ردوا على الحافي سلامي وصنداح

[صنداح الزلامى]

فلاح لاتاقف على سكت الريل===ويضيع راس المال وتضيع الارباح

[نجم الإبداع]

يامرحبا جعل الليالي تساهيل=لحضوركم نكهه تقل عطر فواح
صنداح ياصنداح واثرك دريويل = ماتبصر التحويله شوف الكفر طاح

[صنداح الزلامى]

دام القاء يالطيبن المشاكيل== وبالصاحب اللي للتماثيل نقاح

اظلم عليك الليل ياساري الليل== وقامت تصافق بك عواصيف وارياح

[نجم الإبداع]

ياسارين بالليل من غير دربيل=حاسب ترى بالدرب طبه وطباح
يابحر موجك كنه الا زلازيل = اسمع هديره لاهل الارياع يجتاح

[صنداح الزلامى]

مالك ورى بيض السوالف محاصيل==زبدن لياطلعت له الشمس ينماح


يامهون التنزيل يامصعب الشيل== وانت تحب الخير والوقت فضاح

[داعي الشوق]

يا هيه ياللي تكثرون الاقاويل =ياللي تعرفون المزح وقت الامزاح
وش موقف الشعار بعيال هالجيل= اللي على الموضات هاوي ورواح

[نجم الإبداع]

لاتحسب الماضي وعد المقابيل=واهل السوالف مايبون اهل الاصلاح
هابيل وش حده على قتل قابيل=الا صدى القربان والحسد ذباح

[صنداح الزلامى]

ادرن في صدرك علوم وموواويل====اصمد صميلك لايجي منه نضاح


واهل المشاكل ناقنلين المفاتيل=== علومهم دايم مضاريع ولقاح

[نجم الإبداع]

المرسدس حرّك وشد الطرابيل=دوبه حمى واهتز له حزم الاسياح
الله يجيره من جميع الغرابيل = من وارد الالمان بالخط سفاح

[صنداح الزلامى]

المر سيدس ذاق التعب والبهاذيل === وشكله قديم يشغله كل مفتاح



يابعد نجم الجدي يامبعدسهيل=== عن عين شاوين حسودي شفاح