[الصريح العتيبي]

إخواني هذه قصيدة بعنوان *** العقول المضمحلة والقلوب الحاقدة ***

أقو ل فيها

سلام تسليم لمن يوحيه بلسم للجروح - - - - ويشفي العقول المضمحلة والقلوب الحاقدة

ياللي تكابر ما تبي تسمع نصيحة من نصوح - - - - من بعد فقدان الثقة مدري وش اللي فاقده

عشعش بها النقص المركب والجهل عيا يروح - - - - ماله مكان إلا يخيم بالقلوب الراقدة

ضاعت دلايلهم وضاعوا مثل ضيعة قوم نوح - - - - اللي على درب المهالك بالعزايم عاقدة

وأنا من اللي منهجه واضح واحب أهل الوضوح - - - - والناس فيها من يمشيها وفيها ناقدة

واللي يقودون السرايا يوم حزات الفتوح - - - - يوم الحرايب ما طفت نيرانهم متواقدة

واليوم من رأس الطويلة حولوا دون السفوح - - - - مثل الهنود إلي تجي بعقودها متعاقدة

يالله دخيلك من عديم الرأي أبو نفسٍ شحوح - - - - ومن العقول المضمحلة والقلوب الحاقدة


أخوكم /عايض بن سرحي العتيبي( مكة )
ص ب : 10713
فاكس : 025606112
جوال : 0565550112

الصريح العتيبي