الدلع طبعك

[شوقي العامري]

.

الدلع طبعك
.


ما ضويت الليل وعْيونك مدينـه=لا ولا أطفيت في عيني سراجـك

لو يذوب الحلم وتْهزني سنينـه =ما تبعثر هاجسي وابْكا مزاجـك

لك مشاعر تغري القلب وْتدينـه =لا توشّح فالمدى ريح اعْوجاجك

من عشق نورك تهايق لك حنينه =دام كلّ النور ميْعـاد ابتهاجـك

الدلع طبعك ونار العشْق طينـه =لا تمخّض في يدين الكون تاجك

من يحبك ولّعة شمس ابجبينـه =لاتزايد بالسمـا نـور انبلاجـك

ليت روحي في سنا برقك رهينه =لا تهيّض خاطري والشوق هاجك

من زرع ثمرك تكاثر ياسمينـه =لا عشق ودك وطبعك وانتهاجك

كيف اعافك والجفا ذلّ وْغبينـه =لاذكرتك والهوى يقدح هماجـك

وان قسا وقتك وعاكسني يقينـه =عاتب الوجدان غيْضك وانزعاجك

جيت أفاخر بك واسامر هالسكينه =دام كل الطيب ياقوتـك وعاجـك

.
.
.

[/size]