شوقه يجيك و يرتمي بين اياديك ..

[داعي الشوق]

يا مولع نار الهوى بداخل الجوف = ولعتني في حب غاية مباديك
انت الوحيد اللي له القلب مكشوف = و يفز لك لا وحيت بالناس طاريك
لمحة جمالك تاخذ العقل والشوف = يا من غلاك مذوب مهجتي فيك
يا مصدر الهامي و يا لحن معزوف = تطرب لك عيوني و تسمع اغانيك
كلي قصيد و حزن ينتابه الخوف = يوم القصايد همها بس ترضيك
قلبي عليك بكل الاوقات مشغوف = شوقه يجيك و يرتمي بين اياديك
من كثر لوعات الزمن لايفه لوف = وده من احساس المعاليق يسقيك
طالت مسافاته ولا وقته يروف = و حلاوة ايامه عناقيد حاليك
حالي و بالي فدوة عيون ( ... ) = اللي من جروح الغرابيل تشفيك
لوحة مشاعرنا عبارات و ضروف = و صورة غرامك في عيوني تحاكيك
قدمت لك حبي من ابيات و حروف = الشوق يعزفها و تشرح معانيك
تحكي حكاية صادق الود معروف = و كنها تقول ان غبت ولله لوريك

[حرف وشعر]

صباح الشعر الجميل يابو سعد

غزليه إتحاف ونص مفعم بالمحبه

صح بوحك ياغلا

[الطائر المهاجر]

صح لسانك يالقرم
ابدعت واطربت
لاهنت
تقبل اطيب التحيه

[منيع]

مبدع ومميز
شكرا لك
تحياتي

[عبدالمحسن الرحمه]

يسلم فكرك النيّر صح الله السانك
لكم وافر التقدير والاحترام

[الطامي]

داعي
صح السانك ملايين
ابداع مميز
لاهنت

[هترل]

صح لسانك ياسعود
ابداع كعادتك لاهنت


تحياتي وتقديري

[داعي الشوق]

المشاركة الأصلية كتبت بواسطة حرف وشعر

صباح الشعر الجميل يابو سعد

غزليه إتحاف ونص مفعم بالمحبه

صح بوحك ياغلا

صح بدنك و مشكوور ع المرور

ولاهنت

[داعي الشوق]

المشاركة الأصلية كتبت بواسطة الطائر المهاجر

صح لسانك يالقرم
ابدعت واطربت
لاهنت
تقبل اطيب التحيه

صح بدنك يا دكتور و ع المرور مشكووور

ولاهنت

[داعي الشوق]

المشاركة الأصلية كتبت بواسطة منيع

مبدع ومميز
شكرا لك
تحياتي

صح بدنك منيع

ومشكوور يالغالي

ولاهنت