عزّ القلم ياصاحبي والكتابه

[مجدي صالح المبارك]

في البدايه أتقدم لكم أخواني وأخواتي في هذا الصرح الراقي بالاعتذار لفترة انقطاعي عنكم والتي اشتقت خلالها لملامسة نقاء حرفكم و صفاء روحكم وأضع بينكم هذه القصيدة المتواضعة على أمل أن تحوز على جزء من استحسانكم

عـزّ القلـم ياصاحبـي والكتابـه=وتعبت ادوّر في دجى همّي (ا) متون
ما في زمان المهزلـه مـن غرابـه=الذيب طايح و ازرق الناب فرعون
كنّ البشر ياصاحبي وسـط غابـه=إن مانهشت (ا)لحومهم هم ينهشون
مات الوفا والزيف ينعـق غُرابـه=في أرض مزروعه على كف طاعون
لاعاد تنصي لك خـويّ وقرابـه=دنيا القوي فيها طمس كل قانـون
وانا خفوقي كل م/ انعـي سرابـه=هلّ الوله من محجر الشمس بشجون
علـى عشيـرٍ سمّنـي فـي غيابـه=أقفى وخلّى صدر الايـام مطعـون
أشتاق له شوق الهجير (ا)لسحابـه=أرخت ستايرها على كاهل الكـون
و احنّ له كثر الجـوى واحتطابـه=بقلوب هدّتها تناهيـد و شطـون
ياما و ياما احلامنـا عنـد بابـه=نامت يدفّيها الهوى (ا)بعز كانـون
إن غبت عنّه يوم يشكـي عذابـه=وبات السهر في معقل الموق مسجون
واذا قميص الصبـح شقّـق ثيابـه=جاني على متن الوله كلّه (ا)عيـون
الله يا وقـتٍ مضـى فـي جنابـه=كان الغظي ليلى وانا كنت مجنـون
مجنون في حبّـه و ميّـت صبابـه=خافي شعوري خايف الناس يدرون
واليوم فرقنا الزمـن ب/ انقلابـه=وصار الحزن منفى هويات من دون
إذا كتمـت الجـرح زاد التهابـه=و اليا شكيتـه قالـوا الله بالعـون
ماظنّ يشفينـا الشعـر والكتابـه=طاح القلم ياصاحبي و جفّت النون

[الطائر المهاجر]

صح لسانك وقلبك
وضميرك الحي
ولا هان لسان
جزلة من جزل
وشاعر مبدع
تحياتي الطيبة

[عبدالعزيز ابراهيم المنصور]

مجدي صالح المبارك
لافض فوك على هذا النص
نص رائع وكلمات في قمة الجمال
سلمت ولاهنت
دمت بخير

[منيع]

ياسلام عليك
ابداع وتميز
شكرا لك ولحرفك الراقي المتجدد
تحياتي

[سعيد الصاعدي]

الاخ الفاضل / مجدي صالح المبارك
صح لسانك لاهنت
نص شعري راقي
من شاعر جزل
تسلم ويسلم فكرك يالغالي
تحياتي
أخــــوك
س / ص

[عبدالرحمن بن زهير]

ابوصالح عودا حميدا وياهلا ويامسهلا ابيات في في قمة الجمال والجزاله صح لسانك ولاهنت...تحياتي

[عمر ال شيبي]

سلمت لا هنت جزله من جزل

صح لسانك ملايين

[حوريه]

الشاعر مجدي00
نص عانق السماء بروعته
صح لسانك ملايييييييييييييين
دمت ودام عزك
..

[عايض المقاطي]

صح لساانك .. مدد



..

مروري

[أم ريما]

صح لسانك

يعطيك العافيه على هالقصيده الرائعه

ابدعت

تقبل تحياتي