منتديات الفطاحله - قالت من انت وقلت انا كاش بن كاش

[rams]http://www.fatahilah.com/up/Kash.mp3[/rams]
[poem=font="Simplified Arabic,5,black,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
قالت من انت وقلت انا كاش بن كاش = تتجوّزيني والا آخذ قروشي
قالت علامك عجل لا تكون بكاّش = ما عندك إلا مظهرك والكروشي
ويا خوفة إنّك كدش من بعض الأكداش=اللي يحسب أن المره به بهوشي
قلت الغلط يا بنت ما جيت لهواش = شيخٍٍ ولد شيخٍ ولاني غشوشي
قـالت تفضّـل فالجفن تحتك افراش = لكن وش اصلك بالخزر والبلوشي
قلت العرب أصلي ودمّي كما الشاش = قالت توكّل منت كفو الرموشي
ما به عرب ما دامهم صارو اخياش= والارض تشكي ذلّهـا للنعوشي
مـا بين مستعمَر ومحتـّل ببلاش = وما بين خاين للرعيّه غشوشي
ماعاد فيكم يالعرب باقي اعراش = ولا لسانٍ عن حقوقه يهوشي
لا من سمعت اللي يصرح على اللاش= تفرح ولو تعرفه دروٍ لطوشي
وليا صحى من بعد ترويش وارباش = قدّم عذر .. فاللي نقل عنه موشي
ويركض بلا شعوره ولو هو بالانعاش = ويطيح تحت اقدام خدّام بوشي
اللي يشوف إن العرب نفو وخشاش = لـولاه ماتوا جوع مثل الحبوشي
قسّم على كيفـه خفـافيش وكباش= ومن لا يطيعه ينتظر للمخوشي
عنده سلاحٍ خطر لـو كان رشّاش = واللي بيد شارون ضدّ الوحوشي
والوسم جـاهز والعذر حكي بكّاش= كل غـدا ارهابي عدا ولد موشي
كل يهابه خايفٍ يوم ينداش = ويطرد مثل ما طرد بعض الكدوشي
يكفيه شوفة صاحب العـزّ بفلاش= من بعد عرشه ينعرض بالدشوشي
أصغر جنيدي يصفقه كفّ لا هاش = ينسيه يومٍ كان فيه البطوشي
ثمن يعلق عيد الاضحى بالاوباش = خدام كسرى منفذي امر بوشي
ومن لاحكم بالعـدل.. للشعب غشّاش= لابـدّ ما يصبح بيوم امخروشي
ما ينفعه بـوشٍ اذا صار خرباش = يا سرع ما يقلب عبَيد القروشي
ومن ذلّ نفسه للمعـادي فلا عاش = ميّت وقصر الذلّ فيه امغشوشي
ومن باع دينه لاجل دنياه ما حاش = إلا الخزي والنار مهما يحوشي
دنياك يا ابن آدم ضبـابٍ إذا غاش = لا تنخدع تمشي بدربٍ غبوشي[/poem]