ضحكتي ماعاد تسمع قهقهتها

[عطر الروح]

أسفه لأَنِّي نزلت قصيده جديده ولكني دخلت منتدى القصص
ولم أستطع أن أمسك نفسي من كتابة هذه القصيده
إقبلوها بما فيها من حزن

كنت أدور للسوالف كل ليله
كل همي بس قصه مفرحتها
كنت أدور سالفه جدا طويله
وأجمل اللحظات لا من ضحكتها
أحفظ القصه لأجل ذيك الجميله
وتدمع عيوني آليا من ونستها
وكل ليله نبحث لعين الكحيله
سالفه ولا قصيده معجبتها
وكنت أعبر عن شعوري للاصيله
وأكتب أبياتي وتسمع سالفتها
احفظ الابيات لو حفظي يبي له
لأجل ضحكتها بقلبي حافظتها
من وناستها نشوف بلا فتيله
دامها وسط المنازل ضاويتها
وقبل مده صارت أفراحي حويله
ضحكتي ماعاد تسمع قهقهتها
ماتت وكن العيون إبها مليله
كيف تضحك والعزيزة ودعتها
بعد ما راحت تشوف ألفين ميله
مال حالي يوم خرجت أمتعتها
جعل منزالك بجناتن ظليله
جنة الرحمن وانتي سيدتها
والله ان الحال وعيوني عليله
من يلوم الحال عقب مونستها
تسمعون فراق خلن من خليله؟
هو فراق الشاعره من والدتها

[منيع]

ياسلام عليك
ابداع متواصل
كل التحايا والتقدير لكم

[الطائر المهاجر]

الله يغفر لها ويرحمها ويجمعك بها في فردوسه الأعلا
صح لسانك
ولا هان راسك
تحياتي

[داعي الشوق]

الله يغفر لها ويرحمها ويصبركم على فراقها

وصح لساانك عطر الروح وعطر القصيد

جزاله وتصوير فائق الابداع

قصيده من يقراها يعايش احداثها ويتأثر بها

لك اسلوب خاص مع القصيد
لا يتقنه الا انتي ياعطر

.. قصيده متعبه لمن يريد مجاراتها

صح لسانك مدد ودام ابداعك

[عطر الروح]

المشاركة الأصلية كتبت بواسطة منيع

ياسلام عليك
ابداع متواصل
كل التحايا والتقدير لكم

الإبداع هو مرورك
أنت من يستحق التقدير 🌹

[ملكة الشرق]

الله يغفرلها ويرحمها
ويصبرك على فراقها
مبدعه يا عطر
صح لسانك يغاليه
مليون صح كلك

احترامي

[الطامي]

ابداع وصح السانك
هذا لاقالو قصيده قصصيه

رحم الله من فارقكم وأعانكم بالصبر والسلوان
شكرا لك

[ساهر الليل]

رحمها الله واسكنها جنات الخلوود وجمعكم بها في عليين

وصح لسانك وفكرك الراقي

تحياتي وودي

[بنت النور]

الله يغفر لها ويرحمها ويصبركم على فراقها
صح لسانك مدد ودام ابداعك
يعطيك العافيه لهذي الكلمات رغم حزنك فيه
وبنتظارجديدك بشوق
تقديري لكِ

[هترل]

تسمعون فراق خلن من خليله؟
هو فراق الشاعره من والدتها

الله يغفر لها ويرحمها ويسكنها الجنه ويلهمكم الصبر والسلوان
نص راقي ومعبر وأسلوب جميل وسلس العباره
عطر الروح صح لسانك وفكرك ودام ابداعك
تحياتي