علموهـ ((نصيحه لكل مستشعر))

[مشعل التريباني]

بسم الله الرحمن الرحيم

الشاعر\ مشعل عسّام التريباني الشمري

((علّموه )) نصيحه للمستشعرين))

شاعـــــرٍ مايكتب الجزل لايكتب هزيل (1) علّموه ان الخثاريق من عيب الرجــــــــال

وعلّموه ان المـبدّى مــن الشعر الجزيـل (2) وعلّموه ان البشر مايطيقـــــون الهــــــزال

وعلّموه انه بالاشـــــــعار مايمدح هبيـل (3) وعلّموه المدح ياتي على قدر الفعـــــــــــال

الرجل مقياســــه الدين والهرج الجميــل (4) واتّزان العقل والثقل وايضا الاعتـــــــــدال

والكرم هو والشجاعه الــــى هاب الذليـل (5) والرضا بالي عطاه الجليل من الحـــــــلال

واعتزاله لاكل الاعراض من قولٍ وقيـل (6) ولايحلل شي بالدين ماجاله مجــــــــــــــال

كان يبـــــــي المدح هذا طريقه لايعيـــل (7) اشرحوله يقتدي في كريمين السبــــــــــــال

والقصـــــيد امرٍ ثنائــــــــي ولايزوّد قليل (8) ولاينقّص طيّب الساس نسج من الخيــــــال

القصـــــــيد انكان ماجا من الوزن الثقيـل (9) وش يبي به كان مايجمّله عند الرجـــــــــال

انتبه لو صفّقولك قليلـــــين الحصــــيــــل (10) اعرف انه بالدهاويــل مايرفا الخمـــــــال

واعرف انه للمخالـــيق مايربح عمــــيـل (11) كل ماتكتب بالاقــــــــــــلام لابدّه يقــــــال

والاوادم تعشـــق الخبث وافهم يالاصــيل (12) لايقال ان الشجر ماسكن فيه الخبــــــــــال

شــــوف طلع الدوم ماهو يقارن بالنخيــل (13) وشوف مي البحر ماهو شبيهٍ للـــــــــزلال

والصباخــــي دايمٍ جدب حتـى لو تســـيـل (14) لويعلّه صادق الوسم بالسحب الثقـــــــــال

مـــــــن كثــــير الهذر قلل ويكفــيك القليـل (15) واعرف ان بكثرت الهرج نقصٍ بالكمـال

مايقارن بعـــض الانجم على النجم الدليــل (16) لو تغيب نجوم نجم الشمالي لايـــــــــزال

ولو تحاول تدرس الشعــر شـــيٍ مستحيـل (17) موهبه من خالق الكون درسه مستحــــال

انصحك فـــــي روس الاقلام ماودّي نطيل (18) اعرف ان الكثر بالهرج من قبح الخصال

[الطائر المهاجر]

وعلّموه انه بالاشـــــــعار مايمدح هبيـل (3) وعلّموه المدح ياتي على قدر الفعـــــــــــال

الرجل مقياســــه الدين والهرج الجميــل (4) واتّزان العقل والثقل وايضا الاعتـــــــــدال

صح لسانك
ولاهان راسك
شاعر اجتماعي من الطراز الأول
لاهنت
تحياتي

[مشعل التريباني]

الطائر المهاجر
مرورك يشرفني وشهادتك اعتزبها الله لايهينك

[الطامي]

التريباني
صح السانك ملايين
ابداع مميز
لاهنت اخي

[بنت النور]

صح السانك
وصح قلبك
ابداع في ابداع
شكرا لك

[منيع]

جزل ورائع وحكيم
شكرا لك
تحياتي

[مشعل التريباني]

الطامي
بنت النور
منيع
شكرالكم على المرور والاطرى الله لايهينكم جميعا

[هترل]

صح لسانك اخوي مشعل واعتلا شانك
ابدعت وامتعت لاهنت


تحياتي وتقديري

[داعي الشوق]

الله الله يا مشعل

ابداع جزل و معنى وافي

تحاكي واقع و حاله نشاهدها كثيرا

لله دررك

وطاب حالك ولاهنت

[ابراهيم غضيان الشراري]

صح الله لسانك يامشعل.

صدقت والله بكل حرف من حروف هذه الرائعة.

تحياتي وتقديري.