[الخنساء]

المشاركة الأصلية كتبت بواسطة ناصر عبيد الهواوي

يالله يا مبدلٍ من عسرها يسرا=انك بلطفك تعدلها عن الميله
شنت همومي عليه هجمةٍ نكرا=اسباب حلمٍ غبر مااعلم بتأويله
واخذت بالليل مرواسٍ مع الصحراء= تحويمتي في زحام الناس وشهي له
ورجعت للمنتدا في ضيقتي واقرأ= ولقيت خالي معنن لي مراسيله
الشاعر اللي بزينات القصيد اثرا= صفحات هالصرح جازت لي تماثيله
يشكي عوند النصارى مللهم وازرا=يصبر على شوفهم ضاقت به الحيلة
وانا ما الومه مقابل شيفةٍ قشرا=قردة وعودٍ لبو زنه يحالي له
وجته الهواجيس تترا مالها حكرا=شيٍ يدش الفكر واشيا تباريله
وفيلم التخيل عرض له مهرةٍ صفراء=تبرا لذودٍ قَرَا نجدٍ مداهيله
وطرت على خاطره عمهوجةٍ عفراْ=وهو في ايرلندا بعيد الدار عزي له
عنها حدته المصالح وانجبر جبرا=دونه تطاما البحر صعبت مواصيله
عزي لمن دكدكت في راسه الذكرى=ما يركد الجفن لا يومٍ ولا ليله
عض النوجذ بصبرك ووطره وطرا=غِب الصبر زين يامااكثر محاصيله
من ربك العون ناجه واطلب الأجرا=وطرّز علومك بتكبيرة وتهليلة

صح لسانك مليون ولايكفون

قصيدة جزلة من شاعر جزل

سلمت ودام حرفك