دار تعزّك ولو ضاقت بك احوالك

[الطائر المهاجر]

دار تعزّك ولو ضاقت بك احوالك=افضل من ديار تظهر زيف حريّه
وان كان تبغى السلامه انت وعيالك=اقنع برزقك ولو واحد من الميه
كلٍ يلاقي جزاه بيومه الحالك= يمرض ويرحل بلا مال وذريه
ودامك بأمن وأمان فطيّبٍ فالك= طالع لغيرك بسودانٍ وليبيه
حتى ولو ينسرق جيبك وجوالك= الأمن مشغول في طرد الارهابيه
وحتى ولو عاطل منتاب بالحالك= مثلك كثير من رجالٍ شقرديه
وحتى ولو جايعٍ بعض الفقر طالك= يمكن تلاقي لحم في عيدالاضحيه
لاسلم عودك زمانك يرجع لحالك = فسلم امورك لربٍ يعلم النيه
وان مت من جوع ماثقلت شيالك= لكن بلا ذل لاوغادٍ وواويه
من كل متغطرس يصفعك بنعالك= يبيك عبدٍ ذليلٍ في قهاويه
من شان تلقط فتات يوم يرمى لك= كلبٍ يحرسه من اللي ماشيٍ زيه
موتك عزيزٍ بنفسك يوم ترحالك= ولا يقال عبدٍ توفى لاجل ربيّه

[سااامر]

صح الله لسااانك

ولاهنت كتبت فأبدعت

[بنت النور]

صح السانك صح السانك

قصيده رائعه وجزله

دمت بخير ولا هنت

[داعي الشوق]

صح لسااانك و اعتلا شاانك

قصيدة جزله

ولاهنت و لا هان فكرك

[حرف وشعر]

نص له معانى ورموز ذكية صح كلك يابوعبدالله

وكل عام وانتم بخير

[منيع]

موتـك عزيـزٍ بنفسـك يـوم ترحالـك
ولا يقـال عبـدٍ توفـى لاجــل ربـيّـه

الشاعر العربي يقول

عش عزيزا اومت وانت كريما= بين طعن القناوخفق البنود

عموما استمتعت بأابياتك ذات الجرس الاقناعي من وحي الواقع المحيط بناوالمقارنة بيننا وبينة
ربي يرعاكم
تحياتي

[الخنساء]

اقنـع بقسمـك ولـو واحـد مـن المـيـه

كـــلٍ يـلاقــي جـــزاه بـيـومــه الـحـالــك

يـمــرض ويـرحــل بـــلا مـــال وذريــــه

ودامــك بـأمـن وأمـــان فـطـيّـبٍ فـالــك

طـالــع لـغـيـرك بـصـومــالٍ وســوريّــه

صح لسانك مليوووووووون
قصيدة جزلة من شاعر متمكن
تترجم الواقع والله يحرسنا بعينه التي لاتنام
سلمت ودام حرفك

[شاكـر محمـد]

هههههههههههههه
روعه يالشاعر الطائر المهاجر
صحح لسانك
بالتوفيق

[ابو أنس]

نص ملغم
ظاهره فيه الرحمه وباطنه من قبله العذاب
كماتعودنا منك ابا عبدالله التميز الدائم في الطرح
تحيتي وودي

[الطيف المسافر]

صح لسانك وجاد بيانك دكتور
ولا هنت على هذه الرائعه
جزله واصيله بكل ماتحوي