البنت الأصيله

[عايض ابوشيبه]

[caps]كم هي كثيره القصائد اللتي تكون حبيسة الأدراج اما ان تكون خاصه بالشاعر

اوتكون من البدايات اللتي تجاوزها الشاعر او اسباب اخرى

واليوم اخترت لكم قصيده موضوعها اهم من كفائتها فتقبلوها[/caps]

صدقوني يوم اشوف اللي عليها الستر ضافي=افتخر فيها ولو مدري من ايات القبايل
ذيك بنت الأصل والمدلول مافيه اختلافي= ما اقول الا ترى هاذي كما الخيل الأصايل
اشهد إنه من وراها وافين لاقيل وافي=اشهد إنه رجل والرجال يعرف بالفعايل
عكسه اللي تاجده هافي ليا من قلت هافي=لا لمحت لزوجته تمشي معه شفت الدلايل
جسمها كاشف وملبسها دليل الأنحرافي=والبلا في زوجها اللي مالقا عنها بدايل
لانصحته قال مابه يارجل غير العوافي= دامها تمشي معي ياصاحبي فالشك زايل
اشهد إنه من كلامه مادرى ويش الخوافي =يا حسافه كن ما لأهله رغم وقفته عايل
فرق بين الماء ليا خذته وهو من نبع صافي=يختلف لاصار خذته من غديراليوم سايل
الحجاب اليوم يجبرني على نظم القوافي=هو عفاف المسلمه واللي تدور للفضايل
اشهد انه ستر للي باغيه درب العفافي= تلبسه وتعيش حره مثل من للتاج شايل

[داعي الشوق]

فرق بين الماء ليا خذته وهو من نبع صافـي =
يختلف لاصار خذته من غديراليـوم سايـل
،،،،،،،،،،،،

صح لسانك يا عايض

قصيدة مثل الذهب

كلها درر

بس البيت اللي فوق شي ثاني يا عايض

سلمت وصح لسانك

تحيتي لك مع التقدير

،،،،،،،،،،،

[حي الضمير]

مضمون رائع وعفيف
ونص جميل ياعايض
وانت شاعر مبدع لك بصمه في منتديات الفطاحلة
وبيض الله وجهك ومدد صح لسانك

[زهرة اللوتس]

الشاعر // عايض ابو شيبة
سلمت وسلم منطوقك
جزلة من شاعر جزل
تحياتي
وتقديري

[الـزلـزال]

لانصحته قال مابه يارجل غيـر العوافـي=دامها تمشي معي ياصاحبي فالشـك زايـل
اشهد إنه من كلامه مادرى ويش الخوافـي=يا حسافه كن ما لأهله رغم وقفتـه عايـل

عايض ابو شيبه


بوح مميز ومتقن


من شاعر يشهد له بوحه بالأتقان والجزاله


شاهدنا في هذا البوح

رساله رائعه صاغها شاعرها بأسلوب محبب


أبدغت غالينا في توجيهك وفي بوحك


صح لسانك ملايين ملايين



ولك فائق تحياتي

[الأموره]

أبو شيبه ..~

صح لسانك ملييون يخوي ..~

سلمت و سلم فكرك .~

ألف شكر لك ..~

دمت برعاية الخالق ..~

[رفيعة الشان]

الله

موضووع راائع صغته بطريقه جميلة ورااائعه جداً

فصح الله لسانك مليووون مليوون
ولااهنت

[ام العمده]

صح لسانك واعتلا شانك

لاهان راسك

ابدعت

دمت بخير

[سلطان العطاوي]

صح لسانك يا شيخ

وافيه من وافي

[سناعيس]

صح لسانك اخوي عايض
وبيض الله وجهك
على هذه الرائعه
لاهنت


تحياتي