطيق الضيم لا .. لا .. لا .. ولا احني هامتي والراس= لغير اللي جميع الخلق في الضيقات ينصونه
انا اصل العرب كل العرب من معدني تنقاس = وانا بين البريّه فخر رب الكون في كونه
عطاني الله من نوره شعاعٍ يحرق الوجّاس= وحصن للعقيده يرتفع والروح من دونه
تميمي لا نطق حرفي تجاوبه الملا حراس= امشيهم على درب الفضيله حين ينسونه