العودة   منتديات الفطاحله > منتديات الشعر النبطي/يمنع الفيديو > ساحة المحاورات > محاورات كبار شعراء الساحه

إضافة رد
 
أدوات الموضوع
قديم 26-10-2007, 12:28 AM   رقم المشاركة : 1
الطائر المهاجر
** (د.عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي محاورات الجبرتي


محاورات محمد بن شريف الجبرتي

محاورات محمد بن شريف الجبرتي وعبدالله بن مستور المسعودي


=الجبرتي
ياعيون العود ياللي طار عنـك النـوم بـرا=طار عنك النوم وانتي ياعيون الورع باتـي
ياعميل الخير وشبك ليش قاعـد وش تحـرا=جيت باغ اسقيك حب الكات مع سكر نباتـي
=المسعودي
ياجماعة خيـر قولـوا للقحـم روح وتمـرا=والله اني لاسهره مثـل النجـوم الساهراتـي
مانت عارف في بلدنـا لاتبيـع ولا تشـرا=لو بغيت تعامـل التجـار وتسـوي سواتـي
=الجبرتي
خيركم يصدم بخير وشركـم يصـدم بشـرا=ارزمي يالمرزماتي واصهلـي يالصاهلاتـي
انت ياعبـدالله اللـي شايـل كتابـك مغـرا=ماتعرف اللي كتب لك فيه من قصة حياتـي
=المسعودي
مانويت الليله اكشف عنـك يالبيـت المـذرا=وان عرض باطنابه العرضه دعسته بعجلاتي
شفت فيه مدرسين وشفـت بـه نـاس تقـرا=مير انا الليله نويت اقضي علىذيبك وشاتـي
=الجبرتي
وان تجريتوا على ضيفك يا بو حادي تجـرا=وان تبلوتنا رحـاة القـوم تقلبهـا رحاتـي
العميل اللي على الكبسـات والبسـه مضـرا=عندنا ملـح اجـاج وعندنـا عـذب فراتـي
=المسعودي
انت خابر هرجة الرجـال زر الثـوب زرا=ان سمعت الصدق ولا طق راسك في حصاتي
ــــــــــــــــــــــــــــــ ـ

=الجـبـرتـي
سلام الله بـرده طيبـه ولحـون شعبيـه=لحون الباديه ماهي لحون المطرب الفنـي
لياطابت ليـال اصحابنـا طابـت لياليـه=وان كيف انشد اللي صد عني مانشد عنـي
=المسـعـودي
هلا يامرحبا بالحاضرين ويامرحبـا بيـه=عدد ماسمهلت من جاهز فيه الرعـد دنـي
ولا ياحيلة ابو نيتين وصـدق ابـو نيـه=احد صاد الجواهر واحد صاد الذيب والجني
=الجـبـرتـي
انا ليه عليـك حقـوق شرعيـه وفرعيـه=لكن انته تكبـر فوقنـا يامحـرق البنـي
انا بقرا عليكـم سـورة الرحمـن مثنيـه=حروف ماتعرف حروفها يامقرع الشنـي
=المسـعـودي
وش اللي مطلعك فالشمس وانته كنت فالفيه=عيالك خادمينك وانت ياذا العـود متعنـي
معك سواق برقـاوي وسيـاره جبرتيـه=ليا بروق لهـا سواقهـا تشخـط وتستنـي
=الجـبـرتـي
انا لو جيت ابتكل فوقهم صاروا حراميـه=انا باغ الفرج منها وهي تبى الفرج منـي
=بكر بازعزوع
انا شفت الحرس بين الفقـارى والغناويـه=يقوقون الغناوي من ورى دنيـاه متعنـي
=المسـعـودي
انا شاعب بنات القود والباكور فـي يديـه=تهدر ياجمل ديره وياناقـة عـرب حنـي
...................................=لياجادت بضحك سنونها يضحك لها سنـي
ــــــــــــــــــــــــــــــ ــــ


=الجبرتي
سلام الله بردية يا عبد الله يا بن مستور = سلام من الهجوس اللي يرنّ اجريـــسها رنّي
أنا ضايق عليك وضيقتي عوجا كما الباكور =عساك اتحــــــــلها والا تزيد العــــلم وتغنّي
=المسعودي
هلا يا مرحبا يا شاعر(ن) منك الوفا مخبور= وأنا ما قول غير الصبر منكم والوفا منّي
لعلّ الضيقة العوجا يظلّي عودها مكسور=وتصبح ما معك عود(ن) عوج يالمطرب الفنّي
الا يالله ياللي معتني بالنسر والعصفور= أنا مدري عن العصفور وهوه ما درى عنّي
لو انّ الاسم واحد كلها عند اطيور = لكنّ انت اسمك العصفور وآنا النسر قابنّي
=المسعودي
ألا ياشين حظك يالحصان اللي تخدم الثور=مغير الثور ياكل والحصان يجيب ويدنّي
تبا تنفخ وأنا بنفخ ومن يطبخ بغير اقدور= وعينك ما تشوف إلا بطن ذيب ولحم جنّي
=الجبرتي
ألا يا ورع يا مضرور لا تنفخ على الدكتور =تريّح للدوى مجبور بعد اتجيه متعنّي
أنا جرّبت فالدنيا ليالي ليّنه وعسور=ليالي ليّنه لاقيــــــتها وليـــال لاقنـــّي
=المسعودي
أنا خابرك بارود(ن) ليا شمّ الفتيل يثور=وأنا بحرقك يالبارود لوّ النار تاكنّي
ــــــــــــــــــــــــــــــ ـــ


=المسـعـودي
بعد جينـا نسلـم وقلنـا لكـم ياجـواد=عليكـم سـلام الله وعفـوه وغفرانـه
ابا شب في عود المراخي وعود الكـاد=بنـار تشـب وكـل عـود بدخـانـه
=الجـبـرتـي
ولابد من طرقه ولا بـد مـن مجـراد=ومن طق عيدان العرب طـق عيدانـه
ولا ياولد يالشاعر اللـي مـن الاولاد=تلبس حيـذي النـاس ويكـب حذيانـه
=المسـعـودي
قليل الاوانـي يكبـس البـن فالبـراد=ومن زال عقله يلحس المـوس بلسانـه
ورى ماغطيت القدر عن مشتهين الزاد=وهذا جـزا مـن فـك بابـه ودكانـه
=الجـبـرتـي
انا لو ابى افتش فالمعاني يابـو حيـاد=ادق الحرس فالباب ويعجبك جرسانـه
انا ما ازرع الا ياعرب في جديد بـلاد=ولا ارمي ذراية وسط ماعون خربانـه
=المسـعـودي
اناكـل ماقلتلـك نقـص كلامـك زاد=يصير الولد تكسيـه والبنـت عريانـه
وياعمدة اهل المسفله عند شيـخ جيـاد=واظنه يبـا يشتـال خوخـه ورمانـه
=الجـبـرتـي
انا عـود شايـب لامقـود ولا قـواد=نضيف من اسبـاب راسـه وكرعانـه
انا اعارف انك على الناس بالمرصـاد=وربي في شانه والعريباني فـي شانـه
=المسـعـودي
نشوفـك لعلـك مايشوفونـك الحسـاد=لياقلت لي وين السبب ؟ قلت لك عانـه
وعيشتك في الدنيا من النـار يالحـداد=ومـن لا اول مـا اخـر ياريحـانـه
=الجـبـرتـي
عبنك خشيـري فالـولاده وفالميـلاد=احد يرضع الاول واحد يرضع الثاني *
=بكر بازعزوع
ترا من كثر اكل الدسم صابـه القـداد=علامك تتبـع علـم مابـان برهانـه
=المسـعـودي
لياكان بالانسـان جسـم بغيـر فـواد=فهذي ايرادة خالـق الكـون سبحانـه
ــــــــــــــــــــــــــــــ ــ


=الــــجــــبــــرتــــي
من ضمير الشاعر اللي جاب له معنـى وردّه=ابدع الامثال والامثال مـن فكـري وبالـي
ياشباب العرب ياللي يذبـح العاشـق بـودّه=لاتميل السوق بالصندوق والصنـدوق خالـي
=الـــمــــســــعــــودي
قودها يالشايب ياللي مال عيني عنـك صـدّه=مامضى لك فوق هذا الراس من سود الليالـي
واش بغيت تقول ياعود كثير الشيـب خـدّه=مانت حول الباب الاقصى خل عينك فالموالي
=الــــجــــبــــرتــــي
صاحبي عبـدالله المخبـور ماينبـاح سـدّه=مثل ابن غانم ذياب ومثل ابو زيـد الهلالـي
لن بدا مع ريع سدّه وان صدم له ضلع هـدّه=منهو اللي مثل ابن مستور صـدّام الجبالـي*
=الـــمــــســــعــــودي
المخالف يالعوارف مايضـدّه غيـر ضـدّه=وان تعلمت الرجال تجيـك بعلـوم الرجالـي
لن ثبّت فيّ الكلام اللي وانـا حاضـر تعـدّه=مايجني شيء غير يكود من جـدي وخالـي
=الــــجــــبــــرتــــي
الزم السيف بنصابه ، لايوقّـع فيـك حـدّه=انقطع راس الخيال ان كان في فكرك خيالـي
صقرنا مخبور دايـم يخبـط الصيـده بيـدّه=كل ما اصبح صبح ياكل من عراميش الغزالي
=الـــمــــســــعــــودي
يالجبرتي لو يجيك بعير لو من غيـر عـدّه=كيف تقدر ترحله لن جاك في وقت الرحالـي
اندقم مخلابك اللي فـي لحـوم الصيـد ودّه=مايصيد من السمـان الا المقـادم والطحالـي
ــــــــــــــــــــــــــــــ ــ


=الجبرتي
يا سـلام الله بقـاف تولـع منـه نـار=واستمع في جابتي يا ولد وافطـن لهـا
أنت ثوبك فيـه بنزيـن والبنزيـن ثـار=والمطافي تطفي النار لـو ترسـل لهـا
=المسعودي
مرحبا يا الشاعر اللـي يقررهـا قـرار=والمكاسـب فـي جيوبـه ومتحثلـهـا
لو عيونك شوفها زيـن وتحـق العيـار=كان مـا دورت مـن للطريـق يدلهـا
=الجبرتـي
عز حال اللي يبي منك فكـره وافتكـار=ضاعت أفكارك وضاعت علومـك كلهـا
وأنت سنـك وشكلـك وشغلاتـك كبـار=شي تحايلها وشي مـا قـدرت تحلهـا
=المسعودي
يا الجبرتـي لا تغبـر ويعميـك الغبـار=لا يقع روحك تحسب الغبار أحسن لهـا
وأنت شايب وأبيض الشيب لأصحابه وقار=وأن دعيت أليا كرامه سريع أعجل لهـا
=الجبرتـي
الكرامـة للرياجيـل فـي كـل الديـار=والرجال الطيبيـن الكـرم يحفـل لهـا
حط لـي وقعـك بيمنـاك وألا باليسـار=والدوادي يا ابن مستـور عنـي خلهـا
=المسعودي
بعض هرج الليل زبده يميعهـا النهـار=شجرتك اللي ظليلـه تشـح بظـل لهـا
البخيـل الله يعافيـك بيتـه بيـت فـار=من هنا يحفـر مـن هنـا يدفـن لهـا
ــــــــــــــــــــــــــــــ ــ


حضر المسعودي عند الجبرتي متأخرا عن الغدا
فأشعره أن وقت الغدا قد فات والغنم في مراعيها
لكن والمسعودي لايرى مشكلة فهو باقي حتى تعود
الغناهافي المساء ويتعشى منها

=الجبرتي
مرحبا بالصاحب اللي مثل براقاً يلوح = عهدنا به في زمان العام يوم البرق لاح
جيتنا بالقايلة ماجيتنا وقت الصبوح = الغنم أقفى لبنها والغدا من صبح راح
=المسعودي
البقا بالصاحب اللي حيث مايرزق طموح = نوب يرزق بالمطر ومرار يرزق الرياح
قوم شب النار تحت القدر حتى أنه يفوح = الغنم تسرح مع الراعي وتضوي في المراح
=الجبرتي
إن لزمك الليل عندي بذبح الكبش النطوح = بعد ما جاني صحيبي طاح رأس الكبش طاح
أنت ما يبري جروحك غير مبرين الجروح = والعلامة في جناح الصقر صفاق الجناح
=المسعودي
يا الله إنك تجعل المذبوح فدوة للذبوح = يمكن إن الكبش لاشافك يموت بلا سلاح
والدوا يبري جروحي وأنت جرحك ما يروح = كل ما يلمسك فيه الثوب لجيت الصياح
=الجبرتي
ما يسافر في سفينة نوح غير أصحاب نوح = سافرت بالليل مدري سافرت وقت الصباح
يا شباب العرب لابدك تعود للقروح = وإن نجحت العام أقيس ذا السنة مالك نجاح
=المسعودي
السفينةشالت الصالح على وسق السطوح = وأنت لو قلنا تبا تصلح متى عاد الصلاح
وإن بغيت السمن ما تلقاه في بيت الشحوح = والرخامة ما تجيك من الرياجيل الفلاح
ــــــــــــــــــــــــــــــ ـــ


حضر الجبرتي والشاعر جار الله السواط
لمناسبة من مناسبات قبيلة هذيل وهذه
المناسبه لم يدع لها عبدالله المسعودي
وعندما علم المسعودي بذلك اخذ في خاطره
لانه من قبيلة هذيل وهو الاحق بتمثيل قبيلته
في ذلك الاحتفال فقرر ان يحضر الملعبه
وان يشارك مع الشعراء فاصطحب معه
الشاعر / خلف الحساني الهذلي وحضر
للملعبه وهي قائمه بين الجبرتي
والسواط فدخل الملعبة وبدأ المحاوره
مع خلف الحساني وترك الجبرتي وجار الله
السواط وكانت محاورته مع خلف كالاتي :

=الــــــمــــــســــــعــــــودي
ياخلف قـوم ثـم العـب علـى الصفّيـن=والعـلـوم الكـبـار ايــاك وايـاهـا
لاتحسّـف ولاتبـكـي عـلـى الثنتـيـن=روّحــت فــي قـبـورٍ ماسبرنـاهـا
بعـد ناديتنـي فابـشـر بعـلـم زيــن=والاجـاويـد مـاعــذّر فممـشـاهـا
والله انـي خويـك ياصلـيـب الـديـن=والرعيّـه سـوى فالضـلـع نرعـاهـا
=الــــــمــــــســــــعــــــودي
واش تبى تقـول ياراكـان ابـن حثليـن=تضحـك العايـبـه وتـحـك علبـاهـا
كيف تلحق عليهـا عقـب خمـس سنيـن=انـتـبـه لـلـعـلـوم ولا تـقـفـاهـا

ثم قام الجبرتي رحمه الله ضده بطاروق جديد وفيه تحدي


=الــــــجــــــبــــــرتـــــــي
الا ياذيب كثرت العوا يالذيـب سرحانـي=بلاك الجوع والا ابك الظما ياذيب غرغرها
ترى مالك عشا فاطرافنا ياذيـب نجرانـي=فرجها الله لياحكـت خنافرهـا بظافرهـا
=الــــــمــــــســــــعــــــودي
تراني جيت ابا اعدي وانتبه للذيب سمحاني=وابا افقع بطنك الليلـه لكنـك لاتدورهـا
واش اللي جابكم في ديرتي في جوف حيّاني=سواير في ديركم فـي ديرنـا لاتسيرهـا
=الــــــجــــــبــــــرتـــــــي
ياعبـدالله عشاكـم دوّره عنـد السليمانـي=وانا ماني معلمكم بصنعه وانـت خابرهـا
انا عدّك ولد جدّك واقـرر كـل ميزانـي=ليا خفـت موازينـك موازينـي تقررهـا
=الــــــمــــــســــــعــــــودي
انا ماني مخلي عندهم لـو ربـع ديوانـي=ابا اثني جمال الضلـع واقطـع حناجرهـا
وانا مبغاك تخبرني بصدقانـي وعدوانـي=ولو انك ولـد جـدي عيونـي ماتعورهـا
=الــــــجــــــبــــــرتـــــــي
اماريكم واباريكم وانا ريـض وعجلانـي=ولاطنقرت فالاعلام جالك مـن يطنقرهـا
اشوف الدم سايل والحس السكيـن بلسانـي=ليا وقعت فالميـدان طيـري ياعصافرهـا
=الــــــمــــــســــــعــــــودي
بغيتك يالجبرتي تكسر العضله على شانـي=لكنك ماتبتل حال حتـى انـك تشاورهـا
وصنعا يالجبرتي مايجيها غيـر صنعانـي=ديارٍ مختلـف طاروقهـا دارت دوايرهـا
=الــــــجــــــبــــــرتـــــــي
اشاورها واحاورها على دالـول رحمانـي=وانا من ربعةٍ مستنصره والرب ناصرهـا
جناحيني طوال ولاتنوشك روس جنحانـي=لكن انته تسلّـف دونهـا منتـه مدّورهـا
=الــــــمــــــســــــعــــــودي
انا مكسر جناح الصقر كان الصقر عشاني=ولن شفتـه بياكلنـي جناحينـه بكسرهـا
تعوذ من بليس اللي تقوله وانـت شيطانـي=تصوب غافليـن النـاس بالغـام تفجّرهـا
ــــــــــــــــــــــــــــــ ــــ

=الجبرتي
من ضمير الشاعر الي جاب له معنـى ورده = ابدع الامثال والامثال من فكـري وبالـي
ياشباب العرب ياللي يذبـح العاشـق بـوده = لاتميل السوق بالصندوق والصندوق خالـي
=المسعودي
قودها يالشايب اللي مال عيني عنـك صـده = مامضى لك فوق هذا الراس من سود iiالليالي
واش بغيت تقول ياعود كثير الشيـب خـده = مانت حول الباب الاقصى خل عينك فالموالي
=الجبرتي
صاحبي عبـدالله المخبـور ماينبـاح سـده = مثل ابن غانم ذياب ومثل ابو زيد الهلالـي
لن بدا مع ريع سده وان صدم له ضلع هـده = منهو اللي مثل ابن مستور صدام الجبالـي
=المسعودي
المخالف يالعوارف مايضـده غيـر ضـده = وانت تعلمت الرجال يجيك بعلوم الرجالـي
لن ثبت في الكلام اللي انـا حاضـر تعـده = مايجي شي غير يكود من جـدي وخالـي
=الجبرتي
الزم السيف بنصابـه لايوقـع فيـك حـده = انقطع راس الخيال ان كان في فكرك iiخيالي
صقرنا مخبور دايـم يخبـط الصيـد بيـده = كل اماصبح صبح ياكل من عراميش الغزالي
=المسعودي
يالجبرتي لو يجيك بعير لو عن غيـر عـده = كيف تقدر ترحله لن جاك في وقت الرحالي
اندقم مخلابك اللي فـي لحـوم الصيـد وده = مايصيد من السمان الا المقـادم والطحالـي
=الجبرتي
سلام الله بردية يا عبد الله يـا بـن مستـور = سلام من الهجوس اللي يرنّ اجريسهـا رنّـي
أنا ضايق عليك وضيقتي عوجا كما الباكـور = عسـاك اتحلهـا والا تزيـد العلـم وتغنّـي
=المسعودي
هلا يا مرحبا يا شاعر(ن) منك الوفا مخبـور= وأنا ما قول غير الصبر منكم والوفـا منّـي
لعلّ الضيقة العوجا يظلّـي عودهـا مكسـور = وتصبح ما معك عود(ن) عوج يالمطرب الفنّي
=الجبرتي
الا يالله ياللي معتنـي بالنسـر والعصفـور = أنا مدري عن العصفور وهوه ما درى عنّـي
لو انّ الاسم واحد كلها عند الرجـال اطيـور = لكنّ انت اسمك العصفور وآنا النسـر قابنّـي
=المسعودي
ألا ياشين حظك يالحصان اللي تخـدم الثـور = مغير الثور ياكل والحصـان يجيـب ويدنّـي
تبا تنفخ وأنا بنفخ ومن يطبخ بغيـر اقـدور = وعينك ما تشوف إلا بطن ذيب ولحـم جنّـي
=الجبرتي
ألا يا ورع يا مضرور لا تنفخ على الدكتور = تريّح للـدوى مجبـور بعـد اتجيـه متعنّـي
أنا جرّبـت فالدنيـا ليالـي ليّنـه وعسـور = ليالـي ليّنـه لاقيتـهـا ولـيـال لاقـنّـي
=المسعودي
أنا خابرك بارود(ن) ليا شـمّ الفتيـل يثـور = وأنا بحرقـك يالبـارود لـوّ النـار تاكلنّـي






توقيع الطائر المهاجر
 
  رد مع اقتباس
قديم 26-10-2007, 04:08 PM   رقم المشاركة : 2
الطائر المهاجر
** (د.عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات الجبرتي مع المسعودي


يقال ن الجبرتي حضر إلى محاورة في جدة وقد كانت صفوف الملعبة غير جيده فلم يلعب في اليوم الاول وفي اليوم الثاني حضر الى الملعبه نفسها وقد كانت نفس اليوم اللذي قبلها وفي اليوم الثالث سمع من الجمهور انهم يقولون الجبرتي خائف من الشعراء في اليوم الاول واليوم الثاني ولم يلعب في المحاورة فقام شاعرنا الى الملعبه في اليوم الثالث وقال هذا البيت واليكم المحاورة :

سلام من الجبرتي .. لا تقولون الجبرتي غاب=حضر واللي عقد روس الحبال يحلهـا حلـي
ليا مني حضرت اللعب فاللازم درقت البـاب=عصام اللعب ليه وارطني يا ترك عصملـي
=فقام احدى الشعراء وقال :
هلا يا مرحبا بك يالجبرتي جيد الأنساب=أنا ما أقول يوم أنك سريت انه من الذلي
هلا يا مرحبا يالجبرتي والعلوم صعـاب=لكن آخر على آخر تاخذون الدرب متجلي
انا من قبل ذا الليله علي مـن الإلـه حجـاب=حجاب من العرب والا كريم الوجـه متولـي
يقولون العرب ما دري عن الصادق من الكذاب=اثر بعض العرب عقله يجي ستيـن مرطلـي


فانتهت المحاورة ولاكن لم ينتهي هذا البيت من اذهان الناس الى يومنا الحالي
.






توقيع الطائر المهاجر
 
  رد مع اقتباس
قديم 26-10-2007, 04:09 PM   رقم المشاركة : 3
الطائر المهاجر
** (د.عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات الجبرتي مع المسعودي


محاورته مع صياف


=الجبرتي
والله أني نصحتك وأنت أبيت،والنصيحة من اوّّل تشترى"="شبّت النار في راس الحمار،كل حجّه على عنوانها
يوم كبّيت علمي وش لقيت،غير تلصق ملاصيق الغرا"="ماتعرف اليمين من اليسار،كل حجه على عنوانها
=صياف
أنت تنسى وتغلط مادريت،تدري اذنك وقلبك مادرى"="روح برّا يالعّاب القمار،كل حجه على عنوانها

=الجبرتي
أبني البيت وأنت تهد بيت،رحت قدام وتعود ورا"="أنت قبّه لكنك ماتزار،كل حجه على عنوانها
يوم أنوشك تروّح واشتكيت،ليه يا ابا الحصين الأزهرا"="حيّةٍ داخله في بطن غار،كل حجه على عنوانها
=صياف
حملوكم على ظهر الونيت،وحرموكم حليب الفطّرا"="وانتبه للبلاجيك القصار،كل حجه على عنوانها
لاشريت السلاح ولا رميت،رحت تايه ومقطوع العرا"="قمت تبرم على شبك المطار،كل حجه على عنوانها
=الجبرتي
مستحي منك وانته ماستحيت،طبعكم ياكبير الخنفرا"="فرفري فالخلا يا أم الصغار،كل حجه على عنوانها
يابعيري سرحت ولا ضويت،شالك الأحمرا والأسمرا"="تمسي ديار وتصبّح ديار،كل حجه على عنوانها
=صياف
جيت واخذت قسمي وانتهيت،وأنت حادر وخطك حدّرا"="ماتعرف البياض من السمار،كل حجه على عنوانها
انت يالعود نايم ماصحيت لين جتك الدعايم من كرا=يوم شفنا على راسك غبار كل حجه على عنوانها
ــــــــــــــــــــــــــــــ ـــــــ

=الجبرتي
سلام الله سلام ذا السنه ماهو سلام العام=سلام العام راح العام بين هناك وهنيه
انا اشوف المعارض واقفه والزين ماينسام=سمعت اهل المعارض يشتكون من الشريطيه
=صياف
هلا يامرحبا ترحيبة ترحيبها قدام=لو ان قلوبكم ماتت عصر واعيونكم حيه
كثير الناس يمشي في الطريق وحفرته قدام=ولا يدري عن الحسنه ولا يدري عن السيه
=الجبرتي
انا باغيك ياصياف لو انك بغير خطام=لكن ازحف وراك ولا تمش ايديك بيديه
اعرف الحبحب الفاوي واعرف الخربز الشمام=وابو خداش مشتالك معه دفعات روسيه
=صياف
تبا المطلاع راس الريع ليت الله عطاك عظام=نشيلك فوق راس الضلع بين الشمس والفيه
اشوف الناس تعطيك العمامه وانت ابو عرام=وابو عرام مايرتاح لين يحط طاقيه
=الجبرتي
دخيلك لا تخرب في بلدنا يافهد بلام=تخرب فالبلد وانته عليك صكوك شرعيه
يقولون العرب ما تلبس الا وارد البسام=تبيع وتشتري فالسوق هنديه ومصريه
ــــــــــــــــــــــــــــــ ــ

محاوره قديمه تدور بين الشاعرين,يلمح فيها
الجبرتي الى مشكله قديمه بين قبيله حرب وقبيله
اخرى حول ارض بينهما ,لكن صياف يطلب منه ترك
هذا الموضوع ويذكره بقصه بين قبيلتيهما, وذلك
من باب استغلال شعراء الرد لاي موضوع تدور حوله
المحاوره

=صياف
مرحبا مرحبا بالطرقي المرسل=لو رد الرساله قبل نقراها
السيوف تبعت سيف الله المسلول=كل ما حدها روح وخلاها
=الجبرتي
جيت ابلعب معك فالليل عرض وطول=كل ديره نبا نرعى بمرعاها
مادريت ان وادي مدركه منزول=والبوابير ترسي حيث مرساها
=صياف
لاتحرك وساقك بالحبل معقول=موت في ديره ما ينشرب ماها
مابقى في يد الفوال غير الفول=والعصا اللي مع الطلمه تعصاها
=الجبرتي
ليت وانك تورد حبلك المنقول=يوم شبيت نارك والله اطفاها
طفت الكهربه والعسكري معزول=ماتت امك وابوكم ماترضاها
=صياف
انت شايب وهرجك عندنا مقبول=اخذ عادتك منا قبل تنساها
حبكم حبكم ياهل البلد مكيول=مير خزنه عكاشه وين وداها
=الجبرتي
انته مانته من اللي فالبلد مسئول=كلما صبحت حمله تلقاها
قدمك الحفره اللي حطها زهلول=مير تصبح بها والا تمساها
=صياف
انزل السوق واحلق راسك المبلول=وام الاجواد دورها وتلقاها
والله انا نقضنا حبلك المفتول=مار روح بعصال اللي تعصاها
=الجبرتي
انت رجال مدري ورع فالهندول=يرضع ويبكي ليش بكاها
انت مجهول من يدري عن المجهول=بقشه باينت فالسوق واخفاها
ــــــــــــــــــــــــــــــ ــــــ

=الجبرتي
قوم يا صياف قود العلم باحسان وبصيره =كان ما تقدر تقود العلم لله الكمالي
يا عسى في الامر خيره ويا عسى في الامر خيره =لنت اخوي ولنت ابوي ولنته الضلع الموالي
=صياف
كيف تزهمني وانا رجال ما اعرف السريره =يوم جيتوا ستة وخمسين احاربكم لحالي
انت عود كل ما جاء الصبح تحرك لك مضيره =لين خربت السنون اللي مثل ضو الهلالي
=الجبرتي
لاتكبرها وتصبح ناقه الطرقي صغيره=لاتسوي علم ماجبته وتنقدك الرجالي
انت خابرني واناخابرك ورجال العشيره=لواداوي كلوه المرضان ينقضها الطحالي
=صياف
تعرف شروط الصغيره واعرف شروط الكبيره=وانته الليله يبا يغشاك سيل بلا خيالي
هبت الحايه عليكم وانقفل باب الحظيره=من هو اللي يقدر النقزه ورجلينه طوالي
=الجبرتي
كان سيلك ماوراه خيال ياسيرتك سيره=الندى ماينبت المرعى ولا يشبع حلالي
العرب تعرف طيور البر وطيور الجزيره=وانته لاعنتر ولنته مثل ابو زيد الهلالي
=صياف
انت ماتحمل خيال ولاتكلفنا ذخيره =انته من هاك الشايبه لارخيص ولنت غالي
لن تقابلنا ورا مكه فالايام القصيره=الك براد حلا برا ولك براد حالي
=الجبرتي
كل ماخليت لي بخيال ضيعت البصيره=يالله انك لاتضيع مكسبي مع راس مالي
ــــــــــــــــــــــــــــــ ـــــ

=صياف
كريم يابرق سرا واخر المشوار معروف =وليا انتهى المشوار تطري على قلبي طواري
مادام يبقى في مواقيفنا شعار وصفوف=لو قالو العربان هيا السرا مانيب ساري
=الجبرتي
الليله الحايه تهز الذرا والبيت معصوف=انا مداري مير اشوف الولد ماهو مداري
الليله الحربي يحب الفرح ضايف ومضيوف =وعلوم ضاري يوم تطري علي علوم ضاري
=صياف
شريت لي دربيل ادربل وعيا يبعد الشوف=وليانظرنا فالشجر مانشوف الا القماري
عز الله انك ذيك الايام مانته رجل ملقوف=لكن غيرك الكبر والكبر جت مواري
=الجبرتي
حنا سرينا بالجمل والجمل حاشي ومردوف=والدرب يا صياف ماهو على ظهر الكباري
عز الله انك صقر ولكن منك الريش منتوف=والصقر جاله صقر يهجم على روس الحباري
=صياف
بعيركم مافوقه الا سنام وظهر وكتوف=تحمله وتميله للبلد ويجيك عاري
الله يبارك فالمنيحه ويسترها من الصوف=ماعاد نحزم فوقها لا سيوف ولا شباري
ــــــــــــــــــــــــــــــ ـ
= صياف
ياحبني للرجال اللي تعرف المذهب الزين=والمذهب الزين اخير من اللجاجه والصياحي
ياخاتمت خير للشياب في وزن الموازين=الكلمه المستخفه مالهم فيها صلاحي
=الجبرتي
حنا مانشناك لين انك لمست الخشم والعين=والي يقود السبب يصبر على زرق الرماحي
انته ليا جبت لك مترين تاخذ فيه مترين=واللي بلغ عمرها ستين ماتطلب نكاحي






توقيع الطائر المهاجر
 
  رد مع اقتباس
قديم 26-10-2007, 04:13 PM   رقم المشاركة : 4
الطائر المهاجر
** (د.عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات الجبرتي مع المسعودي


محاورته مع معيض بن عوض العجي الجابري

الـــجــــبــــرتــــي

انا يامعيض اسمع بذكـرك وطاريـك=لكنـا حضرنـا عنـد ولـد الحلالـي
هلا مرحبـا يامعيـض والله يحييـك=علوم اليمن صدفة علـوم الشمالـي

مـــــعـــــيــــــض

انا مثلك اسمع بك وادير الفكـر فيـك=وربـي جمعنـا باللـيـال التـوالـي
انا ضيف وانتـه ضيـف والله يبقيـك=وزاد العلـوم عـلـوم ياهمـلالـي

الـــجــــبــــرتــــي

انا أطلب من الله مايضيع الرجا فيـك=لكن القمـر بـاول طلوعـه هلالـي
انا مفتكـر ياصاحبـي ويـن اوديـك=تحـب السهـل ولا تحـب الجبـالـي

مـــــعـــــيــــــض

طلبنا من الله وارجـوا انـه يهاديـك=وشمس الضحى تكشف سمين الضلالي
على ماتـورى يالجبرتـي نماشيـك=وعسى راس مالك يردعه راس مالي

الـــجــــبــــرتــــي

ياليتـك تخلينـي بناخـي وابادعيـك=خبرتـك كريـم ولا تحـب النـوالـي
واذا كنت ضايق تفرش البيت والفيـك=وهذي سلـوم تقـاد بيـن الرجالـي

مـــــعـــــيــــــض

انا ما اكـره اقبالـك ولانـي بتاليـك=ولا اعضـاك والدنيـا زواد الزوالـي
وأنا كيف ابزعل وأنت مافيك تشكيـك=سلوم العرب بالفعـل ماهـي مجالـي

الـــجــــبــــرتــــي

انـا عـارف أنـك ماتبـن شكاويـك=تشيل الكنينـه مثـل شيـل الجمالـي
واذا كان تبغـا شـي قلـي واداويـك=ريالين ماخـذ منـك عشـرة ريالـي

مـــــعـــــيــــــض

اباصبر كما صبرك ومعروف مافيـك=وانا وانت كـلا فـي مكانـه وغالـي
تداوي وانا كان انت ضميان ابي اسقيك=شرابا مجرب مثـل شـرب الزلالـي






توقيع الطائر المهاجر
 
  رد مع اقتباس
قديم 27-10-2007, 10:31 PM   رقم المشاركة : 5
الطائر المهاجر
** (د.عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات الجبرتي


الجبرتي و مبروك ابو ناب
=الجبرتي:
سلام الله بردية سواة البـارق الوضـاح =ليا منه لمع كل العرب شدت على شانـه
ولاقالوا تريح قلت كيف اقعد وكيف ارتاح=وانا اشوف البلادي ينقل الكورة بكرعانه
=ابوناب:
الا يامرحبا ياعود ياللي شغل المصباح=اشوفه مثل براق الحيا لاهـل ربانـه
ليا جاك البلادي كل باب يجيبله مفتاح=يكب الفارغة ويجيبها للعـود مليانـه
=الجبرتي:
انا ماهمني فالناس ابو سامح وابو سماح=ليا ماطاح ابو سماح طاح ابليس واخوانه
لك الله ما تروح لين اعرط فيك ياتمساح=ترى التمساح دايم يلحس السكين بلسانه
=ابو ناب:
الا ياطير هون لا تقابلنـا بغيـر جنـاح=ليا منك شبعت طيورنـا قـدام شبعانـه
تحاورنا على درب العضا يالسارق المزاح=كما اللي ضايعة فالسوق مستره وفرحانه
=الجبرتي:
الا ياخالنـا مبـرو ك يامـا جـا ويامـا راح=تبي وضحى و وضحى روحت عند ابن عجلانا
انا ليا عميل(ن) كـل مانشنـاه قـام وطـاح=تحدانا وانا مـا اخبـر احـد غيـره تحدانـا
=ابوناب:
ليا مني حويت العود وانه يسبق الاريـاح=وهذي خلقته سبحان رب الملـك سبحانـه
ابو زيد الهلالي حامي الديره في غير مراح=لو انه فالمراح نقول شاف الدرب باعيانـه






توقيع الطائر المهاجر
 
  رد مع اقتباس
قديم 27-10-2007, 10:33 PM   رقم المشاركة : 6
الطائر المهاجر
** (د.عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات الجبرتي


الجبرتي مع عوض الله السملي (أبومشعاب)


=ابومشعاب
سلا الله على اللي منزله في وادي الاشـراف = تعرفونه ( محمد بـن شرّيـف ) ذرف الايمانـي
انا ضفت ( الجبرتي ) للغـدا لكـن ما ينضـاف = يقول لكل من ضافه غداك بسـوق عسفانـي
=الجبرتـي
هلا يا مرحبا بـك يا البقيلـي والعلـوم خفـاف = تسوّيلـك دعــاوي مالها مشهد وضمـانـي
يا ( عُوض الله ) تراكم من جهتنا ما يصلك خـلاف = لكن انته معك حاسـوس برّانـي ودخلانـي
=ابومشعاب
لعلّـك للبقا يا اللـي كثيـر الوقـت ما تنشـاف = وإلى جـات السواير تنحـرف للسّاير الثـانـي
علوم الصـدق ما تحتـاج لا شاهد ولا حـلاّف = ولا يسلم من الحاسوس من قفّـا وخلاّنـي
=الجبرتـي
معك رجّال ما يظلـم ولا هو للعـرب حـذاف = ليا منّه شهد بالحـق قلـت الحـق جزّانـي
معك شارب سعيد اللي مدير القوم والاسعـاف = لكـن الله يمنّا تـاع مـع درب المريكانـي
=ابومشعاب
اخـاف اليا شهد ما تقتنـع تعطيبها المحـراف = لكن اسعيد حاضـر وان نشدتـه عد ما جانـي
معي شارب سعيد اللي تقوله في عراض القاف = يقول الصدق وانا لن لقيـت الصـدق كفانـي
=الجبرتـي
انا جوني ثنينه ينقصـون الارض بالاطـراف = احد شاعر واحـد ماعـر يكور علـم ما كانـي
وابا اشهد فوقكم مطلق وابا اشهد فوقكم صيـاف = يعرفون الصواب من الخطا حربـي وعتبانـي






توقيع الطائر المهاجر
 
  رد مع اقتباس
قديم 29-10-2007, 02:10 PM   رقم المشاركة : 7
الطائر المهاجر
** (د.عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات الجبرتي


الجبرتي ومطلق الثبيتي

=الجبرتي
سلام رديه لها زرقه ودرقه وعتراك=هذى تماثيل الجبرتي من ضميره قالها
يا بن حميد قوم ابا خذلي معك مسواك راك=في ليلة(ن)يا طيب مظهرها يا طيب ارجالها
=الثبيتي
يا مرحبا بك يا الجبرتي كان خلاقك هاداك=والناس ربك ما يحسبها بغير اعمالها
يا عد يا هدج عيو ينقصون الور ماك=شفت السواني تدرج وشوف طول احبالها
=الجبرتي
انا زميلك يا الثبيتي وانت ما تبغاء زملاك=تمشى لحالك يا الثبيتي وزملاك الحالها
حلف متا تلقاء كمايه وانت ما نلقاء كماك=لو حمت في كل الجزيره شبها وعيالها
=الثبيتي
اعصاك يا الشيطان لو مستور قبلي ما عصاك=؟؟؟؟؟؟؟؟؟؟؟؟؟؟؟؟؟
يا ثلب ابو نا بين من با عك علينا وشتراك=يا لي شربت الشا ذليه لا تسب ادلا لها
=الجبرتي
المسعد اللي ما تصبحبك ولا يمسي مساك=لا تستر العذرا ولا تطلع لها رجالها
لا صار ما لك عين من قدمك وعين(ن) من وراك=تدخل عليك اعلوم في مخباك ما تصحالها
=الثبيتي
يا عودنا لا تجحد انعمه بعد ربي عطاك=اعطاك بنت(ن) من عارف جد ها من خالها
ابو سارت فوقه لا يا مو انته في سراك=لاكن با لله علم اممك تنبه لعيالها
=الجبرتي
حنا تو ضينا بما ء نا ما توضينا بماك=لعل فا لك يا الثبيتي ما يباعد فالها
ــــــــــــــــــــــــــــــ ـــــــــــــ


=مطلق:
مرحبا رحب ينشر ويبدي كل ريع=ياعيون من فرحها تهل ادموعها
يفرح الطرقي ليا شاف له درب وسيع=كن في دربه كهارب تشب اشموعها
=الجبرتي:
البقا بالصاحب اللي مع الطاعة يطيع=والخلايق كلها تستمع باسموعها
من يسال الناس عن درب مكة مايضيع=والمحاكم ناصبة للرجال اشروعها
=مطلق:
ابعد النيران من جنب زبدك لايميع=العرب ما تنعرف شبعها من جوعها
يانجوم الصيف تبدين في ليل الربيع=والقلوب الغافلة مانويت اروعها
=الجبرتي:
ياثبيتي لاتقدم طعام من ضريع=تاكل اتلاها وغيرك يشل افروعها
بعد ماجينا نبي نشتري والا نبيع=دونك الدسمة كلاهامابين اضلوعها
ــــــــــــــــــــــــــــــ ــــــــــــ

=الجبرتي :
العام حاشينا يشم الديـس والناقـه نفـور=وانته من اللي عقل الناقه وصـر ديوسهـا
يالله طلبتك ياكريـم الوجـه رزاق الطيـور=انك لتغنينا عـن اللـي ماتليـن نفوسهـا
=الثبيتي :
والله ماقصر رفيقـك فالـورود وفالصـدور=لكن ماتسلم سليم الين نحلـق روسهـا
انته من عيال البطن ولا من عيال الظهـور=والشعله اللي تشتعل فالدرب كيف ندوسهـا
=الجبرتي :
كل الخلافه منك ضيقت الكواكـب والبـدور=وانته كما عود من العيدان بيـن ظروسهـا
سبحان ربي مسلم الانسان من غوش القدور=تخرب البنـدق وتدخـل للعـرب نادوسهـا
=الثبيتي :
انا فتلت القيد في كفـي ونوخـت الجـزور=لكن ماشفت الرجال اللـي تشـرر موسهـا
انته تمنى لقمتن لك في حناحيـن النصـور=مير اعرفوا بيض اليالي والبسوا ملبوسهـا
=الجبرتي :
انته سوات الهوري اللي يدرج بين البحـور=لوكان مايحمل عصا دبوس مـن دبوسهـا
حنا ندفن فالجنايز وانـت تبحـث فالقبـور=ندفن كراعين الجنايز وانت تبحث روسهـا
=الثبيتي :
انته حسودي والحسودي لا يحج ولا يـزور=وليا شرى حبت شعيره جاه منها سوسهـا
انتم بليتونا ضحى يابـدو ياقـوم الخـدور=.والبدو نعرف ماشيتها من وجيه عسوسهـا






توقيع الطائر المهاجر
 
  رد مع اقتباس
قديم 01-11-2007, 02:03 AM   رقم المشاركة : 8
الطائر المهاجر
** (د.عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات الجبرتي


محاورته مع هليل السيالي الجهني

هليل الجهني

سلام الله سلام انشا علي روس الجبال خيال = وكأن الله قسم سيله عليكم يحتمي جاله
نظرناكم عرفناكم عرفنا اللي لكم في البــال = ولاهو كل واحد جاته الدنيا علي باله


محمد الجبرتي

هلا يامرحبا ترحيبة الرجال بالرجـــــال = لكن الناس لا تدخل ما بيت العود وعياله
عرفتونا وجيناكم نبا من كيفكم فنجـــــــال = لكن الكيف يهل الكيف من حمسه وعداله


هليل الجهني
عسى فيك البقا ياشاعر تضرب به الامثال =وابشرك بخوي يرضيك إذا ما سيق فنجالة
خلقنا الله وصورنا وخلا للثقال جــــمال = جمال تشد عضله واحد الله عالم بحاله



الجبرتي
حضرنا وانتصرنا فالفرح والله لها حلال = وانا عيني تراعي مشلح الرجال وعقاله
ولاكن الليله المعنى سواة اهلال فوق اهلال =هلال في السماء وهلال بين الشمس وخياله

هليل
الا يالله طلبتك يامبدل حال بعد أحـــــوال= محمد جابه الله لي من دون اتعـــنى له
نسد العشر بالعشرة وبدل بالريال ريال= ليا من أمتلي الجدول نسوي جدول بداله

الجبرتي
اذا مات الجمل ياصاحبي وش حالة الجمال= لاكن الي يبي يقدر علي حمل الجمل شاله
ابأخذ منكم الطيب وبترك منكم البــــــطال = وشغلك ياهليل يخرب الصندوق وقفاله






توقيع الطائر المهاجر
 
  رد مع اقتباس
قديم 01-11-2007, 04:28 AM   رقم المشاركة : 9
الطائر المهاجر
** (د.عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات الجبرتي


الجبرتي مع محمد بن قابل العصيمي


جاء محمد بن قابل العصيمي إلى الجبرتي في منزله بالجموم واخبره أنه يوجد
تسجيل في برنامج الباديه الذي يعده ويقدمه محمد بن شلاح المطيري
فذهب الجبرتي مع ابن قابل للإذاعه بجده ،ولكن الجبرتي وجد أن الخبر غير صحيح
ولا يوجد تسجيل في ذالك اليوم لسؤ فهم الموعد الصحيح من بن قابل
وانتهز الفرصه الجبرتي


=فقال
انته يابن قابل تجيب اعلوم وتودي علوم =وتقول قال افلان واللي قال ليش اتقولها
بعض الرجال إن كان جاك بعلم قاعد لا تقوم=اترك علوم اللي مع الشارع تدق طبولها
= ابن قابل:
حنا من أهل الصدق وأهل الصدق ماتخطي السلوم =وانته علـومك يالجبـرتي عرض الارض وطولها
الحمد لله ماحصل حاجه إلي لمس الخشوم=والناس مفروضه نخاطبها بقدر اعقولها
= الجبرتي:
ماهمي إلأ الطرقه اللي ماقضت ليه لزوم =مثل الجمال اللي مع الديره غدة بحمولها
بنتك كبيرة جات من مكه الى عين الجموم =مكحله والمكحله والمشط جوف احثولها
= ابن قابل:
محد ضمن مافي السما من شمس والا من غيوم=والخـير مقبل بكـره التـلعه تسـيل سـيولها
يابن شريف لا تعدي الحد وتشيل الرسوم=والبنت ميز واين طلعتها واين نزولها
= الجبرتي:
البنت هذي جاتني طير على راسك يحوم=واشوف مكـتوبه ولادتها على هندولــها
وانته تعرف شروطها فالقيض والا في السموم=وإذا تكلمـنا عــلـيها كلـمـت سـندولـهـا
= ابن قابل:
البنت واجبها التفرج لا تبيع ولا تسوم =وساسها من شام وأهل الشام دون نزولها
البيعة اللي ماتجي فالحج في وقت القدوم=تبا تجي فمنى ويحكم بيعها فسـبولــها
= الجبرتي:
حنا تقاسمنا وقسمك جاك من عرض القسوم =اشتال قسمك يالعصيمي وأرسلو مرسولها
انت تفكر فالقمر والا تفكر فالنجوم =إن كان ماتقدر تفكر ما تعرف احلولها






توقيع الطائر المهاجر
 
  رد مع اقتباس
قديم 01-05-2008, 03:17 PM   رقم المشاركة : 10
ابراهيم عبدالحميد
الخريف الحزين/
 الصورة الرمزية ابراهيم عبدالحميد





معلومات إضافية
  النقاط : 10
  الحالة :ابراهيم عبدالحميد غير متواجد حالياً

 

افتراضي رد: محاورات الجبرتي


عظيم الشكر و التقدير للإختيار المميز
و محاورات/ الجبرتي

دمت و سلمت و غنمت







توقيع ابراهيم عبدالحميد
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 6 ( الأعضاء 0 والزوار 6)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
محمد الجبرتي السلمي الطائر المهاجر رواد الشعر النبطي المعاصر 18 18-05-2011 04:24 PM
عبدالله بن مستور المسعودي الطائر المهاجر رواد الشعر النبطي المعاصر 35 05-12-2010 11:49 AM
ماجد الحثربي الطائر المهاجر رواة وروايات عن التراث الشعبي 15 20-05-2010 02:09 AM
من اجمل محاورات الفطاحله ( متجدد ) يوسف الشقران ساحة المحاورات 9 24-06-2008 12:41 PM
محاورات المسعودي الطائر المهاجر محاورات كبار شعراء الساحه 15 08-04-2008 11:09 PM


الساعة الآن 08:29 AM.


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
جميع الحقوق محفوظة لمنتديات الفطاحلة
Resources - Free Link Exchange