غريب الآه تفضـــــل

[أم ريما]

بسم الله الرحمن الرحيم

اخوي غريب الأه

طلبت مني توقيع في احد مواضيعي

وتقدم اخوي الفاضل سناعيس بكتابة ابيات هديه لك

لكن الظاهر انك ما شفتها

سويت لك التوقيع واتمنى يعجبك والشكر لأخوي سناعيس ما قصر


وهذا توقيع ثاني



تحياتي للجميع

[الطائر المهاجر]

البيتين للغريب ارى ان يكونا بهذا الشكل ، بعد الإذن من اخي سناعيس والغريب:
انا غريب الآه يامن جهلني= اسمي غريب وغربتي راس مالي
قلبي يحب اللي يسئلون عني= تقديرهم عندي على الدوم عالي

[سناعيس]

أم فيصل
والله ماقصرتي الله يعطيك العافيه
لكن ترى الأبيات كانت بالشكل التالي:

انا غريب الآه يامـن جهلنـي=اسمي غريب وونتي راس مالي
قلبي يحب اللي يسالون عنـي=وكل الفطاحل قدرهم دوم عالي

مشرفنا العام
نحن نتعلم منك دائما واضافتك جميله أيضا
لكن جاءت (يسالون) بدل ( يسئلون) لكي لاينكسر البيت علما بأنك أبخص مني
وذكرت اسم الفطاحل لكي لاتقل الخاتمه ( أمزح) ويستخدم هالتوقيع في منتدى آخر
غريب الآه أخو وعزيز
تحياتي

[الطائر المهاجر]

اجل انا شفت الهمزة في يسالون ، وكن عليها راس : يسألون ، فقلت يسئلون اقرب
ويسالون ، ويسْئْلون بسكون السين والهمزه ، يتروى لي تمشي مع اللحن.
ويمكن ام فيصل من كرمها زودت جهلني بياء ، ومن ناحية انه ما يستخدمه إلا
في الفطاحل فهو واحد منا يسوي به اللي يبي.
لاهنت يالغالي
تحياتي الطيبة

[أم ريما]

لازم يعني يامن جهلني

ما تعني تجهلني

او يجهلني

؟؟

[الغريب]

ههههههههههههههه

ابو عبدالله سناعيس ام فيصل ارجوكم لا تتهاوشون على شاني

انا راضي باي بيت وباي كسر وراضي بكل شي يجي منكم

ارجوكم لانخسر بعض والسبه بيت وتوقيع>>>>>> واحد مصدق

ام فيصل وربي ماقصرتي اقسم بالله عاجز عن الشكر والله يقدرنا على رد الجميل

سناعيس تسلم يابعد عمري وها الابيات راح احفظه مثل ماني حافظ اسمي

ابا عبدالله معلمنا الفاضل كل الشكر والتقدير































































ام فيصل ممكن سؤال

وش لون احطه في صفحتى>>>>> اقول الشرهه ماهي عليك على انا اللى سويتلك توقيع

ام فيصل صلى على النبي وتخبرين الخبرة تلعب دور

[أم ريما]

هلا بمستشارنا غريب الآه

ولا شكر على واجب... هذا اقل شي نقدر نقدمه وان شاء الله يكون اعجبك

بسيطه اضغط بزر الفاره الأيمن على التوقيع وانسخه وروح للوحه التحكم حقتك

واضغط على تعديل التوقيع واذا انفتح لك ضع الرابط اللي نسخته في اضافه صوره كأنك بتحط صوره عادي

ويطلع لك التوقيع


اتمنى يكون الشرح واضح

تحياتي لك

[الغريب]

واضح كل الوضوح

انتي اللى مسويته ولا يعجبني مصيبه

ماقصرتي

طيب افرضي افرضي مثلاً يعني مو اكيد

ارسلتك صور بنتين حلوين وقلتلك حطيهم في توقيع

وش تقولين

افرضي يعني مجرد حكي

[أم ريما]

هلا اخوي غريب

عادي جدا

ارسل واحطهم لك في التوقيع

ابشر والله وترى اي ملاحظه على التوقيع او تبي تعديل انا حاضره

تحياتي لك

[الغريب]

تسلمين يارب

كله على بعضه حلو يعطيكي العافيه ماقصرتي

والله يخليكي لفيصل واخوانه