قصيدة البِرّ
 

السلام عليكم ورحمة الله وبركاته..
اخي القارئ الكريم عضواً كان او زائر اقدم لكم هذه القصيده الهادفه والتي شاركت بها في ملتقى البر والاحسان بحافظة المذنب.اتمنى ان تصل الى مستوى اعجابكم...

[align=center][B][size=4]قصيدة البِرّ[/size][/B][/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
بسم الله ابدأ دون ضعف وهواني=أسرد بمد الفكر شفه وكيفه
أبيات شعرٍ طيبات المعاني=من قلبي المؤمن بحمله عفيفه
حملة مساعي خير للمودماني=ترعى سباقٍ في قصيده نظيفه
قصيدة البر وهدفها دعاني=عسى مقام البر يصعد بنيفه
فوق القمم ما ينخفض للطماني= ينزف قيم للمجتمع عن محيفه
واسمع يا بن آدم ترى العمر فاني=تغانمه قبل الندم والحسيفه
أوف الذي أعطاك عطف وحناني=حقٍ عليك الدين تدفع خليفه
للوالدين أحسن بلين اللساني=ولا تجعل الغلطه عليهم عنيفه
حقق مطالبهم بجد وتفاني=وقلبك لهم خله حدايق ظريفه
وتجوَّد بعطفك لهم بالزماني=تطيب نفسك بالسنين المخيفه
لا.ما تقول افٍ لهم كيف كاني=أمر الله ومذكور بآيه شريفه
أمك وابوك حقوقهم بالبياني=الله منزلها بِشِرْعَه لطيفه
تعطا وفاء واحسان لأهل الحسَاني=الوالدين مكابدين الكليفه
فيها سمو اخلاق وفيها حَسَاني=ومن ينبذ الإحسان نفسه ضعيفه
والبر بالإسلام له باب ثاني=للعبد ريعه عند ربه يظيفه
صِلَْةَ الرَّحِمْ فيها المحاسن سماني=بين الأقارب . حب يخْضرّ ريفه
والبر خيرٍ يستحقه إمعاني=شح الرغيف وجور بقعا وليفه
والبر والإحسان سر وعلاني=واجبك يا المسلم تزوِّد ذريفه
وصلوا على اللي منزله بالجناني=نبينا المختار إلمِلَّه حنيفه[/poem]
[align=center][B][size=4]وسلامتكم
عبدالله الشويمان-الرعد[/size][/B][/align]

رد: قصيدة البِرّ
 

أتشرّف بتواجدي أمام

هذه الهادفه


بيض الله وجهك



على الفكره


والحبك والسبك


وكتب لك أجر حرفك



وجعلنا وإياك

ممن يكتب لهم

أجر وثواب


البر بالوالدين


تقديري وودي لشخصك الكريم

رد: قصيدة البِرّ
 

كل بيت اجمل من اللي قبله

ابيات رائعه وقيمه تستحق الاشاده

اسجل اعجابي

لاهنت ياعبدالله كفيت ووفيت وصح لسانك

تحياتي

رد: قصيدة البِرّ
 

واسمع يا بن آدم ترى العمر فاني
تغانمه قبل الندم والحسيفه
أوف الذي أعطاك عطف وحناني
حقٍ عليك الدين تدفع خليفه
هناك من يعض اليد التي امتدت له بالخير حتى لو كانت يد والديه
الله يهدي الجميع
عبدالله شويمان صح لسانك

رد: قصيدة البِرّ
 

والبر بالإسلام له باب ثاني
للعبد ريعه عند ربه يظيفه
صِلَْةَ الرَّحِمْ فيها المحاسن سماني
بين الأقارب . حب يخْضرّ ريفه


ياسلام عليك ياعبدالله

ابدعت بكل كلمه

قصيده طيبه

ومعاني وافيه

صح لسانك ملايين


اعجابي واحترامي

رد: قصيدة البِرّ
 

الله يبيض وجهك

ويرفع قدرك

هدف نبيل ومنطق جميل

صح لسانك ولاهنت

رد: قصيدة البِرّ
 

القدير / ابن شويمان

بيض الله وجهك على هذه الفاخرة

طاب ابقاء حولها وكانت المتعه صح لســـــــــــــــــــــــــانك

ودي وتقديري

حمد العيد

رد: قصيدة البِرّ
 

الشاعر/عبدالله
صح لسانك واعتلى شانك
ابيات رائعه من شاعر اروع
بيض الله وجهك
والسلام

رد: قصيدة البِرّ
 

[gdwl]لا.ما تقول افٍ لهم كيف كاني
أمر الله ومذكور بآيه شريفه
أمك وابوك حقوقهم بالبياني
الله منزلها بِشِرْعَه لطيفه
تعطا وفاء واحسان لأهل الحسَاني
الوالدين مكابدين الكليفه
فيها سمو اخلاق وفيها حَسَاني
ومن ينبذ الإحسان نفسه ضعيفه [/gdwl]

[size=2][color=#008080](> بسم الله الرحمن الرحيم <)[/color][/size]
{[size=3][color=#008080]و قضى ربك ألا تعبدوا إلا إياه و بالوالدين إحسانا إما يبلغن عندك الكبر أحدهما أو كلاهما فلا تقل لهما أف و لا تنهرهما و قل لهما قولا كريما[/color][/size]}

[size=4][color=#008080]جزاك الله خيراً أخى
و بارك لنا فيك

ودمت و سلمت و غنمت[/color][/size]

رد: قصيدة البِرّ
 

[B][COLOR="Blue"]عبدالله الشويمان

صح لسانك وبيض الله وجهك

جزله من جزل

دمت بخير[/COLOR][/B]