لكن لابد من التويع ...

[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
تغيرتي مع الأيام وصرتي ضمن عدواني= اواجه مين والاّ مين/ هموم الوقت وإلا انتي
كفاني من الزمن ظلمه/ كفاني منك ماجاني = تحطّم كل شي فيني/ ولا تدرين/ لاهنتي
اطالع صورتي مدري/ اهي لي/ او لاحد ثاني= نحيل العود مجروح الفؤاد وفيه اثخنتي[/poem]


[poem=font="Simplified Arabic,5,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
انا من كثر لوعات الزمان ولعبة الاقدار= تعلّمت الصبر واهمل جراح القلب وطعونه
ولكنّي انا انسـان بشر يتحمّـل ابمقدار= ماني مثل الجمل لازادت احموله يجرونه
اطيح جدار متواسي ولكن ما يثير اغبار = صويب ولا نزف جرحه ولا يدرا بمكنونه[/poem]

الله الله صح لسانك

:)

صح لسانك
ولكنّي انا انسان بشـر يتحمّـل ابمقـدار
ماني مثل الجمل لازادت احموله يجرونه
هذا روعه

ثلاثيات ... 3 ابيات من كل قصيدة مختاره من دووايني:

[ALIGN=CENTER][TABLE="width:90%;"][CELL="filter:;"][FONT=Simplified Arabic][SIZE=4][COLOR=darkred][ALIGN=center]الا يا طير يا مهاجر هجرت غابتك والـدوح
..........................................الا بالله تاخذنـي حيـاة الـذّل مـا ابغيهـا
ابي حريتي مثلك ما دام الجو لـك مفتـوح
........................................اذا من ضاقت الدنيا اهاجـر فـي نواحيهـا
ادور حب ما يرجي لحبي غايـه ومصلـوح
........................................يحب الروح لاجل الروح ما يمكـن يعنّيهـا [/ALIGN][/COLOR][/SIZE][/FONT][/CELL][/TABLE][/ALIGN]


[ALIGN=CENTER][TABLE="width:90%;"][CELL="filter:;"][FONT=Simplified Arabic][SIZE=4][COLOR=darkblue][ALIGN=center]لا سافر اللي تحبّـه اكبـر مصيبـه
........................يبحر بك الهم في وسواس واوهامي
ما تامن الوقت فالأقدار تجـري بـه
..........................ولا تدري اللي تخبي سود الايامـي
واللي مسافر ترى يسلى عن صحيبه
......................المشكل اللي على جمر الغضى نامي [/ALIGN][/COLOR][/SIZE][/FONT][/CELL][/TABLE][/ALIGN]

[ALIGN=CENTER][TABLE="width:90%;"][CELL="filter:;"][FONT=Simplified Arabic][SIZE=4][COLOR=purple][ALIGN=center]يقولون ما للحبّ فـي هالعمـر داعـي
.....................اذا شاب راسك فاتركه وابتـد الطاعـه
وانا من زمان أول بمحرابهـا داعـي
...................قيام وتهجّد ما ادري الوقت والساعـه
اساهر نجوم الليل واشكي لها اوضاعي
.......................ولكن تغيب وتتـرك النفـس ملتاعـه [/ALIGN][/COLOR][/SIZE][/FONT][/CELL][/TABLE][/ALIGN]

يسلم حرفك ماشاءالله
حلوجدااااا
وتوقفت هنا
ولكنّي انا انسان بشـر يتحمّـل ابمقـدار
ماني كالجمل لازادت احموله يجرونه
قريتها ماني مثل ماكتبتها بالضبط مع اني اعتقد انك تنطقها( مني )بحذف الالف تخفيفا لتناسب القافية
وش رايك معلمنا؟؟[b][/b]

صحيح ، ولكن لابد من كتابتها ، فالشاعر والمتذوق يعرف كيف ينطقها ولو كان بها همزة
وهي ماني مثل الجمل ، لأن كالجمل تحدث كسر
تحياتي

في بيت الدرج واحيانا في الدرج القليل الإستخدام مثل درج السطح العلوي ، كان مثل قال عنترة
وخير مكان في الدجى سرج سابح

كنت اقضي معظم النهار مختبئا ، اقرأ بنهم كل ما تقع يدي عليه من الأساطير
اعتقد بدأت بذلك في السنة الثالثة الإبتدائية ، كنت اعيش الجو الذي يضعني فيه الكاتب
واحفظ الأشعار التي يقولها الأبطال مثل الزير سالم وسيف بن ذي يزن والأميرة ذات الهمة وولدها عبدالوهاب
وعنترة ، وابو محمد البطال ، والف ليلة وليله ، والكثير من الكتب التي قد استطيع تذكرها. وفي احد المرات
كنت منزويا في درجة السطح وهي مسقوفة ومظلمة شوي ، ومع الإنسجام نسيت نفسي ورغم أنني بدأت بعد خروجي من المدرسة فلم اعلم بالوقت إلا حينما جاءت الوالده رحمها الله ترقى للسطح حيث حان وقت النوم ،
وكانوا يبحثون عني طوال النهار ، في البيت وفي السكة والحارة وعند الأقارب ، لكنهم لم يجدوا لي اثر ،
وعند مشاهدتها للي وبين الفرحة والغضب لتصرفي ، اخذت لي هاكالشليخة وجلدتني ، وبعدها قررت
رمي جميع ما جمعناه من قصص في القليب اللي بوسط البيت .
لم يكن لدينا تلفاز ولا حتى راديو ، بل لم يكن في بيتنا كهرب رغم أننا في الرياض ، مما جعلني اغار من الأطفال
الآخرين الذين لديهم كهرب ، فأذهب للخرابة ، حيث يرمي الناس مخلفاتهم ، واجمع البطاريات( احجار) التي كانت تستخدم لتشغيل الراديوهات ، اذكر انها كبيرة واجدها كمجموعات ، واحضرها للمنزل ، واقوم بشراء لمبات صغيره تستخدم عادة في الكشافات الصغيرة ، وامدد اسلاك في المواقع المهمة في بيتنا ، لأنعم بما ينعم به اولاد الجيران..

أبو عبدالله جميلة ذكرياتك

وفيه تشابه

أنا لين جيت أقرأ أنسى نفسي حتى أذكر مرة قعدت أقرأ مانتبهت ألا يوم خلصت وأشوف ولين فوق راسي تراب الله يكرمك أثر العيال كانوا ينادوني وأنا في شبه غيبوبه ما أدري عن نفسي قاموا يكبون التراب فوق راسي يبون يعرفون أمزح ولا صادق وبالفعل مادريت وأنا مع الكتاب ماعاد أدري عن شيء أبد :)

بس الله يرحم والديك يابوعبدالله والله وجعت قلبي يوم قلت أن أمك رمت الكتب ,,,

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الفقـرما هو عيب لا صرت رجال= تحفظ شرفك وتشتغل باجتهادي
فالرجل بافعاله ولا هوب بالمال = لكن بدون المال لا شك غادي
ومن لاعرف يشبع ترى الجوع قتال= ياما يذلّ رجـــال عند الاعادي
فعل السبب واجب بفكرك والافعال = ورزقك على اللي خالقك والعبادي
الذيب ما يصبر على الجوع لا طال = ما تهتنـي عينه بطعم الرقـادي
والحـرّ نسل الحر ما يقبـل الحال = ما ينتظر بالوكر بعض الجرادي[/poem]

[quote]
الفقرما هو عيب لا صـرت رجـال
تحفظ شرفك وتشتغـل باجتهـادي
فالرجل بافعاله ولا هـوب بالمـال
لكن بدون المـال لا شـك غـادي
ومن لاعرف يشبع ترى الجوع قتال
ياما يـذلّ رجـال عنـد الاعـادي
فعل السبب واجب بفكرك والافعـال
ورزقك على اللي خالقك والعبـادي
الذيب ما يصبر على الجوع لا طال
ما تهتني عينـه بطعـم الرقـادي
والحرّ نسل الحر ما يقبـل الحـال
ما ينتظر بالوكر بعـض الجـرادي [/quote]

كلام في مكانه مازلت أطبقه في حياتي والمظاهر ماتهم الرجال :)