بـــكره...؟

[عبدالرحمن بن زهير]

متواضعه واتمنى ان تنال اعجابكم..

تغفى عليك العـيون وتنتظر بـكـره=لاكنّ بكـره ما هـو بـمـغير"ن" حاجـه
الـهـم و الـغــم والـغـربال مـحـتكـره=وضلوع صدري من الاحزان لجاجه
منك الخفوق اشتكى من ضيقه وفقره=وانت الغني ماحسبت المال وخراجه
واقـف عـلى سكتـك والروح منكسره=واشوف فـيك الغرور وبك تبهراجه
وتنام وانا مـواصـل بـاقي الـسـهـره=بين الطواري وصلف الوقت وزعاجه
الشـوق عيا يسـج ودق لي صدره=وانا انـتـظر فـزعته للضيق وفراجه
ومـاعـاد بي للـمحبه طـاقه وقـدره=والـكون ضـاقت عليـه واسع فجاجه
امـا تـجـي يـاخدين القلب ياعمره=واشـوف لـهفـت خـفـوقك يوم نتواجه
كانه على عهدنا ويحب من صغره=صافي وباقي هماج الوقت ماماجه
والا بلاش انتظر واحسب على بكره=تعبت من حرقة الجوف وتوهاجه

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[عبدالرحمن بن زهير]

صح بدنك يا بوعبدالله وشكرا على مرورك

[داعي الشوق]

صح لساااااااااانك مليووووون يالشاعر عبدالرحمن

حضورك عذب و قصيدة عذبة

مع إبداع يستحق الاشادة

قصيدة جميلة كـ حضورك الجميل دائما

لله دررررك

و صح لساانك مع التقدير لك

ولاهنت ،،

[عبدالرحمن بن زهير]

ارحب يا داعي الشوق وشكرا على الحضور والمرور

[فارس القوافي]

الله الله ياعبدالرحمن

صح لسانك

لاهنت

يعطيك العافية

دمت بخير

[الراقي]

صح فكرك

صح بيانك

ودام حرفك ..

و صح لسانك

[روح الشعر]

صح لسانك ياعبدالرحمن


لا هان فكرك ونبضك

اعذب تحيه

[جهاد الشعلان]

الله الله

صح لسانك شاعرنا عبد الرحمن

اتمنى لك التوفيق

تقبل مروري

[عمر ال شيبي]

حضور راقي
صح لسانك لا هنت ابد