هب النسيم اغنية والقاء

[الطائر المهاجر]

اغنية الفنان فهد


القاء

هبّ النسيم وجاوبه في الوادي= ريمٍ تنادي الزين كالدرّيّه
من نورها اشرق نور للزهادي= تاهوا بليل الحب واخطوا ضيّه
ماني على درب الهوى معتادي= حتى وقعت بصيدة الحوريّه
ياعيونها كفّي ولا تصطادي= ياثغرها ياخدودها الورديّه
وش حيلة اللي خافقه بارعادي= ماعاد يدري الليل والفجريّه
حنّي عليه وشددي الاصفادي= وحطّيه في قلبك يعيش بفيّه
في مدرسة حبك يبي الإعدادي= اعطيه درس الرسم والفنيّه
ما يفتهم بالجبر والأعدادي = يحسب ولا عمره وصل للميّه
واحد: وانا اعشق ملة الآحادي= اموحّدٍ ربٍّ بلا ذريّه
واثنين: ماني بالهوى انقادي= الا معك يالمهرة النجديّه
والثالث: انتي سيدة الأسيادي= والحب لك وحدك بلا نديّه
والرابع: إنّ الحب في الاجوادي= وبين الخلايق ظاهره صحيّه
والخامس: افوادي به الوقادي= جيتك انا كلّي ابي حنيّه
قلبٍ بليّا حب ظنّي غادي = ماعاش بالدنيا ولا له نيّه

[الأموره]

المهآجر ،،

في كل مرور أكرر نفس الكلآم

لكـن قلي مآذا عسآي أن أفعل

إن كآنت كل قصاائدك تعجبني ؟؟

تبآرك الرحمن

هطووول رائع للغايه بروعة صاحبه

صح لسانك ملايين

سلمت و سلم فكرك

الف شكر لك

دمت برعاية الخالق

[نفحات حساسة]

صح الله لسان ملالالايين ولا هنت
يعطيك العافيه..تحياتى

[الطائر المهاجر]

شكرا الأموره
على كريم المتابعه
لاهنتي
اطيب التحيه

[الطائر المهاجر]

شكرا نفحات
على كريم المتابعه
لاهنتي
اطيب التحيه

[داعي الشوق]

صح لساانك ودام ابداعك
اطربتنا

[منيع]

اكثر من رائعة تسلم ياقيس
شكرا لك
تحياتي