النجوم تحوم من فوق السحاب ..

[حرف وشعر]

النجوم تحوم من فوق السحاب =والسحاب يحوم به غيث ومطر
والمطر يسقي مقافير الهضاب=والهضاب تميس بالثوب الخضر
والشعاب تمر خفه و انسياب=و تجري الوديان ما بين الشجر
و القمر يطلع ولو طال الغياب=و تحلو السمرات في ضو القمر
و الزمن يجري على وقت وحساب =و الدقايق تمضي بحكم القدر
والعمر يفنى و حنا في ذهاب =و الشباب امحال يبقى يا عمر
شوف كم مروا على الدنيا شباب= وشوف كم راحوا من الدنيا بشر
ومن يعمربالزمن شاف العجاب= و من يطول بالعمر شاف الضجر
وكل ما فوق النقا يبقى تراب=من سكن قصر ومن يسكن وبر
و الرسوم اللي على ذيك النصاب= لو تكلم رسمها جاب الخبر
ثم خبرنا عن اصحاب الجناب=بعد يسرن راحوا بعسر وكدر
ومن نجى منهم تعداه العذاب=و من تعثر طاح في قاصي سقر
وحنا من ذاك الخبر نبغى جواب=كيف يبصر من فقد لب النظر
و كيف يفهم من علي قلبه حجاب=و كيف يرحم من غدا قلب حجر
و الرجال اصناف ارخوم وذياب= و الذيابه ما تبالي للخطر
و الكلام احيان به نصح و عتاب=والعتاب احيان به وجهه نظر
و هذه الدنيا سراب في سراب=من يصدقها تجازيه الكدر
و تمت حروف القوافي و الكتاب= من فطين لا كتب جاب الدرر

[منيع]

جاب الدرر
روعة وجزاله وابداع
شكرا لك
تحياتي

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[ملكة الشرق]

و تمت حروف القوافـي و الكتـاب .. مــن فطـيـن لا كـتـب جــاب الــدرر

انا اشهد انك جبت الدرر يا استاذ محمد
قصيده جمعت بين
الجمال في الحرف والحكمة في المظمون
صح لسانك مدد بلا عدد

لك وافر التحية والاحترام


باتظار الجديد من هذه الروائع

[داعي الشوق]

صح لساانك و طاب حالك
شاعر جزل حرف وشعر

دمت و دام ابداعك ولاهنت

[الطامي]

صح السانك
ابدعت وأجدت لافض فوك
شكرا لك

[حرف وشعر]

المشاركة الأصلية كتبت بواسطة منيع

جاب الدرر
روعة وجزاله وابداع
شكرا لك
تحياتي

منيع

يسلم لي قلبك ..

[حرف وشعر]

المشاركة الأصلية كتبت بواسطة الطائر المهاجر

كتبت فأبدعت واجزلت
صح لسانك ولا هنت
تحياتي الطيبة

يسلم لي مرورك دكتورنا ولا هنت على التنسيق تسلم ايدك ..

[بنت النور]

ياسلام ابدعت واتقدنت
لاهنت
وصح لسانك مليون
تقديري لسموك

[حرف وشعر]

المشاركة الأصلية كتبت بواسطة داعي الشوق

صح لساانك و طاب حالك
شاعر جزل حرف وشعر

دمت و دام ابداعك ولاهنت

بوسعد نورت يالغالي..

تقبل مني وافر الحب ..