|
سؤال ودي ألقى له جواب ؟؟
س/ لنفترض رجل بكل ماتعني الكلمه رجل بس فقير ويبحث عن زوجه وذكر له أمرأه عقليه ممتازة جداً ولكن غنيه وماراح يعيشها نفس مستواها لو خذها ,,, أو العكس أمر أة فقيرة ورجل غني هل يمكن أن تعيش معه على مستواه بدون مشاكل ؟؟؟؟ أولابد كل واحد يلبس ثوبه على مقاسه ؟؟ ماجواب كل واحد منكم على مثل هذا ؟؟
أرجوا التفاعل من الجميع :):) أريد معرفة رأي الجميع بلا استثناء,,,:) |
اهم شي فالدنيا الاخلاق.....
ويقول المثل خذ مدلعة ولا تاخذ .... والله انسيت التكملة بس بما معناه خذ بنت مدلعة ولا تاخذ بنت ملطمتها الدنيا ومكبوتة لانها راح تنفجر عنده........ طبعا الواحد ما يشوف وحدة اعلى من مستواه باكثير لانة ما راح يقدر على مطالبها والرجل بمعنى الكلمه هو الي يسعى انه يطور نفسة ويرفع من مستواه الاجتماعي وبالنسبة الرجل الغني الي ياخذ فقيرة ........ اعتقد ان المراة تقدر تكيف نفسها وترفع من مستواها با سهولة |
جيد رأيك قد يتفق معه الكثير وقد يخالفه أكثر ولكن رأي جيد خلينا نشوف أراء جديده ونشوف :) وش رأيهم ؟؟
|
اخوي ذيب
اشكرك على طرح هالقضيه وهي مهمه والله وفعلا الرجل صعبه ياخذ وحده ارفع منه مستوى مادي واجتماعي وثقافي بعد لأنه بيكون اقل منها وهذا شيء يضايق الرجل اتوقع ولا راح يقدر يتفق معها ويفهمها ويتناسب معها ولا يقدر على مطالبها الا اذا كانت المرأه متفهمه وراضيه فيه وعارفه كل شيء قبل ومع ذلك بيكون صعب عليها وبتصير مشاكل اكيد .... وبالنسبه للمرأه لو اخذت واحد ارفع منها مستوى بيكون اقل تأثير من الرجل لكن فيه فرق وتأثير هي ما راح تتكيف على حياته ويمكن ينظرون لها نظره ساخره او انها فقيره ومن هالكلام لأن للأسف الأن المجتمعات صارت تنظر من ناحيه الماده فقــط ولكن ممكن تتكيف وتتماشى مع هالوضع وعادي وشكرا لك اخوي ذيب تحياااتي لك |
هذا الموضوع كتبت فيه قصيدة على لسان الشاب الفقير بعد ما دخل في علاقة حب مع وحدة بنت اثرياء
ووجد في النهاية استحالة الزواج ودعتها واخفيت عنها الحقيقة = خايف عليها تنصدم بالفراقي |
أم فيصل رأي جميل مع أني ضد أن البنت لو تزوجت أعلى منها مستوى بيكون ينظرون لها نظرة سخريه ألا أن يكون هؤلاء القوم ناقصين عقلاً وخلقاً ويحسبون المال من عندهم موب من عند الله سبحانه والناس المحترمين إما إمساك بمعروف أو تسريح بإحسان وشكراً لك على تفاعلك
================ أبو عبدالله كلامك جميل لكن أيضاً يحتاج لقصه واقعيه أو شخص معاصر لمثل هذه القصه :) ============= طيب نحتاج لمزيد من التفاعل نريد أن نعرف رأي البقيه يله عطونا رأيكم خلونا نشوف وخصوصاً من لديه معلومات تثري الموضوع :) |
وهذي قصة واقعية ، مجرد ترجمتها إلى شعر
|
جميل ورأي جميل ولا أشك بصدقه ولكن ودنا بعد البقيه يشاركون ويثرون معلوماتنا ويفيدونا وهي فرصه لنرى جميع الأراء الرأي والرأي الآخر :):)
شكراً لك أبو عبدالله ونحتاج لك أنت وأم فيصل في خلال طرح الموضوع لمناقشة جميع الأراء وأتمنى ماتكون الزيارة الأخيرة للموضوع :) |
ما تبي لها نقاش ، اي فروقات ، يتم التغاضي عنها بسبب الحب او لمجرد الفرحة بالزواج ،
تتراكم مع الأيام داخل النفس البشرية ، وتشكل بركاناً خامداً ، قد ينفجر مبكراً وقد يتأخر.. |
انا بالنسبه لي احس عادي وحده فقيرة تاخذلها غني ..... بالعكس اغلب البنات هالايام تبي معرس مطخطخ
يهنيها خاصة اذا كانت فقيرة لانها بتكون محرومة من تلبية كل طلباتها في بيت اهلها فتتمنى انها تاخذلها واحد غني يوفر لها اللي تبي وما يقول لها ماعندي ,,,,,,لاتحسبوني كذا انا انقل اللي اشوفه وفي نفس الوقت احس صعبة غنية تتزوج فقير حتى لو كانت تحبه وتبيه لانه بجيها يوم تتضايق من وضعه وتتمنى انها ماخذته لانه مهما كان شي تربت عليه من صغرها مارح تقدر تغيره بسهولة............. و اشكرك ياذيب على الموضوع الحلوووووووو تحيااااااااااااااتي |
الموضوع مره أعجبني يبيله نقاش لا وحاد بعد..
المهم الموضوع هذا يرجع لنفس الأنسان هذا ..والله إذا كانت البنت غنيه لكن فاهمه وعارفه إنها لمن تاخذ واحد أقل من مستواها المادي راح تقدر تتعايش معه في هذا الوضع... وتعرف إنها مع الأيام ماراح تحسسه إنها أفضل منه .. وقتها عادي أيدها تاخذه.. بس إذا تعرف نفسها ماراح تقدر تتقبل هذا الشي تتركه من البدايه.. ونفس الشي الرجل.. بس في نظري الغني أو الغنيه لاتاخذ من هو أقل منها بكثير.. لإنها مهما جاملته راح تعيش بصعوبه.. والمفروض الأباء مايعطون عيالهم كل شي يتمنونه (ماقلت مايعطونهم أبد) بس يحسسونهم إن مو كل شي يجي بسهوله .. حتى تقدر تتعايش مع الوقت .. ماتدري حياة بكره اشلون بتكون.. ( أصابع اليد مو مثل بعض) ... صححححححححححححححححححح الناس يختلفون.. فيه من الناس تتأقلم وفيه اللي لا ... (هذا من وجهة نظري) |
الأخت الهنوف رأي ممتاز جداً وأعتقد يلامس الواقع :)
الأخت وجدان رأيك جميل وهو صحيح برضه :) وأنا رأيي لن قوله الآن بل سأتركه في آخر شيء لما تنتهون وبقفل الموضوع بحيث مايقبل ردود نهائياً |
رايي انا ياعهود:
ان الانسان المفروض ماينظر لغيره غني ؟؟فقير؟؟ لأن بالنهايه كلنا فقراء عندالله والفلوس ترى مو كل شيء والانسان نعمته زواله يعني ماراح تتدوم لكن الاخلاق بحسب الشخص اللي يتصف بها نتوقع انها بتدوم 1- مو كل واحد غني راح يسعد اللي بياخذها لان المره صح تتمنى كل شيء يتحقق لها بس في النهايه هي عندها احاسيس وتحتاج للكلام الحلو والطيب اللي يسعدها يعني إذا كانت تبي تغطي فقرها بالفلوس راح تغطيه بفقر العيشه الهنيه والموده لكن في حالة الرجال والله غني واخلاقه ماشاء الله فهو راح يسعدها دون ماتفقد اللي تبيه من الاثنين من تلبيه كل شيء تتمناه ومن سعادتها 2- يعني لو تزوجت المره رجال فقير يقدرون هم اثنينهم الرقي بانفسهم للأفضل لكن إذا كانت البنت مدلعه ومنفذه كل طلباتها عند اهلها واخلاقها يعني عاديه فمااتوقع استمرار حياتهم لانها راح تسيطر عليه وتضغط عليه وتقول انا يوم عند ابوي يسوي لي كذا وانا وانا..... وهذا مايصير في حق الرجال لكن إذا كانت مدلعه عند اهلها بتلبيه كل طلباتها واخلاقها ماشاء الله فيتوكل على الله لانها بتكون عاقله وبتقدر ظروف زوجها ويتذكر بعد ان الرسول صلى الله عليه وسلم قال في مامعنى حديثه: "تنكح المرآه لأربع لماله وجمالها وحسبها ودينها فاظفر بذات الدين تربت يداك" يعني الزواج من طبقه غير طبقتك الماديه تعتمد على اخلاق ودين الانسان لان كل ماكلنوا يخافون الله بيسوون كل ماعليهم من واجبات وحقوق وبيعيشون بعيشه هنيه فسبحان الله مايأمر بشيء إلا لحكمه |
عهود والله عقلك ماهوب على شكلك ماشاء الله عليك الله لايضرك :):)
بالنسبه لرأيك جيد بس ماتلاحظين أو خلينا نقول تخيلي معي لو أن فيه أمرأة غنيه وزوج على قد حاله وكانت المرأة تسكن قصر ثم جت من قصر لشقه والرجال من أطيب الرجال والكل يتمناه بالله أسألك حتى مع مواصفات الرجال المغريه هل ممكن تتحمل هذي العيشة وسط شقه وتطبخ وتعيش معه ويمكن مايروح بها ألا للبر هذي سياحتها وهي سياحتها في أرجاء القارات مع اهلها تتوقعين بالله تستطيع تصبر حتى وأن كان زوجها طيب وحبوب ويصبحها بأشعار ويمسيها بحنان بالله بالله بتصبر وهي وين كانت ووين صارت جيبي كلام واقعي ياعهود :):) |
تبي كلام واقعي
واقسم بالله العظيم ان بنت خالي يعني مو وحده بعيده واقول ماصدق وتحدى ((اقولك قصتها)) خالي ماله الابنت وحده وولد واحد ومدلعهم اخر تدليع والحمدلله ربي منعم عليه يعني ماتقول ابي كذا الا وصاير لها وجايبه لها بس هي ماشاء الله عليها متدينه واخلاقها حلوه وكل الجماعه يحبونها تزوجت ولد خالي الثاني وهو على قد حاله يعني يادوب سياره تقصيد من راتبه وشقه اجار يعني راتبه نصه طار وشوفها الحين عايشه معه وبكل سعاده الله يدوم السعاده بينهم ولا ماتاخذ ولا شيء من ابوها علشان ماتزعله ويقول ليش انتي بغيتي شيء ماجبته لك يعني تغيرت حياتها 180 درجه من تنفيذ لكل طلباتها ليادوب ينفذ شيء لها يعني هم اللي يسعادون بعض في حياتهم دون اي احد يدخل فيها ولاتقول ماتدوم هذاهي الحين معاها بنت وعمر بنتها 3 سنوات وش تبي واقع اكثر من كذا وياذيب الرسول صلى الله عليه وسلم جمع بين الجمال والدين والحسب والمال فقال الحسب والجمال والمال لانه عارف ان النفس طماعه والزمن فيه عادات تتغير وعقليات بعد تتغير بحسب التطور اللي يحصل في العصور يعني قبل يفكرون فيها في عصر الرسول صلى الله عليه وسلم بس كان الدين اهم شيء عندهم لكن في عصرنا هذا لا تغير كل شيء وعلشان كذا الدين والاخلاق شيء مهم في شريك او شريكت الحياه والانسان المتدين مو مهم كيف المكان اللي عايش فيه المهم عنده كيف هو يرضي ربه والمهم عنده بعد مين اللي عايش فيه وكيف يرضيه صح ومعك حق في ان الواقع يعكس لنا اشياء كثيره زي كذا لكن في الواقع نفسه يوجد ناس يسوون اللي قلته يعني بااختصار شديد الناس مو زي بعض [quote]عهود والله عقلك ماهوب على شكلك [/quote] وش تقصد ترى انا كنت ناويه مااكتب فيه بس حسيت انه موضوع يستحق النقاش فايدي اكلتني لين كتبت دايم تطلع الحاجه غصب عني على اني مابي بس يالله وش اقول الشكوى له |
الأخ الغالي ذيب السنافي
شكلك ناوي على نيه !!! أما ان بغيت رأي أخوك سناعيس المتواضع فهو كالتالي : أن تكون الزوجه قريبه من الطبقة التي أنت عليها ولا ينبغي أن يكون الفارق المعيشي (الاقتصادي) بين الزوجين كبير جدا لأن التفاوت الكبير بين الزوجين في الحياة الماديه لابد أن يكون له أثر واضح على التفكير والثقافه وردود الفعل تجاه أي قضيه وأمور كثيره يصعب حصرها . مع العلم أن لكل قاعده شواذ اذ أن ذات الدين والتي أوصانا بها خاتم الأنبياء وسيد المرسلين لاتهتم بجميع هذه الأمور وهي بالنسبة لها أمور دنيويه فقط . وآمل بأنني قللت الكلام فدللت . تحياتي |
أنا من رأي الهنوف الوضع صعب جدا
|
حكمتي بالحياه: قليل يسعدك ولا كثير يشقيك
انا معهم ومب معهم باللي قالوه يعني وحده فقيره او انها محرومه من ابسط حقوقها كفتاة في بيت اهلها وتاخذ لها واحد شبعان راح يكون فيه كثير من الملاحظات يعني بكل صراحه ماراح تصدق عمرها وكله هات جيب لي ابي كذا بالاول راح يسكت ويجامل بس بعدين خلاص وهنا ابقولكم قصة وحده اختي تعرف اخت الرجل هذي وحده باول ثانوي عمرها لم يتجاوز 16 سنه تزوجت من واحد شبعان ولظروف اهله الصحيه ماسافر مر اسبوع على الزواج الا والبنت تقول لزوجها توديني الملاهي انا واعدت صديقاتي وخلاص ادري بتقولون عشانها صغيره بس حتى بنت محرومه بس بصراحه ماادري وش اللي صار بعدها البنت كانوا اهلها متشددين معها تخيلوا انها كانت متخيله الزواج بس طلعات وومشاوير حتى العكس راح يكون كثير عليها ملاحظات لكن الواحد المفروض مايهتم بهالاشياء يعني هالغني والا الغنيه يمكن يجي يوم مايصير معهم غير الثياب اللي لابسينها انا من وجهة نظري ان البنت الفقيره اهون عندي تاخذ غني ولا العكس ليش لان البنت يمكن تنكد عليك عيشتك وتقول انا ببيت هلي كذا وكنا نروح كذا وكنا كذا بتقعد تعير فيك وبتكره اليوم اللي فكرت فيه تاخذ بنت عز على قولتهم مثل ماقلت لكم قليل يسعدك ولا كثير يشقيك |
عهود يسلمك ربي أنا أتكلم من باب الواقعيه ولا لين جينا من ناحية الدين أنا عارف كل شيء :):) بس كلامك جيد وراح أقول رأيي في الأخير :):)
[quote]الأخ الغالي ذيب السنافي شكلك ناوي على نيه !!![/quote] أخوي سناعيس لا والله بس حبيت أعرف مستوى التفكير عندنا في مجتمعنا وهذا السؤال صدقني أني سألته حتى لشيبان كبار في السن :) أم ريان نحتاج لرأيك الشخصي :) [quote]حكمتي بالحياه: قليل يسعدك ولا كثير يشقيك[/quote] نجود كلام عقال بصراحه ومشاء الله عليك والله يسهل على الجميع وبأنتظر لأشوف أن كان لأحد إضافة أو رأي وبعدها بقول رأيي :) |
المشكلة في الشباب والشابات إنهم إذا حبوا اندفعوا وانعموا ، مثل اللي نايم ، واذا صحى ، لقى نفسه
وقد طاح من السرير ... الموضوع لا تساهلون به .... أي فوارق بين الطرفين ، يعتبر بركان خامد يمكن أن ينفجر في أية لحظة وخاصة الفوارق المادية وبالذات لما يكون الشاب فقير والشابه من بنت غنيه ، قد يقول البعض إنها تأتي وهي مشبعة من كل شئ من الماديات ولاتحتاج إلا للحب والحنان ، لكن مع مرور الوقت يذبل الحب والحنان ولو هي سكتت فحواليها من يذكرها بالفارق ، فهي ترى كيف تلبس اخواتها وما يتمتعن به من ميزات ماليه هي لاتستطيع التمتع بها ، وحتى لو فرضنا أن الشاب تغاضى عن دعم العائلة لبنتهم ، فإنه سيتنازل مقابل ذلك عن الكثير من الأمور التي تميز شخصيته كزوج ، لنرى الشابة تبدأ تفرض عليه ما تريد ، والحماة تطالب بمزيد من الحرية لبنتها ، وبالتالي يشعر بالدونية ، ليتحول إلى تيس ، يجر بحبل في رقبته ، ولكن الذي لايزال يفرض رجولته ، ويرفض تدخل عائلتها في شئوونهم ويطالبها بالعيش في حدود ما يوفره لها ، سرعان ما يواجه الكثير من المشاكل التي تحول البيت إلى جحيم ، ليفر بجلده في النهاية .. وقد يكون الضحية الأطفال .. |
بصراحة موضوع مهم جدا وجدير بالنقاش
اخوي ذيب الدين ثم التربية الحسنة هما اساس كل شئ يليهما الحب والتضحية مقابل هذا الحب وإذا فقدنا أحد هذه الاطراف فستكون ( عقبة الطبقات ) أساسية لأنها ستحل محل الطرف المفقود وخير الكلام ما قل ودل ... |
أخواني الحقيقة كل منكم قال رأي أعتبره مهم وقوي وعبر عن وجهة نظره بشفافيه تامه وهذا هو المطلوب الشفافيه والصراحه فمن هذا المنطلق أنطلق على بركة الله :
بالنسبه للزواج للمرأة الفقيرة من رجل ثري لا اعتقد أن يكون فيه شيء من السلبيات ألا قليل وهذا بسبب العقليات أو لنقل بعض العقليات المريضة التي تتصور أن المال من جهدها ولم تعلم أنه من تيسير العزيز الحكيم ,,, بالنسبه للرجل الفقير والذي يتزوج أمرأة ثريه من وجهة نظري الشخصيه إذا توفر الدين لدى الفتاة والقناعة بهذا الرجل كما هو فأظن أن الحياة ستسير جيدة ولكن .... ستظل كلما رأت شيء ستحس في نفسها حاجة من ذلك أقصد شيء مع أختها مثلاً أو صديقتها الغنيه وغيره وأقل حاجه ستقول للرجل حاول تتطور تعمل زيادة والرجل بطبعه لديه كبرياء لا يحب أنه يجرح أو كما يعتقد أنه كبرياء يجب أن لا يجرح فسينقلب على المرأة فوراً وربما بدأ يتضايق ويتحسس من كل كلمة تقولها المرأة ,,وهذا أعتقد أنه سيبرز بعد الزواج بوقت وإن لم يكن الوقت بالقصير ,,, وأما أن تزوجها من أجل حب عارض فهذا الحب يزول بسرعه وفي ظرف طرفة عين وستبرز المشاكل فوراً,,, إذاً مالضمانة والأساس الذي أعتقد من وجهة نظر شخصية لا ألزم بها أحد : الضمانة أن يكون الاختيار على أساس المكافئة العقليه أو الفكريه والمادية والحرية وغيرها من الأمور التي تضمن للزواج الاستمرار والتطور لأن هذه الأمور تبقى وإن زال الجمال والمال وكل شيء ,, وقبل هذا كله الكفائة الدينيه فالدين عامل مهم في استقرار الأسرة والراحه النفسيه ,,, وأشكر الجميع على أبداء رأيه وأشكركم على تقبل رأيي |
[COLOR="DarkOrange"]ذيب طرحك جيد ويستحق ان يسلط عليه الضو
بس احنا وين وبنات الاغنياء وين خلنا ندور على قد حالنا ابرك;) أعجبتني كثير من أراء الإخوان والأخوات تحياتي غريب[/COLOR] |
س/[quote] لنفترض رجل بكل ماتعني الكلمه رجل بس فقير ويبحث عن زوجه وذكر له أمرأه عقليه ممتازة جداً ولكن غنيه وماراح يعيشها نفس مستواها لو خذها ,,,[/quote]
اذا عقلية المراه ممتازه زي ماتقول ولقت في الرجل الحنان والامان والدفء والاستقرار عمرها مابتفكر مستوى المعيشه لانها بكذا هي ربحانه اكثر من اي شي اخر [quote]أو العكس أمر أة فقيرة ورجل غني هل يمكن أن تعيش معه على مستواه بدون مشاكل ؟؟؟؟ أولابد كل واحد يلبس ثوبه على مقاسه ؟؟ ماجواب كل واحد منكم على مثل هذا ؟؟[/quote] ماعتقد هناك مشكله الرجل اذا هو فعلا رجل راح يرتقي بمستوى زوجته مهما كان يسلمو ذيب موضوع مهم وبالفعل يتسحق النقاش |
هلا أستاذتي دلع
مرورك مبهر كعادتك شكراً لتعقيبك تحياتي ذيب |
[quote]هلا أستاذتي دلع [/quote]
هلا بك بس انا مو استاذتك [quote]مرورك مبهر كعادتك[/quote] كنك تبالغ شوي [quote]شكراً لتعقيبك[/quote] العفو |
لا لا أبالغ بل مرورك مبهر دوماً وأبداً فأنتي قم له وقعه في المنتدى وأن كنتي بخلتي علينا به مؤخراً ولكن يظل قلمٌ جميل من إنسانه راقيه...
تحياتي:) |
[quote] لا أبالغ بل مرورك مبهر دوماً وأبداً فأنتي قم له وقعه في المنتدى [/quote]
اولله ترى كذا اشوف نفسي هههههههههههه [quote]وأن كنتي بخلتي علينا به مؤخراً ولكن يظل قلمٌ جميل من إنسانه راقيه...[/quote] انا فعلا بخلت ولكن كان ذالك لقرار اتخذته واللي خلاني اتمادى في بخلي فله ايضا سباب |
رجل غني ومرأه فقيره ممكن يعيشون
بس بنت غنيه ورجل فقير لاع مستحيل لان العيشه اللي تعودت عليها بتتغير وبالتالي بتزود المشاكل وماراح يرتاح الطرفين |
| الساعة الآن 08:19 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة