حـبـــــــــل الـفـقــــــــــــــر

[أبو خطاب]

المشاركة الأصلية كتبت بواسطة سعود القت

واعيني اللي تمد الشـوف وتـرده = عن حاجتن لي ولدري كيف احققها
الشوح مرهي وطرق العسر ممتـده = والضيق لح الامانـي ليـن فرقهـا
هابت صدور السعه من مقطع الشده = وازرت صدور السعادة لا تعانقهـا
عين الطموحات مرموده ومنسـده = وعين الأمل حر دمع الصبر حرقها
ومحيط الاحلام موجه كاسـرٍ حـده = غشا وجيه الشبوح الشهب واغرقها
والوقت ضرفه كفوفه مدميـه نـده = وقيـاد جيشـه مركـزةٍ بيارقهـا
وطير السعد محتدم ومحزب الهـده = وايامه العوب ترهق من يسابقهـا
كم طامع بجد غرسٍ فد مـا جـده = واونس على ضلعته مسة مطارقها
مايامن دخيلها مـن بوقـة السـده = كل المخاليق تشكي مـن بوايقهـا
والصاحب اللي نماري فيه ونعـده = الفرصـه الطيبـه عيـا يوافقهـا
طارت علومه مطير مـدور الكـده = لا جاء لزومٍ وحبل الفقـر خانقهـا
ودي بعـلـمٍ وهــو وده ولا وده = وشمس النوايا تشع بعين عاشقهـا
زمت نياشين فزعاتـه عـن البـده = وهفت كبار الهقاوي من ترقرقهـا
وايامنـا نسـس البنيـان وتهـده = ولوضاقت صدورماهـو مضايقهـا
هقواتنا في وجيه الخـوف مشتـده = عقـارب ايامهـا تسبـق دقايقهـا
تسن حد الصبـر للضيـق وتحـده = والضرف يسحب ردونه لين يرهقها
كم فزعةٍ تقفل الموضـوع وتلـده = فزعة غصيبـه ولا ربـك موفقهـا
والناس للناس محتاجـه ومحتـده = ولا مغتني عن عباده غير خالقهـا
ولا يفرق الناس مبيضه ومسـودة = ياكـود محتاجهـا والا مرافقـهـا
والرجل ما يونس الميلات من ضده = الموت ربعه ليـا ثـارت بنادقهـا

صح لـــسانك

[ابومياس]

اهلا وسهلا بالشعر وراعيه


نص راقي ومعاني جزله

استمتعت بمروري من هنا ومصافحة هذا النص


الفاخر

صح لسانك وبيض الله وجهك


تحياتي لك

دمت بخير

[سعود القت]

المشاركة الأصلية كتبت بواسطة محمد السفري

أبو سعد


سعود القت


أحيانا أجد نفسي مللت الشعر بالإجمال


كثرة المهايطية وخلو النصوص من الشعر تجعل نظرتي سوداوية لمستقبل الشعر


ولكن عندما أقرأ هكذا نصوص تجدني أعيد حساباتي في الشعر وللشعر

فالشعر لا زال بخير طالما أننا نقرأ مثل هذه النصوص الغارقة في كل ما هو شعر

صور أخيلة تشبيه

مجمل القول وزبدته

خيال واسع في هذا النص أعاد الشعر بالنسبة لذوقي المتواضع

استأذنك في إحالة النص للمفضلة تمهيدا للحفظ


تقبل تحية
السفري

اخوي العزيز
يشهد الله اني اذا ارضيت شرواك انه اخر طموحي\
صح بدنك
ولاهنت تقبل التحيه

[سناعيس]

شاعرنا الفذ سعود القت
صح لسانك
وبيض الله وجهك على هذه الرائعه
ولله درك

تحياتي

الجزالة وقوة المعنى واضحة في جميع نصوصك الشعرية يأخ سعود، وفقك الله.

[سعود القت]

المشاركة الأصلية كتبت بواسطة داعي الشوق

صح لسانك يالشاعر سعود
و يا سلام عليك

دائما الابداع يتمازج معك

تسلم يالغالي وصح لسانك

مع التحية لك ،،،

اخوي
صح بدنك ولاهنت
اقبل التحيه

[الصريح العتيبي]

الاخ/سعود

صح لسانك واعتلى شانك
جزله من شاعر جزل
وكل عام وانت بخير

[الطائر المهاجر]

جزاله من راس جزل
صح لسانك
ولاهنت
تحيتي واحترامي

[حوريه]

كلمات رائعه ,,,ومعانى قمه

فى الرقى و الجمال

دمت و لا هنت

[صوت الإحساس]

صح لسانك مليون



صااادق الود