قال الصبر قلت الصبر مقدر اقواه(بالصوت)

[الطائر المهاجر]

قال الصبر قلت الصبر مقدر أقواه = قال التأني قلت فيه السلامه
ما نيب من يركض يبي حلو دنياه = أخاف ربي يوم حشر وقيامه
لكن هذا الوقت داستني خطــاه = وحظي رقد متهني في منامه
إن قلت يا وقت العناء ويش تبغاه = قلب صريح وواضح في كلامه
قال البلا رأسك شمخ فوق علياه = عنيد ما يرضى ينزل لْهامـه
لا بد ما يخضع وتترك سجايـاه = وتماشي التيار مثل الفدامــه
تمشي أمورك تكسب المال والجاه = وتصير رجل فوق عال العلامه
قلت العفو مالي بوده ورجــواه = يرزقني الرحمن منشي الغمامه
وقت نقص دينه يبي بوم وشيـاه = وإلا ضفاع عايشه كالنعامـه
وارد بحر محد درى وين ملفـاه = وإذا تمكن شفت منه اللآمـه
طابور خامس جاهل من ترهـاه = وإذا دعا الداعي تبين مرامـه
لا يا بحر طرشك ومفهوم مغزاه = معروف للعقال وأهل الفهامـه
لا يا زمن خلك بجهلك ومبــداه = وانا على مبداي ارفع مقامه

[الأموره]

صح لسانك و علا شانك

سلمت و سلم هالهطول ،،

الف شكر لك ،،

دمت برعاية الخالق ،،

ما نيب من يركض يبي حلو دنياه
أخاف ربي يوم حشـر وقيامـه


ياسلاااام
صح لسانك كلامات جزله جايه من جزل مايحتاج له تعريف