العودة   منتديات الفطاحله > منتديات الشعر النبطي/يمنع الفيديو > ساحة المحاورات > محاورات خارجيه

إضافة رد
 
أدوات الموضوع
قديم 25-09-2007, 01:42 AM   رقم المشاركة : 1
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي محاورات مطلق الثبيتي


محاورة بين صياف الحربي و مطلق الثبيتي (رحمه الله)

صياف الحربي

ياسلام الله ودار العز مرفوع علمها=عقب شعشع نورها والظلم حال العدل دونه
الثبيتي لو اقول اقسم عيونك ماقسمها=والتفت فيه بنظرة حسد ويطير عيونه

مطلق الثبيتي
يحفظ الله الجزيرة والشجاع اللي حكمها=مثل قصر ثابت السيسان واخوانه حصونه
صاحبي صياف ينهبها وياكلها بدمها=ليتها ماتاصل الحنجور تنشب في سنونه
صياف الحربي
المطية ماتقاود غير مع رجل خطمها=لو يضيع خطامها من طردها كثرت غبونه
انت اشوفك تفرس الصيدة وتاكل من لحمها=والخوي لاضيع القانون قاموا يشمتونه

مطلق الثبيتي
المطية خلها في الدرب لاتكتم نسمها=واحترص من غضبة الجمال لايضربك شونه
كل حية سمها في بطنها سديت فمها=وان لقيت الوعل ابو قرنين اطقه في قرونه
صياف الحربي
اكثر العربان يلزمها وكنه مالزمها=ثم راح من الزعل يمشي ويقطع من ردونه
انت مثل العقرب اللي تخلع الناس بوحمها=مار جاها قاريُ شاطر دهنها من دهونه

مطلق الثبيتي
ماعليه من عجوزك كان ماضوت غنمها=وان زعل صياف جعل اللي وراه يحول دونه
امس يبني عشته في الضلع واليوم يهدمها=والهبايب ماتهبه والطراقي مايجونه

صياف الحربي
الله انه ينصر السنة ويظلم من ظلمها=والعرب مايطحنون الحب لين يفتشونه
لو تشوف العشة اللي صاحب الخبرة حزمها=فوق ضلع كل ماطاح المطر تثمر غصونه

مطلق الثبيتي
الآشارة فآخر الشارع بصدامه صدمها=الونيت اللي قديم وكل يوم يوظبونه
المنايا ياوسيع العرف مايخطي سهمها=مارخلك صالح النية وعمك لاتخونه

صياف الحربي
القلوب العمي خل الذيب ياكل من شحمها=والونيت اللي يسوقه صاحبه لاتقربونه
ليت بقعاء تلمس الرمضاء وتاكل من قدمها=وانت يابو راس راسك ماتغير عن متونه

مطلق الثبيتي
العيون اللي تهل دموعها منهو لطمها=لو عرفته كان خليت الجماعة يحبسونه
المطية يوم ريض مشيها محد( ن ) نهمها=لو نهمها كان تاصل مطرح (ن)ماتاصلونه
[/poem






توقيع الطائر المهاجر
 
  رد مع اقتباس
قديم 25-09-2007, 01:48 AM   رقم المشاركة : 2
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي محاورة بين مطلق الثبيتي وشليويح المطيري


محاورة بين مطلق الثبيتي وشليويح المطيري

يا شليوح المطيري على راسـك تحـوم =وحده يا ذيب مـا انـت بسالـم شرهـا
ما ينجيك العصيمـي ولـو أنـه يقـوم =والكبـود السـود لازم تمـوت بحرهـا
شــــلــــيــــويــــح :

شايبٍ راسي من الهوش واهواي السهوم =وان بغيت تجرها مـن زنـودك جرهـا
خابرينك لاوليت العرب ما أنت برحـوم =مير مابـه ناقـةٍ تحتلـب مـن درهـا

مـــــطــــــلــــــق :

لك ثلاث الليال سهران تنظـر بالنجـوم =والنجوم بعيد ماهـي فلـوس تصرهـا
ما بعدها يا لمطيري يقع فرك الخشـوم =يالله الزم بحرهـا قبـل يغـرق برهـا

شــــلــــيــــويـــــح:

يوم أحسب احساب ماني بحاسب للرخوم =والضعيف لو يمر العرب مـا ضرهـا
ما عرفنا يالثبيتـي متـى حظـك يقـوم =والخواجـة جـاب دشداشتـه مازرهـا
مـــــطــــــلــــــق:

ادعج العينين ما هو من الكحل محـروم =مير هـات المكحلـة للعيـون وذرهـا
أنت مالك في مشاكل هل المشرق لزوم =وأنت راع الحره اللي شوتـك بحرهـا

شــــلــــيــــويـــــح

لو يزيد الكحل في عين حانيت الرقـوم =ما يضـر أعيونهـا كـل يـوم يسرهـا
وأنت خليت الشلاوى وغـازي للبقـوم =والشلاوى تكحـل العيـن لـو تمرهـا






توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 25-09-2007, 03:06 PM   رقم المشاركة : 3
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي محاورة بين مطلق الثبيتي وحبيب العازمي


محاورة بين مطلق الثبيتي وحبيب العازمي

حبيب العازمي

زاد الكلام وزادت الصفين=من شاف راع السيل من شافه
بيني وبينه سلت السكين=مـــــــــــا فيه لارحمه وألا رافه

مطلق الثبيتي

لو تلتبس لك بينهم بشتين=البــــحـــــــــر ما ينقصه غرافه
بالهون ياركان أبو حثلين=اللي عشـــق دبر العناء عافه
حبيب العازمي

الشرع يحكم والشهود اثنين=وغير الثنين اثنين حـــــــلافه
ورآك يا مطلق تلد العين=وش شفت قدم الذيب وخــلافه
مطلق الثبيتي

مالك ورآنا يا حبيب دين=والشرع ثابت فوق ميقـافه
ما شفت قدم الذيب غير الزين=واللي يطرف فالخلا حـافه

حبيب العازمي

خليت الاردن يالشريف حسين=والخوف في جوفه وفطرافه
سلم العرب وقت القسى والين=كلً علاه ايضفي الحــافه

مطلق الثبيتي

الله ياحسبي على الاثنين=كلً يصج السمع غطرافه
الموتر اللي صانعه فالصين=أعمى عيون الناس كـشافه

حبيب العازمي

الله دعى فالوعل أبو قرنين=عود يدف الضلع بكتافه
لكن جاي من أين رايح وين=ياسرع ميقافه ومحـرافه

مطلق الثبيتي

اجناه ابو نخله وابوسيفين=معاد اله فالسوق صرافه
ترى الثبيتي ياغراب البين=معروف مرباعه ومصيافه
حبيب العازمي

الظاهر ان صرافته مقفين=هفت بهم مع راس مهيافه
اصبر شويه والعلوم اتزين=يالافه انته قدمك الافـــــه
مطلق الثبيتي

بعض العرب فيهم طباعن شين=اعصيهم للقطــــــن نتافه
الشيخ من لايتبع المقفين=كلن يرجع فوقه أسلافه

حبيب العازمي

مهوب منا من هل الضلعين=اللي تعرف القطن وأصنافه
بالله لاتاكل على الحيين=خل الهــلال يوقف إسعافه






توقيع الطائر المهاجر
 
  رد مع اقتباس
قديم 25-09-2007, 03:15 PM   رقم المشاركة : 4
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي مطلق الثبيتي وشليويح المطيري(2)


هذه محاوره جرت بين الشاعرين مطلق بن حميد الثبيتي وشليويح بن شلاح المطيري.



مطلق الثبيتي:

سلام الله على من جابنا ذكره ومرسوله=عدد نو المزون اللي لها نوٍ ورعادي
شليويح المطيري يوم شفته عزّني زوله=واثره الشجره اللي عرقها سابح مع الوادي

شليويح بن شلاح:

هلا يامرحبا ترحيب نبدي فيه ونقوله=نيابة عن مطير الحاظره و آلاد عبادي
شليويح المطيري ماشيٍ فالدرب بنعوله=ولا احط القدم حافي لعل الدرب ينقادي
مطلق الثبيتي:

الا يازينها لو تصبح البيبان مقفوله=وتمسي يالمطيري من ورا البصره وبغدادي
ياراعي الشله اللي عن عيال الخير معزوله=بعد سويتها فينا يبي لك حرب وجهادي

شلويح بن شلاح:

عرفت الغازكم والغازكم من عصر محلوله=كلامك فالمسجل لاتشغل موجة الرادي
انا لي شلةٍ في دربها ماهي بمشلوله=بعدها يالثبيتي لاتحرك كورة النادي
مطلق:
ابربي حراميٍ يشيل التمر بحثوله=نما من عادته مايسرق الا تمر الاجوادي
ابوكم ماتسنع وامكم قشرى ومهبوله=ليا ميزتها من قشرها ماعاد تزدادي

شليويح:

علام الحضرمي قدام جيرانه كفا فوله=يعقّب دلته ويجيب للضيفان برادي
انا امي صاحيه وامك من الايام مشغوله=ولاتسمع كلام امك نهار تصيح وتنادي

مطلق:

زعل راعي الونيت وضاع له عشرين صاموله=ويوم انه زعل واليا الفرامل سلكها غادي
حبال الخير بين الناس ممدوده وموصوله=ولاتقدر تغيرها ليا شفت القمر بادي
شليويح:

اقص الجره اللي من زمان العام مدهوله=واثر طبع الحرامي يختلف عن طبع الاجوادي
انا خابرك تثني كان نار الحرب مشعوله=لكن اليوم عان القوم لك في كل مرصادي
مطلق:

رموشك يالمطيري من دموع العام مبلوله=نبا نشبعك في شعبان ونجمدك في جمادي
ليا شفنا الغناوي كل يوم يقل محصوله=قطعنا عنه نسناس الهوى والشرب والزادي

شليويح:

ليا حمرت عينك عندنا بالكحل مكحوله=وانا بشب ناري كان شفت القدر ماجادي
انا ماني بشعره من عجينة خبل منسوله=انا دكتورها حتى نداوي كل الاكبادي
مطلق:

الا ياموترٍ حطوا له الشاصين مدبوله=لكنه لامشى في الدرب من ممشاه متحادي
انا اعرف القلوب اللي من الاوهام مدخوله=اجيب إلها الدواء مير الدواء والطب مافادي
شليويح:

انا بنشدك عن هاك الونيت إصحيح منهوله=بعد ماحوّل السواق ركبه غض الانهادي
وانا ماني بماشي غير مع سكه ومدهوله=لكنك قص دربك يالعتيبي وانصح الغادي
مطلق:

شليويح المطيري مدوخ العربان بطبوله=وياليته مع الغزي وجنب عزيز البادي
والا يازين زول الشيخ والذرعان مفتوله=لكنه يطوف ويستعي فالشعب وجيادي

شليويح:

تغيّر صاحبي يوم السواري وقعت حوله=سلامه يالثبيتي وابشر انك واصل المادي
ليا زعل الثبيتي من زمان العام قولوا له=نبا نكسيه من سوق الرجال ثيابٍ جدادي






توقيع الطائر المهاجر
 
  رد مع اقتباس
قديم 25-09-2007, 03:18 PM   رقم المشاركة : 5
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي مطلق الثبيتي وخلف بن هذال


محاورة بين مطلق الثبيتي وخلف بن هذال


مطلق

ودي احمل بعيرالناس حمله والوي ساقه=قدم ابن هذال لايبني على الاصنام قبه
بل راسه لين في راسه تعلمنا الحلاقه=واحد ماهوب داري نمدحه والا نسبه

خلف

انت ودك بس ماتقدرلها مافيك طاقه=الجمل من دونه الجمال يسعى تحت ربه
ابك انا ماني لكم يامطلق بقطاع ساقه =عندناطب الجروح وعندكم ياويش طبه

مطلق
جيت اروز الظبي واليأ الظبي ياخف ساقه=قرنه اعوج مار ساقه يالعتيبي فيه صبه
والله انك ماتحصلك مع الضلع انطراقه= ريعنا مسدود والجمرالحمر قدمك نشبه
خلف
الظبي ياطى حديد وراضعأ من ديس ناقه= بالمخادع والحياله يدخلك في جوف عبه
ريعكم مفتوح والسارق يدورله سراقه=وان عطيت البحر يعدلبك على عشرين غبه
واحداً عيا يفارقني وانا باغي فراقه=كيف ابشريله عباه وبشت وثياب وجبه

خلف
كان تعشق الفزعه عشاقه= لبسه من لبسك اللي تلبسه واحذر تسبه
صدر مطلق خابره ضيق واضيفله خناقه=قاضبه قضب العمى شاته ماكبه كيف اكبه

مطلق
ياخلف عدل رفيقك لاتغلطه الحماقه=درسه كتب البخاري لين يعرف دين ربه
انفتح في جدركم ياصحابنا عشرين طاقه =لا تقولون الهابيب في وطنا ماتهبه

خلف
كيف اعدل عود محني له ماقضيب دقاقه=وصل اصله من غصونه نقطةً سوداء وحبه
بيتنا محفوظ مانرمي على سطه علاقه=محتمينه بام خمس ويشهد الله ماتطبه






توقيع الطائر المهاجر
 
  رد مع اقتباس
قديم 05-11-2007, 03:01 PM   رقم المشاركة : 6
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات مطلق الثبيتي مع( صياف/خلف/شليويح/حبيب)


على خيرة الله
الزلامي والثبيتي







توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 05-11-2007, 03:04 PM   رقم المشاركة : 7
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات مطلق الثبيتي مع( صياف/خلف/شليويح/حبيب)


وقت الطرب
الثبيتي والسواط







توقيع الطائر المهاجر
 
  رد مع اقتباس
قديم 08-11-2007, 09:49 PM   رقم المشاركة : 8
نجم الإبداع
فلاح بن منشار/شاعر/ عضو شرف
 الصورة الرمزية نجم الإبداع





معلومات إضافية
  النقاط : 10
  الحالة :نجم الإبداع غير متواجد حالياً

 

افتراضي رد: محاورات مطلق الثبيتي


شكرا ابو عبدالله

بس التثبيت ماخذ نص الصفحه طال عمرك


عندي اقتراح بعد اذنك

ياليت تخلي اربع محاورات مثلا مثبته

لتكون مقبوله وانا عارف ان هدفك لفت نظر الشعراء لاهمية

قراءة مثل هذه المدارس

دمت استاذا ومربيا فاظلا
لاعدمتك







توقيع نجم الإبداع
 
  رد مع اقتباس
قديم 19-04-2008, 05:35 PM   رقم المشاركة : 9
ابراهيم عبدالحميد
الخريف الحزين/عضو شرف





معلومات إضافية
  النقاط : 10
  الحالة :ابراهيم عبدالحميد غير متواجد حالياً

 

افتراضي رد: محاورة بين مطلق الثبيتي وشليويح المط


الطائر المهاجر

و محاورات مطلق الثبيتي

مع

صياف/خلف/شليويح/حبيب

و إيفاد بديع و راقى لمحاورات متميزه و مبدعه
دمت أخى و سلم لنا ذوقك الرفيع







توقيع ابراهيم عبدالحميد
  رد مع اقتباس
قديم 21-04-2008, 12:59 AM   رقم المشاركة : 10
النهج المختلف
فواز العتيبي/شاعر/
 الصورة الرمزية النهج المختلف





معلومات إضافية
  النقاط : 10
  الحالة :النهج المختلف غير متواجد حالياً

 

افتراضي رد: محاورات مطلق الثبيتي


الطائر المهاجر الله يعطيك العافية على النقل الجميل والرائع

تحياتي وتقديري







توقيع النهج المختلف
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
زقم العيط: مطلق بن محمد الجربا الطائر المهاجر رواد الشعر النبطي 17 15-12-2010 11:58 AM
الشاعر/منصور الثبيتي ياهلا نايف الثبيتي قصر الفطاحلة 7 30-09-2006 06:13 AM
محمد بن عمار ونايف الثبيتي الطائر المهاجر ساحة المحاورات 32 27-04-2006 01:12 PM


الساعة الآن 01:05 AM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة