سر ياقلم واكتب تعابيـر مشتـاق=واكتب قوافي من ضميـري كتابـه
واكتب لنا عذب القصايد والاشواق=وارسل مع الريح الهبوب وسحابـه
لعيون ترفٍ لاجله الروح تنسـاق=الغالي المجمـول ألـفٍ هـلا به
قلّه سلامك داخل القلـب خفـاق=يوم أرسله مع شوقه اللي مضى بـه
أقبل رسوله يحمل الشوق بارفـاق=والقلب مني بالخفوق ألتـوى بـه
ياصاحبي بالحيـل بالحيـل شفّاق=أشفق على حـب ٍ تجـدد صوابـه
طلّت جبينك كنها شمس الاشراق=ولاّ كما ضي القمـر فـي نصابـه
وللعين سِحر ٍ أنتشى وسط الأعماق=وابحرت مع طيف ٍ خذانـي سرابـه
والخد نور ٍ في دجى الليـل بـرّاق=يكشف سنا خديه نور ٍ ضوى بـه
ذكرتني وقت ٍ لها الـروح تشتـاق=وقت ٍ على عهد الصبا واسفى بـه
وقت ٍ طوى صفحات الأيام باوراق=يوم الهوى عندي وعنـدك زهابـه
واللي مضى من فايت العمر بافراق=يعطيك من باقـي حياتـه شبابـه
ياطير ياللي عانق الريـح بسـباق=لا هنت ياطيـر ٍ طلبتـه اطلابـه
أرسل جواب القلب صوبه ولو ضاق=وانثر سلامي لـه وشوقـي ومابـه
عبدالعزيز بن سعد بن عمار