بـــــــــــــــــدوي ...............؟

[عبدالمجيدالعنزي]

ماني محشش حفنة افكاره اصناف =ولاني سكرجي ضيعه شرب خمره
ولاني منًجــم لاولاني بعراف =بس اعرف ان بليس ياطول عمـــره
من يجهل ان الصدق يحتاج لنصاف =والحج ماتغنيه مليون عمــــره
ومن يجهل ان الكذب راعيه بلاف = يعني منافق لو تصـــدق بتمــــــره
لاصرت اميز صاحبي مابي خلاف =مير البلا لاصار مشكوك بــاامره

.
..
.
.
.
.
.
.
.

اليله الي نوخت لي غرابيل= كشًر مساها وعبًست وجه داري
سدت شبابيك السمــا يارجــاجيـــل= وعجــزت ادور باالزوايا نهــــاري
كن الفــضا من ضيقــتي كــتف اليــل= والذل كنــه يستفز انتـــحاري
ان ماانطحتني مهرتي باالمعــاميـــل= عز الله اني ماتنطــحت ثــــاري
ماقلتــلك..... يامهـــرتي شاعر الجيـــل= لاكني اعرف كيف صيد الحباري
اقنص فكر وامثل الحرف تمثيـــل= واجًمل المعنى على كل طاري
واكرم وجيه الرجال الحلاحيـــل =ولاحشم الي مايحشم وقاري
لجل المعزه اعــتزي وانطـــح السيــل= شاعر شمالي والكرامه شعاري
يافقر دون الجرح يطفحــبي الكيــــل= وان اعتذرتك مايفيـــد اعتـــذاري
ماعاد باقي لسوالف تحـــاليــــل= اليوم كنــه يوم ذات الصواري
صاحت غبيــنه وانفـــلت مربــط الخـــيـــل= صوت غثـاهــا واستعــد انهيـــاري
ايه بدوي من لابةٍ تذبح الحيـــل =اردى بني عمي على طيب ضاري
ماشًحت ادلاله بشرب الفناجيـــل= يوفي ولو ضيم الزمن مايداري
يافقر هـــد الحــيــل لومابقى حيـــل= بس احترمني لايبـــين انكساري
الا احتقاري في عيون المهابيـــل= اموت جوع ولا اشوف احتــقاري

[الصريح العتيبي]

عبد العزيز
.صح لسانك
دمت بخير حال

[داعي الشوق]

لجل المعزه اعتزي وانطح السيـل
شاعر شمالي والكـــــــرامـه شعـاري

...........

صح لسانك يالشاعر عبدالمجيد العنزي

والله والنعم بك وبأهل الشمال

قصيدة لها رنّه

وصح لسانك مع التقدير

تحياتي ،،،

[ســُلاف]

من يجهل ان الصدق يحتاج لنصاف
والحـج ماتغنيـه مليـون عمـره
ومن يجهل ان الكذب راعيه بـلاف
يعني منافق لـو تصـدق بتمـره
لاصرت اميز صاحبي مابي خـلاف
مير البلا لاصار مشكـوك باامـره
عبدالمجيد تلك الابيات لامست بها دون ان تعلم مابخاطري

ماشًحت ادلاله بشرب الفناجيل
يوفي ولو ضيم الزمن مايـداري
يافقر هد الحيل لومابقـى حيـل
بس احترمني لايبيـن انكسـاري
الا احتقاري في عيـون المهابيـل
اموت جوع ولا اشوف احتقاري

الله على هالابيات يا العنزي والنعم فيك
وترى الفقر ماهو عيب العيب بأمور اخرى اصبحت موجودة في من هم اشباه الرجال
صح لسانك وريح الله بالك

[علي محمد العتيبي]

الا احتقاري في عيـون المهابيـل
اموت جوع ولا اشوف احتقاري

ياسلام

ياسلام عليك ياعبدالمجيد

ابداع يفوق الوصف

لله درك من رائع

صح لسانك مليوون



اعجابي واحترامي

[النهج المختلف]

واكرم وجيه الرجال الحلاحيـــل =ولاحشم الي مايحشم وقاري

لجل المعزه اعــتزي وانطـــح السيــل= شاعر شمالي والكرامه شعاري


صح لسانك ولاهان راسك يالعنزي


معاني جزلة من شمالي جزل


تحياتي لك

[الخنساء]

صح لسانك اخي الشاعر عبدالمجيد
لاهان راسك قصيدةرائعة
سلمت وسلم شعرك
دمت بخير

الروعه و الإبداع هما من سماتك

دمت مبدعا متألقا

[الطامي]

ماني محشش حفنة افكاره اصناف=ولاني سكرجي ضيعه شرب خمره
ولانـي منًجـم لاولانـي بعـراف=بس اعرف ان بليس ياطول عمره
من يجهل ان الصدق يحتاج لنصاف=والحـج ماتغنيـه مليـون عمـره
ومن يجهل ان الكذب راعيه بـلاف=يعني منافق لـو تصـدق بتمـره
لاصرت اميز صاحبي مابي خـلاف=مير البلا لاصار مشكـوك باامـره

يافقر هد الحيل لومابقـى حيـل=بس احترمني لايبيـن انكسـاري
الا احتقاري في عيـون المهابيـل=اموت جوع ولا اشوف احتقاري
العنزي
صح السانك مدد بلاعدد
الأولو تخطبماء من ذهب
وحدها تكفي ؟؟؟ حكمة وعزة وشموخ
،،،،،،،،،،،،،،،،،،،،،،
الثاني البيتين تكفيها
لله درك مكن شاعر
دائم مبدع
لافض فوك ولاهنت
وشكرا لك

[يوسف بن صالح]

عبدالمجيد العنزي

صح لسانك ولاهنت

جزلة من شاعر متمكن


لاعدمناك