27-02-2006, 02:09 PM | رقم المشاركة : 1 | ||
|
قصيدتين في تداول
هذا تداول او جحور الثعابين= اللي بنفَس واحد تشلّ الضحيّه هذا تداول او حريق المساكين =وقبور من لا يفتهم بالقضيّه لعبت حصاني القوم من مدعي الدين =ورحنا طعام جحوش وارخص هديّه حسبي عليهم بعد خدعه وتطمين = لفّوا هوامير الجشع للبقيّه ما يرحمون اللي خذا السهم بالدين= واللي رصيده طار لحظه ونيّه ما دام قانون العداله بلا عين = "كل من ايده ايله" نظام وهويّه السوسة اللي ابتدت شجرة التين = لابدّ ما ترعى وتزيد الأذيّه تحرق نخلنا لاخره دون تعيين = ويشمت بنا الحساد وهل الطويّه اللي يبون اذلالنا بعد تمكين = الحقد لو يخفوه طبع وسجيّه سمّ الفكر يرسل ويخدع ملايين = ويلقى شواهد مثل هذي الرزيّه السوق محكومٍ ببعض الغريبين = خلف الستار وكل نفسٍ رديّه ما همّهم داري ولا همب ولهين = كلٍ يصدّر ما جمع بالعشيّه ما دام داري طبعها العطف واللين = الاجنبي يلعب على كل هيّه وين الرجال وين فخر الشياهين = اللي عرف بالعدل بين البريّه تكفون يارجال على الدار حرصين = هذا زمان المرجله والحميّه
ليت لي قلبٍ مثل قلب الشمالي = ما يفكّر في تداول بالخساره
رمحه اللي ما انحنى قدام عالي= ذيب في الإقدام عن فهم ومهاره يالله إنك ترزقه طيب الحلالي = وتبعد المشبوه ما ياكل ثماره كلّمـا قـدّم نصيحه للتوالي = كسب من يسمع وبادر في قراره ومن تراخى ما كسب حاله بحالي = غير وضعي يختلف لونٍ وشاره انسجم ما دام في السهم انشغالي = واخذ الميسور وابعد عن قماره راتبي المضمون يكفي عن سؤالي = والعيال رجـال كلٍ واقتداره من تقاعد لايدوّر زود مالي = يرتضي المقسوم يكفيه ادخاره ولا يقابل حرمته مثل الكحالي = جاهزٍ للشرّ عند ادنى شراره ينشغل في شئ ما يجلب وبالي = ويبتدي يفهم لنفسه عن جداره يرجع لأصله بعد زيف الجمالي = بعد عمر ضاع يطرد في غباره يكتشف قدرات في يومٍ محالي = يكتشفها لانشغاله في مساره ينفع الأجيـال من عذب المقالي = وفكرةٍ منّه لمن فاته قطاره في زمانٍ كل شيٍّ صار غالي = غير ذلّ النفس في زيف الحضاره انتهى وقت الكرامه لا جدالي = والفضيله مالها ذكر وإشاره دام بعضٍ راكض شرق وشمالي = يطلب الدنيا ويسعى للصداره لو يبيع النفس بدروب الضلالي = ولو سرق اوغش بانواع التجاره ما يفكّر في حرام ولا حـلالي = المهم إنّه كسب .. ظنّه شطاره ما حسب للشمس لحظات الزوالي= يترك الدنيا ولا هو باختياره صاحبي جاوب إذا تفهم سؤالي = كم ثريٍّ ثروته اسباب ناره صار عبد الفلس ..فكره بانشغالي= ودّه بلحظة سعاده من نهاره الدراهم كالمراهم لا جدالي = لكن ان زادت غدت هم ومراره |
||
27-02-2006, 04:04 PM | رقم المشاركة : 2 | ||
|
حلوووين مشرفناا |
||
27-02-2006, 08:43 PM | رقم المشاركة : 3 | ||
|
هـذا تـداول او جحـور الثعابيـن اللي بنفَس واحـد تشـلّ الضحيّـه |
||
27-02-2006, 10:57 PM | رقم المشاركة : 4 | ||
|
ابو عبدالله جعلي ما اعدمك |
||
28-02-2006, 08:21 AM | رقم المشاركة : 5 | |||
|
|
|||
03-03-2006, 02:28 PM | رقم المشاركة : 6 | ||
|
الله الله يامشرفنا |
||
04-03-2006, 07:16 PM | رقم المشاركة : 7 | ||
|
هذي قديمة ... من ضربات سابقة ... |
||
04-12-2010, 11:12 AM | رقم المشاركة : 8 | ||
|
مشكور |
||
04-12-2010, 11:48 AM | رقم المشاركة : 9 | ||
|
مشكور |
||
05-12-2010, 09:11 AM | رقم المشاركة : 10 | ||
|
بارك الله فيك |
||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|