لعن ابو الدولار دارت به دواير( مساجلة)

[منيع]

مساجلة في الازمة الماليه العالمية واللي يرد بالحرف الاخير

لعن ابوالدولاردارت به دواير=طايحٍ سوقه ولاحنا زاهدينه
الله يستر كان مانقضب عواير=وضعنا مزري وناسه اثقال طينه

[الطائر المهاجر]

لعبة الموساد في هد العماير= وبعدها الدولار واللي كانزينه
حاكمين الكون ماله والذخاير= والمصالح نهجهم ياعارفينه

[منيع]

هذا من هذا ولافيها بشاير=ازمة تنذر بعجاف السنينه
ابلشونا ولاعليهم من خساير=والعجب بترولنايامصدرينه

[الطائر المهاجر]

حيهم ذولا ترى صاحي الضماير= منهج التوراة فعلاً تابعينه
ماهم اللي مثلنا صاروا شذاير= كل واحد مالقى اخ يعينه

[محمد عبدالله البدراني]

صحت الالسن ولاهنتم


ياسلاااااااااااااااااااااام


تحياتي

[الطامي]

منيع
الطائر
على قولة الهنود هههههههههههههههههههههه
بووووووووووووووت شكريا
يعني شكرا لكما
وصح السنتكما
لاهنتو

[ام العمده]

ياسلام

صحت الالسنه

تحياتي

[حوريه]

صحت السنتكم يالفطاحله

لا خلا ولا عدم

[رفيعة الشان]

الله عليـــكم

فاهمين في ذا الاموور

صح الله السنتكم

[حي الضمير]

امتعتونا يامميزين
وصح السنتكم