العودة   منتديات الفطاحله > منتديات الشعر النبطي/يمنع الفيديو > رواد الشعر النبطي > رواد الشعر النبطي المعاصر

إضافة رد
 
أدوات الموضوع
قديم 25-10-2007, 03:46 AM   رقم المشاركة : 1
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي محمد الجبرتي السلمي


محمد بن شريّف بن عبيد الله الجبرتي السلمي المولود 1309 بقرية الظبية من ديار بني سليم وهي القرية التي تقع على طريق مكة المدينة السريع ، وتوفي رحمه الله في الجموم 1414
بدأت شهرت ـ رحمه الله ـ في الانتشار حتى بلغت القبائل المجاورة ومنها قبيلة حرب المعروفة والتي التقى الجبرتي بكثير من شعرائها ، ثم شارك آنذاك في برنامج البادية الذي كان يقدمه مطلق الذيابي ثم محمد بن شلاح المطيري ؛ ومن خلاله ازدادت شهرته حتى بلغت أرجاء المملكة والخليج .
وحينما سكن الجبرتي الجموم التقى بعدد من شعراء المناطق المجاورة في مكة والطائف فقابل كلاً من عبد الله المسعودي ومستور العصيمي وهلال السيالي وابن تويم وخلف بن هذال وغيرهم الكثير والكثير
كان ممن يؤمن بالقول المشهور (( لكل مقام مقال )) فشعره في البادية يتناسب مع حياة أهلها وألفاظهم وكذلك في المدن ، و يختار ألفاظه بعناية فائقة ، وهو شاعر مواكب لكل ما يستجد في عصره ، كثير المعاني إذ لا تكاد محاورة من محاوراته تخلو من معنى جديد . سريع البديهة كثير الفكاهة والطرفة التي لا تخرج عن المعنى بل تأتي خادمة ومسايرة له … ومن الطرف الكثيرة في شعره والتي تخدم معناه قوله لـ ( جار الله ) : ـ

فلوسك من بلد مكة ومقضاتك من اليابان = ومفتاحك من الطايف وقفلك من بلد ثاني
وقوله مرة ً للمسعودي : ــ
ألا ياورع يا مضرور لا تنفخ على الدكتور = تريّح للدوى مجبور بعد اتجيه متعنّي
أكثر أبياته شهرة :

سلام من الجبرتي لا تقولون الجبرتي غاب = حضر واللي عقد روس الحبال يحلّها حلّي
سالفة البيت :
يقال إن الجبرتي حضر حفلا أقيم في جدة واستمر ثلاثة أيام ، وقد حضر الليلة الأولى ولم يعجبه حال ( الملعبة ) لقلة الصفوف ، ثم عاد الليلة الثانية ولم يكن الحال بأفضل من سابقه ؛ لذلك انتشر بين الشعراء والجماهير أن الجبرتي خائف من المواجهة مع الشعراء … فبلغ ذلك الجبرتي الذي أصر في الليلة الثالثة على المشاركة ؛ لدفع ذلك الاتهام وعندما توسط الصفين أنشد قائلاً : ـ
سلام من الجبرتي لا تقولون الجبرتي غاب = حضر واللي عقد روس الحبال يحلها حلي
إذا مني حضرت اللعب فالواجب درقت الباب = عصام اللعب ليّه وارطني يا ترك عصملّي
ويقال إن شاعرًا رد عليه بقوله : ــ
هلا يا مرحبا بك يالجبرتي جيد الأنساب = أنا ما قلت يوم إنّك سريت إنه من الذلّي
الشاعر محمد الجبرتي وفنون أخرى : ـ
لم تظهر براعة الجبرتي في المحاورة فقط ، بل شارك وأبدع في الكثير من فنون الشعر التي كانت معروفة في عصره آنذاك … فقد اشتهرت عدة ( مجالسيات ) تلك الأيام ؛ لأنها للجبرتي وتتميز بالقوة والروعة الممزوجة بالطرافة والفكاهة … فهنالك مجالسية البعوض والذئب والراديو والتلفزيون والسيل وغيرها .. وهذه بعض أبياته التي قالها يصوّر معاناته مع البعوض ليلة من الليالي : ـ

البارح الناموس جرّد عليّه= جاني بقواته وقوم لظيّه
وأخذت لين أصبحت تومي يديّه = وأصبحت من فعل النواميس سهران
وقلت يالناموس تراني أشكيك=على الحكومة والحكومة تجازيك
وتجيب لك سيّار مشحون سفنيك=وأنته ضعيف الجسم يقتلك دخّان

واشتهر الجبرتي أيضًا في مجال ( الحداية أو الردح ) وهي مجموعة من الأبيات التي تتفق في أغلب قوافيها وتقال في المناسبات حين تقدم قبيلة على أخرى لحضور زواج أو غيره .. وتكون على شكل سلام أو ترحيب مشتملا على المدح ومناقشة بعض القضايا بين القبيلتين … يقول في إحدى المناسبات لدى قبيلة ( البقلة ) من سليم : ـ

سلام يا أهل الصوب واهل النوب وأصحاب الحميّة = يا ربعنا السلمان من درب العويدي للظبيّة
أنتم جماعتنا إذا جات العـــــــــلوم اللي قصيّة = والباب له مفـــــتاح والمفتاح من صمّ الحديد
أعلام سدّ أعلام وأنتم عـــــــلمونا بالحقيقة = حنا رجال ولا نبا بيناتنا نصــــــــــــبة وضيقة
وأنتم تعرفون المرض فالراس واعروق الشقيقة = أما تداوون المرض وإلا ابعدوا عنا بعيد






توقيع الطائر المهاجر
 
  رد مع اقتباس
قديم 25-10-2007, 03:48 AM   رقم المشاركة : 2
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محمد الجبرتي السلمي


محاورته مع عوض الله أبو مشعاب

الجبرتي : ـ

ليت عوض الله يخاويني نبا طرقة طويلة = في ديار البدو لين يشوف ما شافت عيونه
في ديار البدو حيث البدو كسابة جميلة = ناكل اللي ياكلون ونشرب اللي يشربونه
أبو مشعاب : ـ
كيف ما أخاويك وأنته من مقاليط القبيلة = الجبرتي يعـــــرف العربان وهمه يعرفونه
يا عميل الخير طرقتنا ليا رحنــــــا ثقيلة = قصدنا المرباع والمرباع قمت اتصيح دونه
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ

محاوراته مع المسعودي
محاورات الجبرتي مع المسعودي كثيرة وكثيرة جدًا ، وجميعها تتميز بالقوة والرمزية وخفاء المعنى المراد ، ولا نستطيع معرفة مرادهما إلا إذا كان هنالك دليل على المعنى ، مثال عليها :
الجبرتي :
مرحبا بالصاحب اللي مثل برّاق يلوح = عهدنا به في زمان العام يوم البرق لاح
جيتنا بالقايلة ما جيتنا وقت الصبــــوح = الغنم قفى لبنها والغدا من صبح راح
المسعودي :
البقا بالصاحب اللي حيث ما يرزق طموح = نوب يرزق بالمطر ومرار يرزق بالرياح
قوم شب النار تحت القدر حتى إنه يفوح = الغنم تسرح مع الراعي وتضوي فالمراح
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــ
مع الشاعر مطلق الثبيتي
كانت محاورات الجبرتي مع مطلق ذات مذاق خاص … غزارة معنى ، وقوة سبك الأبيات ، واختيار الكلمات بالإضافة إلى المنافسة الشريفة بينهما … مثال عليها
الجبرتي :
أنته سواة الهوري اللي يدّرج بين البحور = لو كان ما يحمل عصا دبوس من دبوسها
حنا ندفن فالجنايز وأنت تحفر فالقبــــور = ندفن كراعين الجنايز وأنت تبحث روسها

مطلق :
أنته حسودي والحسودي لا يحج ولا يزور = واليا شرى حبة شعيرة جاه منها سوسها
أنتم بليتونا ضحى يا بدو ياقوم الخـــــــدور = والبدو نعرف ماشيتها من وجيه اعسوسها

ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــ
مع الشاعر مستور العصيمي :
كثيرة هي تلك المحاورات بين هذين العملاقين وكلها تفيض قوة وجزالة … مثال عليها:
الجبرتي :
سافري يا بوابير البحر والبرور = يالله إنك تعين اللي يمشونها
الشحم فالمكينة واللحم فالقدور = والمكينة لهلها اللي يجرونها

مستور :
فاتك الوقت واثرك يا بنادم غيور = يا مغــــني بيوتك وين مضـــمونها
دامت إنك معنّى قوم وابن القصور = والحصون الرزينة عزّز احصونها

ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــــــــ
مع الشاعر صياف الحربي : ــ
للجبرتي عدد لا بأس به من المحاورات مع ( صياف الحربي ) وبما أن كلا الشاعرين مجيد ومبدع فإن تلك المحاورات تحظى بمتابعة من الجماهير ، وتتصف بقوة المعنى … مثال عليها :
الجبرتي :
سلام الله سلامًا هالسنة ما هو سوات العام = سلام الــــــــــــــعام راح العام بين هناك وهنيّة
أنا اشوف المعارض واقفة والزين ما ينسام = سمعت اهل المعارض يشتكون امن الشريطية

صياف :
هلا يا مرحبا ترحيبةٍ ترحيبــــــــــها قدام = لو إن قلوبكم ماتت عصــــــر وعيونكم حيّة
كثير الناس يمشي فالطريق وحفرته قدام = ولا يدري عن الحسنة ولا يدري عن السيّة

ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــ
مع الشاعر جار الله السواط :ــ
الجبرتي شاعر لا يخلو شعره من الطرافة والفكاهة ، والحقيقة أن تلك الفكاهة تزداد بروزًا إذا كان اللعب مع السواط ؛ لما يتميز به هو الآخر من خفة الظل وللصداقة الحميمة بين الشاعرين … مثال عليها:
الجبرتي :
يالصاحب اللي تشرب الدلة وترقد فالمسيد = فالصبح تشرب دلّتين وعصر دلّة حانية
الصاحب اللي مرةٍ ينقص ومراتٍ يزيد = راحت سنينك وأنت بين الزود والنقصانية

السواط :
الهيل والبن اليماني وزعة الــــــحرّ الرشيد = واللي يبا خط المدينة مرّ مع عسفانية
وأنا عتيبي راعي المعروف والباس الشديد = ياشوكة الميزان ياللي تصغي الميزانية

ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــ
مع بكر الحضرمي
بكر الحضرمي :
الجبرتي :
سلام الله بردية يا بكر بناخي السلمان = أثني بالسلام أثني على حضرة بناخينا

بكر :
هلا يا مرحبا باللي لفا في ساعة الرحمن = تراحيب الوفا باللي نهار اليوم لافينا

ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــ
ومع خلف الله النمري :
الجبرتي :
تفضل يا خلف وأخذ العلوم وعطني الأعلام = أنا كبدي عليلة ما لقيت اللي يداويها

النمري :
سلام الله عليكم والليالي تتبع الأيام = وربي يشفي المرضان والعلة يداويها
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــ

ومع خلف بن هذال :
الجبرتي :
يا سلامي عليكم والعوافي = من ضميري على تقوى ونيّة

خلف :
يا هلا مرحبا والستر ضافي = والدعيّة تصادمها دعيّة
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــ

وللجبرتي محاورات كثرة مع كل من راضي الخضيري وزراق الخضيري وكلاهما من قبيلة سليم ومحمد بن طمحي والدكتور عبد الله المعطاني الهذلي وومحمد بن شلاّح المطيري ورشيد الزلامي وعائض الشريف وهليّل الجهني وهلال السيالي وغيرهم .






توقيع الطائر المهاجر
 
  رد مع اقتباس
قديم 25-10-2007, 04:15 AM   رقم المشاركة : 3
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محمد الجبرتي السلمي


يقول الشاعر الجبرتي «حضرت أنا وأحد رفقائي إلى محاورة في جدة وقد كانت صفوف الملعبة لا تشجع الشاعر على اللعب وقد سريت ذلك الليلة ولم ألعب. وكذلك حضرت في الليلة التي تليها لملعبة أخرى ولم ألعب لعدم توفر الصفوف الكافية حيث إنني شاعر لاتأتيني القريحة إذا لم يكن هناك صفوف .. وفي الليلة الثالثة حضرت إلى ملعبة أخرى وأصر رفيقي على أن ألعب في هذه الملعبة .. وقد سمعت من بعض الجمهور الحاضر يقولون بأن «الجبرتي» حضر ولم يلعب فتقدمت إلى الملعبة وقلت:

سلام من الجبرتي .. لا تقولون الجبرتي غاب=حضر واللي عقد روس الحبال يحلها حلي
ليا مني حضرت اللعب فاللازم درقت الباب=عصام اللعب ليه وارطني يا ترك عصملي

وقد كان هناك شاعران قال الشاعر الأول:

هلا يا مرحبا بك يالجبرتي جيد الأنساب=أنا ما أقول يوم أنك سريت انه من الذلي

قال الشاعر الثاني:

هلا يا مرحبا يالجبرتي والعلوم صعاب=لكن آخر .. على آخر تاخذون الدرب متجلي


رد الجبرتي على الشاعرين حيث قال:

أنا من قبل ذا الليله علي من الإله حجاب=حجاب من العرب والا كريم الوجه متولي
يقولون العرب ما دري عن الصادق من الكذاب=اثر بعض العرب عقله يجي ستين مرطلي


وقد انتهت هذه المحاورة بعد ذلك.






توقيع الطائر المهاجر
 
  رد مع اقتباس
قديم 25-10-2007, 04:40 AM   رقم المشاركة : 4
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محمد الجبرتي السلمي


هذه قصة وقصيدة محمد بن شريِّف الجبرتي السلمي - رحمه الله مع الذئب ، على لسانه :
بينما كنت في طريقي إلى بلاد حرب سيراً على الاقدام أدركني الليل في مكانٍ خالٍ من الناس بوادي حجر التابع لقبيلة حرب والذي يقع في منتصف الطريق تقريباً بين مكة المكرمة والمدينة المنورة وكان الناس يحذرون بعضهم البعض من المرور بهذا الوادي من بعد صلاة العصر حتى طلوع الشمس خوفاً من الذئاب المفترسة التي تنتشرفي كل مكان من هذا الوادي الخالي من الناس ، ويقول لقد ادركت خطورة موقفي عندما بدأت تغيب الشمس وأنا في هذا المكان المخيف وبينما كنت اصلي المغرب سمعت عواء الذئب وحدث ماكنت اخشاه فقد بدأ يقترب من مكان تواجدي حتى تقابلنا وجهاً لوجه وجرت بيني وبينه مناوشات كادت تودي بحياتي لولا لطف الله وعنايته ولم نفترق إلا مع طلوع الشمس وبدء حركة الناس
وقال هذه الأبيات التي تحكي قصته مع ذئب وادي ( حجر ) وهي على شكل محاورة بينه وبين الذئب:

أنـا هيِّض عليه طرقةٍ لمّـت بنا "سرحان" =وانا معْ درْب حِجْر اللي يعَرفون العرَب ذيبه
شبكنا واشتبكنا في الخلا ما حولنا عربان =وكلٍ ما يعَرف اللي يبي يخطيه ويصيبه
قال: أنا حظي كبير اللي جلب لي شاعر السلمان =وانا ما قط شفته مير اوحيت الناس تطري به
قلت : ألا يا ذيب قدْمك ذيب ..ذيب مجرّد الذرعان =وانا ماني بطفلٍ معْ ظلام الليل تسري به
معَي سكين غدّاري لها جوف الجراب لسان =معبِّيهـا لسبْع الليل اذا ما الله بلاني به
ترى مالك عشا باطرافنا يا ذيـب يا سرحان =لكنك دوّر اللي تـقدَره يـا ذيب وتجيبه
وأنا ويّاه ظلـّينا كما الفرسان في الميدان =عيونه في عراقيبي وعيني في عراقيبه
نبيع ونشتري حتى وصلنا قرية العربان =بعَد شاف العرَب عَوَّد وذاك الذيب عهْدي به
وأختـّمهـا بذكر الله وذكر الله عظيم الشان =وانا ضاري بذكر الله نصبّح به ونمسي به






توقيع الطائر المهاجر
 
  رد مع اقتباس
قديم 25-10-2007, 05:42 AM   رقم المشاركة : 5
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محمد الجبرتي السلمي


محاورات الجبرتي مع المسعودي

الجبرتي

ياعيون العود ياللي طار عنـك النـوم بـرا=طار عنك النوم وانتي ياعيون الورع باتـي
ياعميل الخير وشبك ليش قاعـد وش تحـرا=جيت باغ اسقيك حب الكات مع سكر نباتـي

المسعودي
ياجماعة خيـر قولـوا للقحـم روح وتمـرا=والله اني لاسهره مثـل النجـوم الساهراتـي
مانت عارف في بلدنـا لاتبيـع ولا تشـرا=لو بغيت تعامـل التجـار وتسـوي سواتـي

الجبرتي
خيركم يصدم بخير وشركـم يصـدم بشـرا=ارزمي يالمرزماتي واصهلـي يالصاهلاتـي
انت ياعبـدالله اللـي شايـل كتابـك مغـرا=ماتعرف اللي كتب لك فيه من قصة حياتـي

المسعودي
مانويت الليله اكشف عنـك يالبيـت المـذرا=وان عرض باطنابه العرضه دعسته بعجلاتي
شفت فيه مدرسين وشفـت بـه نـاس تقـرا=مير انا الليله نويت اقضي علىذيبك وشاتـي

الجبرتي
وان تجريتوا على ضيفك يا بو حادي تجـرا=وان تبلوتنا رحـاة القـوم تقلبهـا رحاتـي
العميل اللي على الكبسـات والبسـه مضـرا=عندنا ملـح اجـاج وعندنـا عـذب فراتـي

المسعودي
انت خابر هرجة الرجـال زر الثـوب زرا=ان سمعت الصدق ولا طق راسك في حصاتي
ــــــــــــــــــــــــــــــ ــــــــــــــــــــــــــــــ ـــــ
محاورة اخرى بينهما

الجـبـرتـي
سلام الله بـرده طيبـه ولحـون شعبيـه=لحون الباديه ماهي لحون المطرب الفنـي
لياطابت ليـال اصحابنـا طابـت لياليـه=وان كيف انشد اللي صد عني مانشد عنـي

المسـعـودي
هلا يامرحبا بالحاضرين ويامرحبـا بيـه=عدد ماسمهلت من جاهز فيه الرعـد دنـي
ولا ياحيلة ابو نيتين وصـدق ابـو نيـه=احد صاد الجواهر واحد صاد الذيب والجني

الجـبـرتـي
انا ليه عليـك حقـوق شرعيـه وفرعيـه=لكن انته تكبـر فوقنـا يامحـرق البنـي
انا بقرا عليكـم سـورة الرحمـن مثنيـه=حروف ماتعرف حروفها يامقرع الشنـي

المسـعـودي
وش اللي مطلعك فالشمس وانته كنت فالفيه=عيالك خادمينك وانت ياذا العـود متعنـي
معك سواق برقـاوي وسيـاره جبرتيـه=ليا بروق لهـا سواقهـا تشخـط وتستنـي

الجـبـرتـي
انا لو جيت ابتكل فوقهم صاروا حراميـه=انا باغ الفرج منها وهي تبى الفرج منـي
بكر بازعزوع
انا شفت الحرس بين الفقـارى والغناويـه=يقوقون الغناوي من ورى دنيـاه متعنـي

المسـعـودي
انا شاعب بنات القود والباكور فـي يديـه=تهدر ياجمل ديره وياناقـة عـرب حنـي
.........................................................=لياجادت بضحك سنونها يضحك لها سنـي
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــ
ومحاورة اخرى بينهما

الجبرتي
سلام الله بردية يا عبد الله يا بن مستور = سلام من الهجوس اللي يرنّ اجريـــسها رنّي
أنا ضايق عليك وضيقتي عوجا كما الباكور =عساك اتحــــــــلها والا تزيد العــــلم وتغنّي


المسعودي
هلا يا مرحبا يا شاعر(ن) منك الوفا مخبور= وأنا ما قول غير الصبر منكم والوفا منّي
لعلّ الضيقة العوجا يظلّي عودها مكسور=وتصبح ما معك عود(ن) عوج يالمطرب الفنّي


الجبرتي
الا يالله ياللي معتني بالنسر والعصفور= أنا مدري عن العصفور وهوه ما درى عنّي
لو انّ الاسم واحد كلها عند اطيور = لكنّ انت اسمك العصفور وآنا النسر قابنّي


المسعودي
ألا ياشين حظك يالحصان اللي تخدم الثور=مغير الثور ياكل والحصان يجيب ويدنّي
تبا تنفخ وأنا بنفخ ومن يطبخ بغير اقدور= وعينك ما تشوف إلا بطن ذيب ولحم جنّي


الجبرتي
ألا يا ورع يا مضرور لا تنفخ على الدكتور =تريّح للدوى مجبور بعد اتجيه متعنّي
أنا جرّبت فالدنيا ليالي ليّنه وعسور=ليالي ليّنه لاقيــــــتها وليـــال لاقنـــّي


المسعودي
أنا خابرك بارود(ن) ليا شمّ الفتيل يثور=وأنا بحرقك يالبارود لوّ النار تاكنّي




ــــــــــــــــــــــــــــــ ــــــــــــــــــــــــــــــ ــــــــــــ
واخرى بينهما

المسـعـودي
بعد جينـا نسلـم وقلنـا لكـم ياجـواد=عليكـم سـلام الله وعفـوه وغفرانـه
ابا شب في عود المراخي وعود الكـاد=بنـار تشـب وكـل عـود بدخـانـه

الجـبـرتـي
ولابد من طرقه ولا بـد مـن مجـراد=ومن طق عيدان العرب طـق عيدانـه
ولا ياولد يالشاعر اللـي مـن الاولاد=تلبس حيـذي النـاس ويكـب حذيانـه


المسـعـودي
قليل الاوانـي يكبـس البـن فالبـراد=ومن زال عقله يلحس المـوس بلسانـه
ورى ماغطيت القدر عن مشتهين الزاد=وهذا جـزا مـن فـك بابـه ودكانـه


الجـبـرتـي
انا لو ابى افتش فالمعاني يابـو حيـاد=ادق الحرس فالباب ويعجبك جرسانـه
انا ما ازرع الا ياعرب في جديد بـلاد=ولا ارمي ذراية وسط ماعون خربانـه


المسـعـودي
اناكـل ماقلتلـك نقـص كلامـك زاد=يصير الولد تكسيـه والبنـت عريانـه
وياعمدة اهل المسفله عند شيـخ جيـاد=واظنه يبـا يشتـال خوخـه ورمانـه

الجـبـرتـي
انا عـود شايـب لامقـود ولا قـواد=نضيف من اسبـاب راسـه وكرعانـه
انا اعارف انك على الناس بالمرصـاد=وربي في شانه والعريباني فـي شانـه


المسـعـودي
نشوفـك لعلـك مايشوفونـك الحسـاد=لياقلت لي وين السبب ؟ قلت لك عانـه
وعيشتك في الدنيا من النـار يالحـداد=ومـن لا اول مـا اخـر ياريحـانـه


الجـبـرتـي
عبنك خشيـري فالـولاده وفالميـلاد=احد يرضع الاول واحد يرضع الثاني *

بكر بازعزوع
ترا من كثر اكل الدسم صابـه القـداد=علامك تتبـع علـم مابـان برهانـه

المسـعـودي
لياكان بالانسـان جسـم بغيـر فـواد=فهذي ايرادة خالـق الكـون سبحانـه
ــــــــــــــــــــــــــــــ ــــــــــــــــــــــــــــــ ــــــــــــــــــــ
وبينهما محاورة رابعه

الــــجــــبــــرتــــي
من ضمير الشاعر اللي جاب له معنـى وردّه=ابدع الامثال والامثال مـن فكـري وبالـي
ياشباب العرب ياللي يذبـح العاشـق بـودّه=لاتميل السوق بالصندوق والصنـدوق خالـي


الـــمــــســــعــــودي
قودها يالشايب ياللي مال عيني عنـك صـدّه=مامضى لك فوق هذا الراس من سود الليالـي
واش بغيت تقول ياعود كثير الشيـب خـدّه=مانت حول الباب الاقصى خل عينك فالموالي

الــــجــــبــــرتــــي
صاحبي عبـدالله المخبـور ماينبـاح سـدّه=مثل ابن غانم ذياب ومثل ابو زيـد الهلالـي
لن بدا مع ريع سدّه وان صدم له ضلع هـدّه=منهو اللي مثل ابن مستور صـدّام الجبالـي*


الـــمــــســــعــــودي
المخالف يالعوارف مايضـدّه غيـر ضـدّه=وان تعلمت الرجال تجيـك بعلـوم الرجالـي
لن ثبّت فيّ الكلام اللي وانـا حاضـر تعـدّه=مايجني شيء غير يكود من جـدي وخالـي

الــــجــــبــــرتــــي
الزم السيف بنصابه ، لايوقّـع فيـك حـدّه=انقطع راس الخيال ان كان في فكرك خيالـي
صقرنا مخبور دايـم يخبـط الصيـده بيـدّه=كل ما اصبح صبح ياكل من عراميش الغزالي


الـــمــــســــعــــودي
يالجبرتي لو يجيك بعير لو من غيـر عـدّه=كيف تقدر ترحله لن جاك في وقت الرحالـي
اندقم مخلابك اللي فـي لحـوم الصيـد ودّه=مايصيد من السمـان الا المقـادم والطحالـي
ــــــــــــــــــــــــــــــ ــــــــــــــــــــ

محاورة اخرى بينهما

الجبرتي

يا سـلام الله بقـاف تولـع منـه نـار=واستمع في جابتي يا ولد وافطـن لهـا
أنت ثوبك فيـه بنزيـن والبنزيـن ثـار=والمطافي تطفي النار لـو ترسـل لهـا


المسعودي

مرحبا يا الشاعر اللـي يقررهـا قـرار=والمكاسـب فـي جيوبـه ومتحثلـهـا
لو عيونك شوفها زيـن وتحـق العيـار=كان مـا دورت مـن للطريـق يدلهـا


الجبرتـي

عز حال اللي يبي منك فكـره وافتكـار=ضاعت أفكارك وضاعت علومـك كلهـا
وأنت سنـك وشكلـك وشغلاتـك كبـار=شي تحايلها وشي مـا قـدرت تحلهـا


المسعودي

يا الجبرتـي لا تغبـر ويعميـك الغبـار=لا يقع روحك تحسب الغبار أحسن لهـا
وأنت شايب وأبيض الشيب لأصحابه وقار=وأن دعيت أليا كرامه سريع أعجل لهـا


الجبرتـي

الكرامـة للرياجيـل فـي كـل الديـار=والرجال الطيبيـن الكـرم يحفـل لهـا
حط لـي وقعـك بيمنـاك وألا باليسـار=والدوادي يا ابن مستـور عنـي خلهـا

المسعودي

بعض هرج الليل زبده يميعهـا النهـار=شجرتك اللي ظليلـه تشـح بظـل لهـا
البخيـل الله يعافيـك بيتـه بيـت فـار=من هنا يحفـر مـن هنـا يدفـن لهـا
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــــــ

ومحاورة اخرى
حضر المسعودي عند الجبرتي متأخرا عن الغدا فأشعره أن وقت الغدا قد فات والغنم في مراعيها لكن والمسعودي لايرى مشكلة فهو باقي حتى تعود الغنم من مرعاها في المساء ويتعشى منها
الجبرتي :
مرحبا بالصاحب اللي مثل براقاً يلوح = عهدنا به في زمان العام يوم البرق لاح
جيتنا بالقايلة ماجيتنا وقت الصبوح = الغنم أقفى لبنها والغدا من صبح راح


المسعودي :
البقا بالصاحب اللي حيث مايرزق طموح = نوب يرزق بالمطر ومرار يرزق الرياح
قوم شب النار تحت القدر حتى أنه يفوح = الغنم تسرح مع الراعي وتضوي في المراح


الجبرتي :
إن لزمك الليل عندي بذبح الكبش النطوح = بعد ما جاني صحيبي طاح رأس الكبش طاح
أنت ما يبري جروحك غير مبرين الجروح = والعلامة في جناح الصقر صفاق الجناح


المسعودي :
يا الله إنك تجعل المذبوح فدوة للذبوح = يمكن إن الكبش لاشافك يموت بلا سلاح
والدوا يبري جروحي وأنت جرحك ما يروح = كل ما يلمسك فيه الثوب لجيت الصياح


الجبرتي "
ما يسافر في سفينة نوح غير أصحاب نوح = سافرت بالليل مدري سافرت وقت الصباح
يا شباب العرب لابدك تعود للقروح = وإن نجحت العام أقيس ذا السنة مالك نجاح


المسعودي:
السفينةشالت الصالح على وسق السطوح = وأنت لو قلنا تبا تصلح متى عاد الصلاح
وإن بغيت السمن ما تلقاه في بيت الشحوح = والرخامة ما تجيك من الرياجيل الفلاح
ــــــــــــــــــــــــــــــ ــــــــــــــــــــــــــــــ ـــــــــــــــــــــــــــــ

الــــــجــــــبــــــرتــــــ ـي
الا ياذيب كثرت العوا يالذيـب سرحانـي=بلاك الجوع والا ابك الظما ياذيب غرغرها
ترى مالك عشا فاطرافنا ياذيـب نجرانـي=فرجها الله لياحكـت خنافرهـا بظافرهـا

الــــــمــــــســــــعــــــو دي
تراني جيت ابا اعدي وانتبه للذيب سمحاني=وابا افقع بطنك الليلـه لكنـك لاتدورهـا
واش اللي جابكم في ديرتي في جوف حيّاني=سواير في ديركم فـي ديرنـا لاتسيرهـا

الــــــجــــــبــــــرتــــــ ـي
ياعبـدالله عشاكـم دوّره عنـد السليمانـي=وانا ماني معلمكم بصنعه وانـت خابرهـا
انا عدّك ولد جدّك واقـرر كـل ميزانـي=ليا خفـت موازينـك موازينـي تقررهـا

الــــــمــــــســــــعــــــو دي
انا ماني مخلي عندهم لـو ربـع ديوانـي=ابا اثني جمال الضلـع واقطـع حناجرهـا
وانا مبغاك تخبرني بصدقانـي وعدوانـي=ولو انك ولـد جـدي عيونـي ماتعورهـا

الــــــجــــــبــــــرتــــــ ـي
اماريكم واباريكم وانا ريـض وعجلانـي=ولاطنقرت فالاعلام جالك مـن يطنقرهـا
اشوف الدم سايل والحس السكيـن بلسانـي=ليا وقعت فالميـدان طيـري ياعصافرهـا
الــــــمــــــســــــعــــــو دي
بغيتك يالجبرتي تكسر العضله على شانـي=لكنك ماتبتل حال حتـى انـك تشاورهـا
وصنعا يالجبرتي مايجيها غيـر صنعانـي=ديارٍ مختلـف طاروقهـا دارت دوايرهـا

الــــــجــــــبــــــرتــــــ ـي
اشاورها واحاورها على دالـول رحمانـي=وانا من ربعةٍ مستنصره والرب ناصرهـا
جناحيني طوال ولاتنوشك روس جنحانـي=لكن انته تسلّـف دونهـا منتـه مدّورهـا

الــــــمــــــســــــعــــــو دي
انا مكسر جناح الصقر كان الصقر عشاني=ولن شفتـه بياكلنـي جناحينـه بكسرهـا
تعوذ من بليس اللي تقوله وانـت شيطانـي=تصوب غافليـن النـاس بالغـام تفجّرهـا






توقيع الطائر المهاجر
 
  رد مع اقتباس
قديم 25-10-2007, 01:17 PM   رقم المشاركة : 6
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محمد الجبرتي السلمي


وقال محمد الجبرتي لولده عبد الله :

وش عاد باقي ياعبد الله تهيض هات الأمثال =شريت لك الموتر اللي ماشراه ابوي ليه
أنا اشهد اني ربيتك لين صرت اليوم رجال =واليوم صرتوا رجال ولا لكم شرهه عليه

الرد من ولده عبد الله :

الله يخليك ليه ثم أرد اريال بريال =لو كان ماني بمحصي كل ماسويت فيه
وأنته شريته لنفسك ولى انا ماغير جمال =بالصبح اوديك مكة والعصر يم الضبية
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــ


مع مبروك ابو ناب
قال الجبرتي :

الخط ميل مع ديار سليم يوم الحظ قام =واليوم ديرة حرب يامبروك يعوي ذيبها
لا كن تعالوا عندنا ياصاحبي وابنو خيام =بس الحجر والطوب والأسمنت لا تبني بها

الرد من مبروك أبو ناب :

حنا كسبنا الأولات اللي لها ستين عام =تدري بها ولى ليا ذا الحين ماتدري بها
والخط ماهو خطكم تخطيط مرحوم العظام =واليوم تمشي به على خبث الدروب وطيبها
ــــــــــــــــــــــــــــــ ــــــــــــــــــــــــــــــ ــــــــــ


مع ابو بكر الحضرمي
الجبرتي :

أخرجي يالخارجية وادخلي يالداخلية =يالبناخي لايجيك الخوف من بطن الأماني
كل مارحتوا وجيتوا قلت أنا ولد أسلمية =روح يازعزوع دور لك بعد زعزوع ثاني

الرد من بكر الحضرمي :

مانقول الا الكلام اللي على تقوى ونية =واحليلك واحليلك يالعميل الشقلباني
أن جحدتونا حجدناكم وذمتنا برية=حقنا ماضاع مابين العرب والترجماني






توقيع الطائر المهاجر
 
  رد مع اقتباس
قديم 25-10-2007, 01:30 PM   رقم المشاركة : 7
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محمد الجبرتي السلمي


محاورته مع هليل السيالي الجهني

هليل الجهني

سلام الله سلام انشا علي روس الجبال خيال = وكأن الله قسم سيله عليكم يحتمي جاله
نظرناكم عرفناكم عرفنا اللي لكم في البــال = ولاهو كل واحد جاته الدنيا علي باله


محمد الجبرتي

هلا يامرحبا ترحيبة الرجال بالرجـــــال = لكن الناس لا تدخل ما بيت العود وعياله
عرفتونا وجيناكم نبا من كيفكم فنجـــــــال = لكن الكيف يهل الكيف من حمسه وعداله


هليل الجهني
عسى فيك البقا ياشاعر تضرب به الامثال =وابشرك بخوي يرضيك إذا ما سيق فنجالة
خلقنا الله وصورنا وخلا للثقال جــــمال = جمال تشد عضله واحد الله عالم بحاله



الجبرتي
حضرنا وانتصرنا فالفرح والله لها حلال = وانا عيني تراعي مشلح الرجال وعقاله
ولاكن الليله المعنى سواة اهلال فوق اهلال =هلال في السماء وهلال بين الشمس وخياله

هليل
الا يالله طلبتك يامبدل حال بعد أحـــــوال= محمد جابه الله لي من دون اتعـــنى له
نسد العشر بالعشرة وبدل بالريال ريال= ليا من أمتلي الجدول نسوي جدول بداله

الجبرتي
اذا مات الجمل ياصاحبي وش حالة الجمال= لاكن الي يبي يقدر علي حمل الجمل شاله
ابأخذ منكم الطيب وبترك منكم البــــــطال = وشغلك ياهليل يخرب الصندوق وقفاله






توقيع الطائر المهاجر
 
  رد مع اقتباس
قديم 25-10-2007, 02:42 PM   رقم المشاركة : 8
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محمد الجبرتي السلمي


محاورة جرت بين الجبرتي رحمة الله والشاعر بكر بن زعزوع الحضرمي ولد اخت الجبرتي

الجبرتي

سلام الله برديه يابكر بناخي السلمان=بثني بالسلام اثني على حضرة بناخينا
ذكرت انك تدورني وتنشد عني العربان=بعد دورتنا جيناك وانته مانت شانينا

بكر
هلا يامرحبا باللي لفا في ساعة الرحمن =تراحيب الوفا باللي نهار اليوم لافينا
انا لو جيت ادوركم وجوب ادور الخيلان= وهذا طبعنا ننشد عن الحصه وعانينا

الجبرتي
لزوم انك تجينا في ديرنا والديار امان= تجينا ياعميل الخير في سرة مشاحينا
ديار سليم فيها معسريه كلها ضلعان = ولايصلح لها الا جيش والا ناس ماشينا

بكر

انا في واجبي ما قول متواني ولا تعبان =واذا جالك لزوم وشفت وان الحق واطينا
ديركم ماعضتنا من قديم الوقت لا ذلوان=نجيكم فالسهل والا على روس الضلاعينا

الجبرتي

اظنك يابن اخي ماتوافقنا على ماكان = وحنا يابكر ماناكل الا من مواشينا
ترى ماعندنا غير اللبن والتمر والقرصان = وحنا نعطي الخطّار والخلاق يعطينا

بكر

انا حضري مع الحضران وبدوي مع البدوان=على وضح النقا واللي يجزيكم يجزينا
وانا ماني من اللي ياخوالي يشمت العربان =لا ابغى حال يعظيكم ولا ابغى حال يعظينا






توقيع الطائر المهاجر
 
  رد مع اقتباس
قديم 25-10-2007, 02:48 PM   رقم المشاركة : 9
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محمد الجبرتي السلمي


يقولون ان الجبرتي الله يرحمه جاء في ملعبه عند قبيلة عتيبه وعازمينه فيها العتبان
وعلى فكره كانت المحاورات قديم على وقت الجبرتي
الشاعر لازم أنه يسري الشاعر اللي قدامه .....ماهو بمثل هالحين
المهم انه الله يرحمه أخذ بأبن هذال كم قاف وأوقاتها ابن هذال كان في بدايته الشعريه
وكلكم تعرفون ان الشاعر يوم يبدا خاصه في شعر المحاوره يبيله وقت من شان يثبت وجوده مع الشعار الثانيين
عاد الجبرتي كان شاعر كبير محدن يقابله ا لا ويسريه الجبرتي
المهم هو لعب مع ابن هذال كم قاف وكن ابن هذال ما جاراه في القصيد ولا خصمه ولا رد عليه ردن زين
وكانت العزومه عند ربع خلف ، يومنه طول الليل قاموا ربع خلف على شاييبن كان فالحفله حاضر من ربعهم وقالوا له تكفى قوم وسر الجبرتي
تراه عثا بأبن هذال وعيا الشايب يقوم
حاولوه وحاولوه وعيا وقال والله لو أنه شاعر غير أبن شريف لقوم له
بس الجبرتي ما ني بوياه.
المهم ان الجبرتي أنتبه للي حصل ورد فالموقف ذا البيتين ولاحدن خصمها .....

عتيبه ودها حتى العجوز اللي على مركاع=بغوها تلعب الكوره وعيت تلعب الكوره
بوديكم لديره بأهلها يفهم الرضاع=تحصل ورعها دكتور وأم الورع دكتوره






توقيع الطائر المهاجر
 
  رد مع اقتباس
قديم 25-10-2007, 03:39 PM   رقم المشاركة : 10
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محمد الجبرتي السلمي


محاورته مع صياف

الجبرتي:

والله أني نصحتك وأنت أبيت،والنصيحة من اوّّل تشترى"="شبّت النار في راس الحمار،كل حجّه على عنوانها
يوم كبّيت علمي وش لقيت،غير تلصق ملاصيق الغرا"="ماتعرف اليمين من اليسار،كل حجه على عنوانها
صياف:
أنت تنسى وتغلط مادريت،تدري اذنك وقلبك مادرى"="روح برّا يالعّاب القمار،كل حجه على عنوانها
الجبرتي:
أبني البيت وأنت تهد بيت،رحت قدام وتعود ورا"="أنت قبّه لكنك ماتزار،كل حجه على عنوانها
يوم أنوشك تروّح واشتكيت،ليه يا ابا الحصين الأزهرا"="حيّةٍ داخله في بطن غار،كل حجه على عنوانها
صياف:
حملوكم على ظهر الونيت،وحرموكم حليب الفطّرا"="وانتبه للبلاجيك القصار،كل حجه على عنوانها
لاشريت السلاح ولا رميت،رحت تايه ومقطوع العرا"="قمت تبرم على شبك المطار،كل حجه على عنوانها
الجبرتي:
مستحي منك وانته ماستحيت،طبعكم ياكبير الخنفرا"="فرفري فالخلا يا أم الصغار،كل حجه على عنوانها
يابعيري سرحت ولا ضويت،شالك الأحمرا والأسمرا"="تمسي ديار وتصبّح ديار،كل حجه على عنوانها
صياف:
جيت واخذت قسمي وانتهيت،وأنت حادر وخطك حدّرا"="ماتعرف البياض من السمار،كل حجه على عنوانها
انت يالعود نايم ماصحيت لين جتك الدعايم من كرا=يوم شفنا على راسك غبار كل حجه على عنوانها
ــــــــــــــــــــــــــــــ ــــــــــــــــــــــــــ
محاورة اخرى بينهما

الجبرتي
سلام الله سلام ذا السنه ماهو سلام العام=سلام العام راح العام بين هناك وهنيه
انا اشوف المعارض واقفه والزين ماينسام=سمعت اهل المعارض يشتكون من الشريطيه
صياف
هلا يامرحبا ترحيبة ترحيبها قدام=لو ان قلوبكم ماتت عصر واعيونكم حيه
كثير الناس يمشي في الطريق وحفرته قدام=ولا يدري عن الحسنه ولا يدري عن السيه
الجبرتي
انا باغيك ياصياف لو انك بغير خطام=لكن ازحف وراك ولا تمش ايديك بيديه
اعرف الحبحب الفاوي واعرف الخربز الشمام=وابو خداش مشتالك معه دفعات روسيه
صياف
تبا المطلاع راس الريع ليت الله عطاك عظام=نشيلك فوق راس الضلع بين الشمس والفيه
اشوف الناس تعطيك العمامه وانت ابو عرام=وابو عرام مايرتاح لين يحط طاقيه
الجبرتي
دخيلك لا تخرب في بلدنا يافهد بلام=تخرب فالبلد وانته عليك صكوك شرعيه
يقولون العرب ما تلبس الا وارد البسام=تبيع وتشتري فالسوق هنديه ومصريه
ــــــــــــــــــــــــــــــ ـــــــــــــــــــــــــــ

محاوره قديمه تدور بين الشاعرين,يلمح فيها الجبرتي الى مشكله قديمه بين قبيله حرب وقبيله اخرى حول ارض بينهما ,لكن صياف يطلب منه ترك هذا الموضوع ويذكره بقصه بين قبيلتيهما, وذلك من باب استغلال شعراء الرد لاي موضوع تدور حوله المحاوره:بين صياف الحربي و محمد بن شريف الجبرتي
صياف مرحبا مرحبا بالطرقي المرسل=لو رد الرساله قبل نقراها
السيوف تبعت سيف الله المسلول=كل ما حدها روح وخلاها

الجبرتي جيت ابلعب معك فالليل عرض وطول=كل ديره نبا نرعى بمرعاها
مادريت ان وادي مدركه منزول=والبوابير ترسي حيث مرساها

صياف لاتحرك وساقك بالحبل معقول=موت في ديره ما ينشرب ماها
مابقى في يد الفوال غير الفول=والعصا اللي مع الطلمه تعصاها

الجبرتي ليت وانك تورد حبلك المنقول=يوم شبيت نارك والله اطفاها
طفت الكهربه والعسكري معزول=ماتت امك وابوكم ماترضاها

صياف انت شايب وهرجك عندنا مقبول=اخذ عادتك منا قبل تنساها
حبكم حبكم ياهل البلد مكيول=مير خزنه عكاشه وين وداها

الجبرتي انته مانته من اللي فالبلد مسئول=كلما صبحت حمله تلقاها
قدمك الحفره اللي حطها زهلول=مير تصبح بها والا تمساها


صياف انزل السوق واحلق راسك المبلول=وام الاجواد دورها وتلقاها
والله انا نقضنا حبلك المفتول=مار روح بعصال اللي تعصاها


الجبرتي انت رجال مدري ورع فالهندول=يرضع ويبكي ليش بكاها
انت مجهول من يدري عن المجهول=بقشه باينت فالسوق واخفاها

ــــــــــــــــــــــــــــــ ــــــــــــــــــــــــــــــ ــــــــــــــــــــــــــ

وايضا

الجبرتي:

قوم يا صياف قود العلم باحسان وبصيره =كان ما تقدر تقود العلم لله الكمالي
يا عسى في الامر خيره ويا عسى في الامر خيره =لنت اخوي ولنت ابوي ولنته الضلع الموالي

صياف:
كيف تزهمني وانا رجال ما اعرف السريره =يوم جيتوا ستة وخمسين احاربكم لحالي
انت عود كل ما جاء الصبح تحرك لك مضيره =لين خربت السنون اللي مثل ضو الهلالي

الجبرتي
لاتكبرها وتصبح ناقه الطرقي صغيره=لاتسوي علم ماجبته وتنقدك الرجالي
انت خابرني واناخابرك ورجال العشيره=لواداوي كلوه المرضان ينقضها الطحالي

صياف
تعرف شروط الصغيره واعرف شروط الكبيره=وانته الليله يبا يغشاك سيل بلا خيالي
هبت الحايه عليكم وانقفل باب الحظيره=من هو اللي يقدر النقزه ورجلينه طوالي

الجبرتي
كان سيلك ماوراه خيال ياسيرتك سيره=الندى ماينبت المرعى ولا يشبع حلالي
العرب تعرف طيور البر وطيور الجزيره=وانته لاعنتر ولنته مثل ابو زيد الهلالي

صياف
انت ماتحمل خيال ولاتكلفنا ذخيره =انته من هاك الشايبه لارخيص ولنت غالي
لن تقابلنا ورا مكه فالايام القصيره=الك براد حلا برا ولك براد حالي

الجبرتي
كل ماخليت لي بخيال ضيعت البصيره=يالله انك لاتضيع مكسبي مع راس مالي
ــــــــــــــــــــــــــــــ ــــــــــــــــــــــــــــــ ـــــــــــــــــــــــــ

وايضا

صياف
كريم يابرق سرا واخر المشوار معروف =وليا انتهى المشوار تطري على قلبي طواري
مادام يبقى في مواقيفنا شعار وصفوف=لو قالو العربان هيا السرا مانيب ساري

الجبرتي
الليله الحايه تهز الذرا والبيت معصوف=انا مداري مير اشوف الولد ماهو مداري
الليله الحربي يحب الفرح ضايف ومضيوف =وعلوم ضاري يوم تطري علي علوم ضاري

صياف
شريت لي دربيل ادربل وعيا يبعد الشوف=وليانظرنا فالشجر مانشوف الا القماري
عز الله انك ذيك الايام مانته رجل ملقوف=لكن غيرك الكبر والكبر جت مواري

الجبرتي
حنا سرينا بالجمل والجمل حاشي ومردوف=والدرب يا صياف ماهو على ظهر الكباري
عز الله انك صقر ولكن منك الريش منتوف=والصقر جاله صقر يهجم على روس الحباري

صياف
بعيركم مافوقه الا سنام وظهر وكتوف=تحمله وتميله للبلد ويجيك عاري
الله يبارك فالمنيحه ويسترها من الصوف=ماعاد نحزم فوقها لا سيوف ولا شباري
ــــــــــــــــــــــــــــــ ـــــــــــــــــــــــــــــ
ومن محاورة اخرى
يقول صياف
ياحبني للرجال اللي تعرف المذهب الزين=والمذهب الزين اخير من اللجاجه والصياحي
ياخاتمت خير للشياب في وزن الموازين=الكلمه المستخفه مالهم فيها صلاحي


فرد عليه الجبرتي
حنا مانشناك لين انك لمست الخشم والعين=والي يقود السبب يصبر على زرق الرماحي
انته ليا جبت لك مترين تاخذ فيه مترين=واللي بلغ عمرها ستين ماتطلب نكاحي






توقيع الطائر المهاجر
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 6 ( الأعضاء 0 والزوار 6)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
بني خالد الطائر المهاجر القبائل بلدانها وشعرائها 46 24-08-2020 02:01 PM
سلسلة بعض الأحداث الطائر المهاجر تاريخ وآثار 15 16-12-2010 06:50 AM
(لا تتركيني)القصة كاملة مدموجه ذيب السنافي منتدى الشعر والخواطر بالفصيح 40 10-01-2009 10:32 PM
اخبار الرياضة محلياً الصقر الرياضه والشباب 71 28-02-2006 09:39 PM


الساعة الآن 04:17 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة