** || صبــــاح العيــــد || **

[نجد الضاوي]

صباح العيد ياعشقاً تغنّى للفرح موّال= صباحك عيد ياروح الفؤاد ومسكن أعماقي
صباح العيد تغرق بي كفوفاً بالدمِع لاسال= عجز دمع الفرح فيني يعّبر لك عن أشواقي
سواليفك هدايا هالصباح وقهوة الفنجال= على كثر الضما اللي بي تحرى صوتك الساقي
نثرت الشوق بأعماق الحنين ويحتري مازال= لذيذ العيد وأصناف الحلاوى ومشتهى مذاقي
تجلّت في صباح العيد جروح وهمّ وضيقة بال= وجودك يالغضي فيني سعادة حلّت آفاقي
فديته قلبك اللي لا بعدت يجوبلي رحّال= نقشته في غلاف القلب ونبضاً داخل أعماقي
أنا صمتي نطق يومي عرفتك ثم صاح وقال= ملكته هالفؤاد اللي بيدينك وش بعد باقي
رضيتك تسكن أحشاء الفؤاد ومستريح البال= أنا ضميّت روحك في عيوني وداخل أحداقي
تعال وبعثر أشلاء الزمان وجدّد الآمال= تعال وجدّد أعياد ٍ تحرّت خاطراً راقي
سنا ضيّك يزيح العتمة اللي من بقايا أطلال= على دربك يضيع الليل وتبدي شمس الإشراقي
صباح العيد يكفيني شروق ٍ كنت فيه ظلال= هدايا هالقدر يومي عرفتك وإنت لي باقي

نجــد الضـــــاوي

[إبتهال الجنوب]

بسم الله الرحمن الرحيم

سنا ضيّك يزيح العتمـة اللـي مـن بقايـا أطـلال

على دربك يضيع الليل وتبدي شمس الإشراقي

صباح العيـد يكفينـي شـروق ٍ كنـت فيـه ظـلال

هدايـا هالقـدر يومـي عرفتـك وإنـت لـي بـاقـي

شـكــ وبارك الله فيك ـــرا لك ... لك مني أجمل تحية .