مساجلة التحدي بحرفين فأكثر ومن بدعك

[الطائر المهاجر]

قيلٍ وقال فرقت شمل الاحباب = ياليت قلب حب ما يعذلونه
ياناس خلوني فلااحتاج لعتاب = القلب لامن حب لاتسألونه

نـهـدي .. مـشـاعـرنـا .. ونـعـطـي .. بـلا حـــد

%%%% واللي .. يـبـيـنـا نحــتـويــه بـ .. مـســاويـــه

واللي يـبي .. يـجـزي وفـا الـ روح بـ الـ صـــد

%%%% دربــه خـضـــر .. مـا ظــن تـطـرب حـكـاويـــه

[نسناس الهوى]

يهبى قطيع النمل ياصلك ياذيب = ويخسى كسير العلم يوقدك شمعه
ون حق بالمضمون ماقلت في ريب = يخسى وجيه الحمر ياطون سمعه

[الطائر المهاجر]

يهل البيوك الحمر بالله قولوا لي= من وين اباصل لبيت اللي سكن بحري
لي مدة تايهٍ ماحدٍ لفى حولي = غريب في ديرته واشكي من السحري

عـهـد و .. وعــد .. مـن قـلـب مـا دق نـبـضــه

%%%% إلا .. بـ سـيـرة عـشـق .. أغـلى مـن الـ ذات

إني .. لـ أقــدِّم .. نــور عـيـنـي وبـعـضــــه

%%%% لـ .. رضـا ولـيـفٍ مـاعـرف زيـف أو هــات

عــذراً .. أسـاتـذتي ..

على .. الـ ( لخـبـطــه ) الـ غـيـر .. مـقـصــودة ..

اسـلـمــــوا ....

[الطائر المهاجر]

اتكل ياقلب لاتخشى النهايه = كل ماقدره ربك لزم صاير
إلا درب الحب واحفظها معايه = صار خطرٍ في زمن بيع الضماير

[ابو زياد]

يرتجف قلبي من الفرقى وانا=طول عمري عايش وضع الفراق
خافقي ماذاق يوم الا العنا=كن لحظات الفرح عنده سباق

[منيع]

اقول ولاعاد في النفس حاجات=تمضي ودولاب الدهرمافهقها
كل على رسله والايام عجلات=وكم واحد له معلقه مالعقها

[الطائر المهاجر]

قم يا نديمي واكتب الشعر طاروق = لابن منيع اللي على الجرح يبرى
اما لقيته في القصب عاقك العوق = فواصل ترى تلقاه ساكن بشقرا