لك الله يالزمان التي تدوس المسلمين(بالصوت)

[الطائر المهاجر]

لك الله يا الزمان اللي تدوس المسلمين خطاه = يمرّ العام والثاني ونشكي جاير سنينه
قهر في قهر مما تنشر الأخبار او نقراه = مشاهد دوم تتكرر توضح وضع ناسينه
تناوشنا بغاث الطير من بومه وحتى حـداه = وإذا طـاح الجمل لا بد ما تكثر سكاكينه
بطش فينا المعادي ما يبي قلبٍ يقـول اللـه = يبي الطاغوت يحكم به وجبتٍ من قوانينه
شبابٍ كل يوم ينقتل محدٍ سأل معناه= ضمير مات في عصرٍ شربنا المر من شينه
فهل من يدفع العدوان عن نفسه ومن بحماه = يعامل مجرم ويقتل ولاحدٍ قال ذا وينه
سكتنا عن فلسطين وبدا العادي ومن والاه = بجريمه ثانيه كبرى بعونٍ من موالينه
واذا من قاومه حرٍّ يحس الذل في دنياه = فهو لاشك ارهابي ولا يحتاج تخمينه
حلالٍ قتل شعب كاملٍ قاومه في احياه = وحرامٍ قتل جنديٍ مجرمٍ أواخذه رهينه
غدينا ننتفض كلٍ يبي العادي وكسب رضاه = جسد لو طعن في قلبه فلا تدري شرايينه
تبنـى المذهب النكرة صليب ونجمة ويـّاه = جمع حقـد النصارى واليهود بكل تدوينه
يقـول بدينكم ارهـاب لازم نبتدي نمحـاه = نعـدّل في أحاديثه وآياتـه وتضمينه
ندرسكم حضـاره وارد الإنجيـل والتـوراه = فشعب الضـّاد متكبّر نبي هصره وتليينه
لأنه عارفٍ سرّه ويدري قـوّةٍ تحداه = إذا من هـلّل المليـار ما قاوم براكينه
تهمنا حقد بالإرهاب وهو من طوره واعطاه = لمن يخدمه في العالم يمدد به جناحينه
تهم ما تنتهي حتى بقولة آه وا ويلاه = بغابه ما بها قانون يحمي الحق ويعينـه
لقانا ضعف قدّامه ، فرسنـا وداسنـا بحذاه = تنـكّر للحقـوق اللي يطبقها بدواوينه
يبي يشرب دم المسلم وعظمه لو قـدر يلحاه = يبي الكعبـه على خيبـر تدنسها كلابينه
مثل ما نجس الأقصى ولا أحـدٍ قـادرٍ يحماه = وقتله من بغـى منا وتشريده وتسجينه
خذانا للحضيض المرّ من فعله ومن شــرواه = وثبّتنـا على دربه وما يرضي محبينه
يعرف انا كما البركان خـامد دون دين الله = من التـاريخ يدري به ولا تجهله حطينه
تـرانا ما انتهينـا ثعلب الغـابه ولا تحـراه = ترانا كالنخـل يحيـا ولو حاولت تدفينه
وترانا لا ناخانا الـدّين بعنـا العمر به نفــداه = تبي الدنيـا وحنّـا نطلب الجنـة وشارينه
تـرانا ما فتحنـا الأرض للعـزه ولا للجـاه = ولكن كي يسود العـدل من غربه إلى صينه
ولا حنّـا فتحنـاها بصاروخٍ خطا مرمـاه = فتحنـاها بكلمة حق تعطي الحق وتزينه
وحنّـا من عطاك العلم يومك جـاهلٍ معنـاه = قواميسك وراجعهـا وتدري عن براهينه
مـدام إن الزمن دوّار عطاك السبق في مثنـاه = لزومٍ يوم يتخلّى ولا تحكـم قوانينه
مخططكم ترى واضـح تبيّن للملا مغزاه = تبون الدين مع ثرواتنا ندري ومحرينه
ترى التمثيل مكشوفٍ ودربك واضحٍ مسراه = وندري باقتصادك دوننا ينهار في حينه
واذا منك خدعت البعض يمشي خايف الإكـراه = ترى كل الشعوب بكرهكم تجمع ومحصينه
وحتى من وثق فيكم وغير شئ من مبداه = يعرف إن الغدر من موطنك عرقه وتوطينه
بحرق أوراق منتهية تبدلهـا بمن تهــواه = على اتفه عذر في اوراقكم تتهمه وتدينه
جنــود الله منصوره وعد من حق ما ننساه = ومهما زاد طغيانك مثل فرعـون بسنينه
عباد الله ، جند الله ، هذا الـدين من يحمـاه = ترى الصوره على المكشوف ما تحتاج تلوينه
تعـالوا ارجعـوا لله تلاقـون النصر بحمــاه = فمن غيره يحررنا من العادي وبراثينه
إذا نرجع إلى ربي بقلبٍ صـادقٍ مسعـاه = نصحّي ضامرٍ قد نام لو ينـوون تكفينـه
وترى ما يدري الواحد متى يرحـل إلى مثـوّاه = يلاقي نار أو جنة حسب فعله مدى سنينه
ولا يبقى سوى الرحمـن ومن يسجد لغير الله = خسر دنياه وآخرته ولو كثرت مـلايـينه

[راجي الحاج]

يسلم قلبك وفكرك دكتورنا

ونسأل الله ان يعجل بالنصر

[الطامي]

تناوشنا بغاث الطير من بومه وحتـى حـداه
وإذا طاح الجمل لا بد مـا تكثـر سكاكينـه
بطش فينا المعادي ما يبي قلـبٍ يقـول الله
يبي الطاغوت يحكم به وجبتٍ مـن قوانينـه
"""""""""""""""""""""""""""""" """"""""""""
الله عليك ولك عود
لافض فوك دكتور
كل يوم يطلع جديد
صح السانك
ولاهنت

[الطائر المهاجر]

شكرا لأخي راجي
على كريم الحضور والتفاعل
لاهنت
تحياتي

[همس الورد]

صح لسانك يا دكتور

و بيض الله وجهك

قصيدة رائعة

تسلم شاعرنا المحترم

[الطيف المسافر]

تناوشنا بغاث الطير من بومه وحتـى حـداه
وإذا طاح الجمل لا بد مـا تكثـر سكاكينـه
بطش فينا المعادي ما يبي قلـبٍ يقـول الله
يبي الطاغوت يحكم به وجبتٍ مـن قوانينـه
شبابٍ كل يـوم ينقتـل محـدٍ سـأل معنـاه
ضمير مات في عصرٍ شربنا المر من شينـه
فهل من يدفع العدوان عن نفسه ومن بحماه
يعامل مجرم ويقتـل ولاحـدٍ قـال اباعينـه
سكتنا عن فلسطين وبدا العادي ومـن والاه
بجريمه ثانيه كبـرى بعـونٍ مـن موالينـه

عسى الله ان يقضي امرا كان مفعولا
قصيدة معاناة امه تعبر عن واقع الحال لنا بشكل عام ولهم بشكل خاص
مشاعر متدفقه من صحوة ضمير اتت مغعمه بالصدق والوضوح في النص
نص يجعل المتابع يبقى متاثر لما يحدث وقد وضع الحل في آخر ثلاثه ابيات
ولاشك ان اهلها يباسلون بكل ما اوتوا من قوة فثبت الله اقدامهم وشق لهم درب النصر
وهنا يبقى للشعر رساله وهدف وقيمه ليس غريبه على الشاعر الدكتور عثمان العبدالله

[عبدالله راشد الثويني]

صح لسانك وعلا شانك يا الغالي
صدقت بكل حرف خطته أناملك أستاذي أبو عبدالله
صريح كعادتك وصاحب أسلوب مميز ترجمت فيه واقعنا المرير
أكرر شكري لك
تقبل وُدي

[منيع]

ابيات رائعة ومعبره
شكرا لكم
تحياتي

[النهج المختلف]

الطائر المهاجر صح السانك ،، ،،

بيض الله وجهك على القصيدة والوافية والمعبرة ،، ،،

الله يعطيك العافية يابوعبدالله لاهنت ولاهان راسك وفكرك ،، ،،

تحياتي وتقديري ،، ،،

[الطامي]

الطائر
صح السانك
جزلة من عملاق شعر ومعنى