منتديات الفطاحله - قال الصبر قلت الصبر مقدر اقواه(بالصوت)

[rams]http://www.fatahilah.com/up/galussabr.mp3[/rams]
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
قال الصبر قلت الصبر مقدر أقواه = قال التأني قلت فيه السلامه
ما نيب من يركض يبي حلو دنياه = أخاف ربي يوم حشر وقيامه
لكن هذا الوقت داستني خطــاه = وحظي رقد متهني في منامه
إن قلت يا وقت العناء ويش تبغاه = قلب صريح وواضح في كلامه
قال البلا رأسك شمخ فوق علياه = عنيد ما يرضى ينزل لْهامـه
لا بد ما يخضع وتترك سجايـاه = وتماشي التيار مثل الفدامــه
تمشي أمورك تكسب المال والجاه = وتصير رجل فوق عال العلامه
قلت العفو مالي بوده ورجــواه = يرزقني الرحمن منشي الغمامه
وقت نقص دينه يبي بوم وشيـاه = وإلا ضفاع عايشه كالنعامـه
وارد بحر محد درى وين ملفـاه = وإذا تمكن شفت منه اللآمـه
طابور خامس جاهل من ترهـاه = وإذا دعا الداعي تبين مرامـه
لا يا بحر طرشك ومفهوم مغزاه = معروف للعقال وأهل الفهامـه
لا يا زمن خلك بجهلك ومبــداه = وانا على مبداي ارفع مقامه[/poem]