الوقت يكشف معادن كان يخفيها

[الطائر المهاجر]

الوقت يكشف معادن كان يخفيها= لو هي تلون بياقوتٍ ومرجاني
والعاقل اللي يقيس اعماق ينويها= من قبل غوصه قبل ما يصير غرقاني
ومن غرته وردةٍ من عطر يقفيها = تجرحه من شوك تخفي بين الاغصاني
والنفس لا خبّثت والحقد يعميها = لو صرت اقرب قريبٍ تصبح الجاني
ما تدري الحقد مثل النار تشويها = وتصبح مريضه تعاني مر الاحزاني
تشكي من امراض ماتلقى مداويها = في ظنها سحر او مس من الجاني
والسر ف الحقد دام انه ربى فيها= لو تتركه شافت الخيرات الواني
وقلبٍ به ايمان عين الله يراعيها= يقنع برزقه ويجزى احسان باحساني
ماينكر افضال من يديّه مرهيها = ويصبح خصيمٍ وياقف موقف الشاني
لكن مدام النذاله صار شاريها = فمثله خساره يلاقي منك تحناني
فكم من كريمٍ عزيز النفس معليها= رماه حظه بدرب فيه ديباني
تلسعه من لؤمها لو هو يداريها = وتنفث سموم الحقد في كل ميداني
وما دام حر فنفسه من مباديها = تمنعه ما ينحدر باعماق ودياني
يفل جنحه ويبعد عن مهاويها = فالأرض ملكه بدال اوطانه اوطاني

[عبدالكريم العياش]

الطائر
سعيد بان اكون اول من يقرأ
تلك الشامخه الوارفة الظلال
كعادتك تغوص في بحر سني التجارب
وتأتي لنا باجمل الدرر
الحقد تلك الافه التي تشوّه كل جمال
وتقضي اول ماتقضي على صاحبها
صح لسانك ابوعبدالله
واطال الله عمرك بالصحه الدائمه

[منيع]

مبدع وحكيم
بارك الله فيكم
تحياتي

[عمر ال شيبي]

صدقت بكل حرف
وجزاك الله كل خير
على النصح والارشاد

فالحقد يعمي البصيره

صح لسانك مليون المليون
وشكرا لك

[عبدالمحسن الرحمه]

صح السانك دكتورنا على هذا الأبداع
حكيمه من حكيم

[احمد القاسم]

صح لسانك

قصيده طيبه من شاعر اطيب

لاهنت يابوعبدالله

[الطامي]

وما دام حـر فنفسـه مـن مباديهـا
تمنعه ما ينحـدر باعمـاق وديانـي
يفل جنحـه ويبعـد عـن مهاويهـا
فالأرض ملكه بدال اوطانـه اوطانـي
،،،،،،،،،،،،،،،،،،،،،،،،،،،،،،
الطائر
صح السانك ملايين
هكذا الجزال مالها كود اهلها
رائعة وهادفه لافض فوك استاذي
شكرال ك

[داعي الشوق]

صح لسااااااانك يا بو عبدالله

و الله يبعد الحقد و الحاقدين

و لاهنت يا مبدع

معاني هادفة و معبره

صح لسانك مدد

***************

[حي الضمير]

شاعر الحكمه غالينا ابوعبدالله
قصيده رائعه وابدعت وعوااايدك
ومدد صح لسااااانك

[عبدالرحمن بن زهير]

الله عليك يا الطائر هذي في الصميم صح لسانك ابيات تدون بماء الذهب بيض الله وجهك