المرأة المتسلطة وكيف تتصرف معها

[الطائر المهاجر]

جاني ودمعه على الخد يتبارا = باوّل شبابه بدا فيه المشيب
قال المـره حطمتني بقتـدارا = اصبحت قدامها ما نيب ذيب
ما عاد من نهي في بيتي يدارا = وما عاد لي أمر أو رأي صويب
ما همها غير عطنا بختصـارا = وان ما حصل شي تشني للغريب
وان ما لقيتها بداري والجـوارا = تقـول بالسوق أو بيت قـريب
تشك فيني مثل بعض الخكـارا = ونسيت منهو انا ، شي عجيب
وان جيت اوجه تحدتني جهارا = تقول منته كفو ، طبعك غريب
وان جيت اربي اتعذر للصغارا = كبروا عيـالي وكل فيه عيـب
وضعي جدار تحت ظله تـدارا = وفي داخل البيت يحرقني اللهيب
يا حيسفا تجحد اللي يوم صارا = تنسى فعالي ونا القـرم اللبيب
اخذتها بعد حب ما يجـارا = وضحّيت من أجلها باقرب قريب
قللي شسوي تراني بانهيـارا = اخـاف انا انجن من قبل المغيب
قلت الحقيقة تبيها ما تمـارا = جـاوب سؤالي ولو انه صعيب
اخـاف داشر مرافق للسكارا = او لك خويّات دايم لك نبيب
قال العفو عيب شكك فلحيارا = وشلون ابدشر ونا ماكـل غبيب
قلت السموحه لشكي باعتذارا = تبي لك دروس في طبع الحبيب
زوجتك مهره كما بعض العذارا = ممن تظن الرجل كبش حبيب
اعماك حبك ولاتدري المسارا = ولا بد من حـل ماغيـره يصيب
تغيب يومين والثالث تـوارا = وفي يـوم رابع يكلمها ذريب
يعطي خبر جملة فيها اختصارا= رجلك تجوز وخـاف انه رغيب
وفي يوم سادس تجيها بالنهارا= تشوف وجهك وتمشي كالغريب
وفي يوم سابع تجي ليل توارا= تحط راسك وظهـرك للحبيب
نفـذ بحزم لشهـرين تبـارا = وهات النتيجة عساها ما تخيب
من بعدها جا وفي كل افتخارا = وقام يتشكر مخططنا رهيـب

[أم ريما]

قال المـره حطمتنـي بقتـدارا
اصبحت قدامها ما نيـب ذيـب
ما عاد من نهي في بيتي يـدارا
وما عاد لي أمر أو رأي صويب


صح لسااااانك ... قصيده جميلها وفيها تصوير رائع لزوج مسكين يعاني من ظلم وقسوه الزوجه

والله ينرحم يعطيك العافيه يا شاعرنا العظيم


تحياتي لك

[ابو زياد]

والله وجبت الداء والدواء
صح لسانك يا مشرفنا
وبارك الله فيك

[ضاامية الود]

انا اشهد انه حرف ناقي يخيارا=حرفآ جزيل ولابه شك العذاريب

اخوي المشرف العام

صح لسانك وفكرك وحروف قلمك

على الرائعه

حياتي وتقديري لك

[مبارك أبوظهير]

صح لسانك .. وقواك الله



أبوعبدالله



وش بحر هالرائعه .؟؟؟


بكل امانه صعب .. وعفيه عليك حبكته



تحياتي وغلاااااااااااااااااي



مبارك .،،،،،،،،،،،،،،،،،ن

[نجم الإبداع]

والله خطه رهيبه

ابو عبدالله

صح لسانك وسلم فكرك
اجل يومين وتحصل اغلب البيوت مافيها رجال
بيهجوا اما نصيحه في مكانها

يسلم قلبك


تحياتي واحترامي

[الخنساء]

صح لسانك مشرفنا قصيدة رااائعة وهادفة
نصائح جدا مفيدة بس ماتناسب كل الحالات
سلمت و سلم حرفك وكلماتك
تحياتي وتقديري

[يزيد النمي]

صح لسانك يابو عبد الله صح لسانك

[سناعيس]

الطائر المهاجر

صح لسانك والله لايهينك
قصيده جزله وهادفه

تحياتي

[ابومياس]

مخططنا رهيب رهيب رهيب

يابوعبدالله

جبتها يالذيب

صح لسانك وعاش راسك



دمت بخير