ياعساكم عساي

[الـزلـزال]

بسم الله الرحمن الرحيم

طابت أيامكم ولياليكم بكل خير ومسرات

( ياعساكم عساي )

اسعد الله مساكم وأسعد الله مساي = أسعد الله مساء من يحكم المملكه
المليك الحبيب الشهم يالله عساي = فدوتآ له حبيب الشعب يامبركه
والله أنه بوسط القلب قلبي سماي = والله أني معه في سلم في مهلكه
أبو متعب ولا غيره لقلبي دواي = أبو متعب حبيب الطيب له يسلكه
كل شعبه يردد مثل قولي ( غلاي ) = وأبو متعب يردد فقركم نهلكه
كم تمنيت ربي يقبل أجمل دعاي = والدعاء رب مدد للملك ببركه
وكم تمنيت صوتي صوت نبضي مناي = يوصل الي يعادي صقر مايدركه
وكم تمنيت أبو متعب يجي له صداي = ثم يعرف حقايق من معه يشركه
يعرف الي معه بالخبث يقفي وجاي= ويعرف أن البشوت اليوم في معركه
يعرف أنهم على النبعه وشعبه ضماي = يعرف أن الفقر للشعب له يفركه
يعرف أني أفكر للعشاء من غداي = ونصف شعبه تمنى بيت مايملكه
ورغم هذا ترى شعبه يردد ( وفاي ) = للمليك المكرم حيل له يبركه
والنهايه عساكم ياعساكم عساي = فدوتآ للمليك الشهم للمملكه

[منيع]

ابيات اكثر من رائعة
شكرا لك ولشعورك الطيب اتجاه مليكك ووطنك
ودي وتقديري لكم

[الطائر المهاجر]

صح لسانك واعتلى شأنك
رائعة من شاعر رائع
ومتجدد الإبداع
دام ابداعك
تحيتي ومودتي

[داعي الشوق]

صح لساانك يا سامي

ولاهنت يالشاعر

مع تحياتي وتقديري لك و لحرفك

***********

[كظيم]

الزلزال

سلمت وصح لسانك
قصيده جزله ووافيه ابدعت فيها يالغـلا
ويستـاهل ابو متعب .. والله يعين على بطانته
تقبلني وتقبل مروري المتواضع لاهنت
ودي وتقديري

صح لسانك الزلزال

تحياتي

[سناعيس]

صح لسانك يالزلزال
لاشك بانك مبدع
لاهنت

تحياتي

[نجم الإبداع]

صح لسانك شاعرنا

مصافحه طيبه

لاهنت

تقبل مروري

وتقديري

[الجامع]

ابداع × ابداع
صح لسانك وقلبك
ولاهان راسك
تحياتي

[عبدالرحمن الصباح]

كيف الحال اخوي سلمت يمينك وصح السانك ابيات رائعه ومتميزه تحياتي وتقديري