قصائد للشاعر// محمد سعد الجنوبي

الشاعر محمد بن سعد الجنوبي من شعراء الكلمة الحلوة والخفيفة والابيات التي تدخل إلى القلب مباشرة ...

ذلك الشاعر الذي تغنى بقصائده كبار نجوم الفن الشعبي رحم الله الجميع من عيسى إلى فهد الله يرحمهم ويغفر لهم ...

وكان ذلك الشاعر كالبلبل المغرد والذي أطرب الجماهير الشعبيه بكلماته التي تذيب الحجر للنتقل إلى عالمه ولننقل مانستطيع نقله لكم هنا ..
هذه الرحله مع سحر الجنوبي المنساب الذي ربما اطربنا في يوم من الايام برقيق كلماته وجمال معانيه وسهولة الفاظه وقوة تأثيره وسرعة حفظه .... ولكن لم يأخذ حقه كشعرائنا الآخرين ..

وهنا في هذا الموضوع أردت أن القي بنبذة شعريه عنه في منتدانا لأني لم أجد له إنتاج مذكور فأردت أن اثري ذائقتكم واثري ارشيف المنتدى بمثل هذا السحر الجميل ...

لننطلق ...

ومع قصيدة من أشهر قصائده وكلماته وهي قصيده اشتهرت على لسان بشير وربما كثير من الناس لا يعلمون لمن هي :

خلصـت مـن جملـة الخـلان=احسن لـي اعيـش وحدانـي
ما عاد اعاشر جميع إنسان=يكفـي العـذاب الـذي جـانـي
مادامـت اللـي هويتـه خـان=اخشـى اتــورط مــع ثـانـي
هـويـت انــا قـايـد الـغـزلان=واهديـت لــه قــرة اعيـانـي
عملـت لـه طيـب واحـسـان=وبالهجـر والـغـدر جـازانـي
حقيقـه انــا الــذي غلـطـان=وشلـي بشخـص تناسـانـي
لا بــد مــا رجــح المـيـزان=واعطيه من حيث معطانـي

وقصيده اخرى من قصائده الرقيقة :

تـرى أول عذابـي يـوم قالـوا حبيبـك راح=ركـب فـي القطـار ولا تصـرف يوادعـنـي
وصلت المحطة وأحسب انـه كـلام مـزاح=وزاد العـنـا بــي يــوم شفـتـه يطالـعـنـي
يأشـر بكفـه لــي يـقـول الـهـوى فـضـاح=تحـمـل تــرى المـذكـور عـنـدي يراقبـنـي
بغيـت اتجـمـل واكـتـم الـسـر لـكـن بــاح=وقـلـت الـرجـا ياسـايـق الـريــل ركـبـنـي
تراني عقب فرقى الغضي ما قويت أرتاح=خطـيـرٍ عـقـب فـرقـاه روحــي تفـارقـنـي
وزاد الشقـى بالقلـب يـوم المنـبـه صــاح=ووقــف مــع الـطـاقـه حبـيـبـي يكلـمـنـي
خزرنـي بعيـنٍ كـن فيـهـا ســلال ارمــاح=وفريـت وجهـي خايـف الدمـع يفضحـنـي
عقب ما قطعت الياس زادي بي الاجـراح=ورفعت صوتي واحسـب الزيـن يسمعنـي
رجـعــت لـمـحـلـي أتــذكــر زمــــانٍ راح=مـع الصاحـب اللـي يـوم الاثنيـن فارقنـي
ليالي مضت لـي كـل ابوهـا ليالـي مـلاح=ابطلب عسى الله مع هوى البال يجمعنـي

ومن عذب نظمه أيضاً :

يازين يا اللي مشيتك بالهون=وقـــف دخـيــل الله وكلـمـنـي
كلمة خفى والناس ما يدرون=بـيـنـي وبـيـنــك لا تـعـذبـنـي
قلبـي يحبـك يـا حلـو مفتـون=واللـي سواتـك زيـن يعجبنـي
يا بو حجاجٍ بالخطر مقـرون=والـخـد لا شـفـتـه يكهـربـنـي
كتفٍ وشعرٍ ومبسـمٍ وعيـون=برموشهـا يـا نـاس صابتنـي
يا لايمي في صاحبي مجنون=مـا نيـب أنـا جـاهـل تعلمـنـي

ومن جميلاته الشعريه أيضاً :

ياناس حالي راح من غير مصلوح=الله يـرحـم حالـتـك يـــا الجـنـوبـي
كل العرب تمسي وانـا ليلـي انـوح=عـز الله سمـر البنـات العـبـوا بــي
خصوص اللي كامل الزين مملـوح=اللي بـروا حالـي وهـم مـا دروبـي
ذي حالتي وهو يجي يـوم ويـروح=ولـو ينقطـع يوميـن شقيـت ثوبـي
ابــو جـديـلٍ فــوق متنيـنـه يـلــوح=مثل العذوق اللي ضربها الهبوبـي
الخد مثـل الـورد والبطـن ممسـوح=والجسم سالم مـن جميـع العيوبـي
عذبتنـي بالصـد يـا خفيـف الـروح=وخليتني في وسط الاسواق اهوبي
عليـك قلبـي يـا بعـد روحـي يفـوح=وكان طولت جفـواك خطـرٍ يذوبـي
انام في ليوان والناس في سطـوح=يـا ويـل قلبـي مـن حبيـبٍ كـذوبـي
ليته يسامحني وانا اقـول مسمـوح=يرحم حياتي ويرجع القلب صوبـي

ومن درره الأدبيه :

الـمـاي قـدامـي وانـــا ظـمـيـان=معقول اشوف الماي ولا اطوله
اللي علـى المـاء كلهـم عـدوان=حطوا حـرس لحـدٍ يجـي حولـه
كيف العمل في الماي ياحمـدان=شـف لـي طريقـة حـل معقولـه
إن ما وردته ورحت أنا رويـان=والا حيـاتـي جـــات مجـهـولـه
والله لـو دونــه جمـيـع إنـسـان=لـشـرب وأبــرد كـبــد مغـلـولـه
اخاف اموت وضامري عطشان=وذا الماي أنا ملـزوم بوصولـه
عيبٍ على اللي ينثنـي خسـران=عـمــرٍ بـلـيـا حـــظ وشـهـولــه
اما مع اهل الماء نصير اخوان=والـكــل فـيـنـا ينـسـمـع قـولــه
والا يقـوم الحـرب فـي الميـدان=وكـل واحـد يـرجـع بمحصـولـه

وله أيضاً :

حسبي على سايق الستيـن=فــرق مـحـبٍ مــن احبـابـه
اقفـى بخلـي كحيـل العـيـن=حسـيـبـه الله وش جــابــه
صوت يا نـاس راح الزيـن=اللـي خـذ القلـب واقفـا بـه
قالوا لي ان توهـم ماشيـن=والقفل الاصفـر علـى بابـه
قلت اسعفوني بقلن بانزين=بشب في الفورد واصحابه
والا يـرده علـيّ ذا الحـيـن=اجلـس معـه واتمشـى بــه
ابـو جديـل عـلـى الكتفـيـن=بالمسـك الاصلـي يغـذا بـه
مقـدر علـى غيبتـه يوميـن=ما ينشـرح خاطـري إلا بـه

وله أيضاً :

المـوتـر الـلـي مـرنـي باللـيـل=بعد العشاء يمشي على هونـه
في شارع الثقبه سقـاه السيـل=مــن مصنـعـه تــوه يمشـونـه
فيـه الحـلا والـزيـن بالتكمـيـل=يالـيـتـنـي قــايــد دركـسـونــه
لامن مشينا مع طلوع اسهيـل=ومـرايـة الطـبـلـون مـوزونــه
علـى الـذي خـده كمـا القنديـل=يـاواهـنـي مـنـهــم يـعـرفـونـه
العـيـن داعجـهـا بـحـد المـيـل=تسلـب عقـول اللـي يشوفونـه
يـابـوجـديـلٍ لــفــه الـمـنـديــل=بالـعـنـبـر الـغـالــي يـغـذونــه
حبـك سبـا قلـبـي وزاده ويــل=مـن عطفكـم تسمـح تـداوونـه
بشكي عليك الحال يابن شعيل=تـرى سـبـب حـالـي تعرفـونـه

وله ايضاً :

قالوا علامك يا الجنوبـي توسـوس=حـالـك نـحـل وكـثـرت الشـعـر زاده
إذا تطـيـع الـشـور عــزم واعــرس=قلت اتركوني مالي في العرس راده
انــا بـغـنـاة الله ولا نـــي بمـفـلـس=لا شــك كــل واحــد يــدور امــراده
إذا بغيتـوا لـي المعـزه مـع الانــس=وتبغـونـي اعـيـش عيـشـة سـعـاده
جيبوا لي اللـي فـي عذابـي تجنـس=اللي شواني مثـل شـوي (الجـراده)
ابــو جـديـل يرفـعـه يــوم يـجـلـس=ولا جـا ينـام يصفـطـه لــه وســاده
والعيـن لا سلهـم بهـا قلـت ينـعـس=عنـده علـى زيـن المعـانـي شـهـاده
بعطي هلـه عشـرة معضـد ونقلـس=وحـاضـر إذا يبـغـون مـنـي زيـــاده
يمكـن هلـه ويـاي شينيـن الانـفـس=ماخذين لي الاعـذار والكـذب عـاده
لـجـيـت اكلـمـهـم يـقـولــون ادرس=وان طاولت الاعذار ما فينـي افـاده

وله ايضاً :

كـن فـي حجـر عينـه عسـكـر مستـعـده=واعــذاب الجنـوبـي دايــم لــه يـحـاتـي
مـن سعـى بيننـا بالهـرج لا رحـم جــده=كيف يسعى مابين اهل الهوى بالشتاتي
ليتـنـي وردةٍ يـانـاس مــن فــوق خــده=اتـلـذذ بـقـرب الـزيـن حـلــو الشـفـاتـي
ولـو يبـي جيتـي مـا أظــن أحــدٍ يــرده=مـيـر قـصـده يعذبـنـي ويـنـوي شتـاتـي

وله ايضاً :

البـارحـة سـاهـرٍ والـنـوم مــا جـانــي=والـدمـع مــن فــوق خــدي عزتـالـيـه
والقلـب ولــع كـمـا لمـبـات ظهـرانـي=لــي ولعـوهـا صــلاة العـصـر كولـيـه
علـى الـذي لا تمـايـل عــود ريحـانـي=والعيـن سـوداء تشـادي عيـن لدمـيـه
ابــو ثـمــانٍ تـشــادي حـــب رمـانــي=بـيـضٍ رهــاف بـعـود الــراك مجلـيـه
يـابــو خـــدودٍ كـمــا تـفــاح لـبـنـانـي=حمرٍنظـيـفـة وفـيـهـا الـخــال مـاريــه
يــا كـيـف ولعتـنـي والـيـوم تنسـانـي=رح في طريقك عسى الله يرجعـك ليـه
خلـك بعقلـك تـرى ذا النـاس عدوانـي=ومن طاوع الناس جات عينه شقاويه

وله ايضاً :

يامن يسلم لي على أعز الاصحـاب=اللـي هجرنـي وراح غـصـبٍ علـيّـه
اقفـى وخلانـي تحـت صايـر الـبـاب=امسـح دمـوع العيـن وأفـرك بيـديّـه
ليش الجفا والهجر يا عذب الانياب=نسيـتـنـي كـنــي مـســوي خـطـيّــه
إن كان يا سيد العرب خاطرك طاب=عن عشرتي راحـت حياتـي ضحيّـه
حبك في وسط القلب ركز له اطناب=ما ينمحي لـو زرت حـوض المنيّـه
البارحـه سهـران ليـن القمـر غـاب=تـطـري عـلــيّ أيـــام كـنــا سـويّــه
ايــام كـنـا يابـعـد روحــي أحـبــاب=والـكـل مـنــا مـــا يـفــارق خـويّــه
طاوعت بي ياصاحبـي هـرج كـذاب=وخليـت فــي قلـبـي جــروحٍ خفـيّـه
الحب بلوى وكل شـيء لـه اسبـاب=وأسبـاب مابـي حـب جالـي الثنـيّـه

============================== ==========================


وتقبلوا تحياتي العطرة ..

وإلى اللقاء في لقاء آخر وأدب جميل ...

ذيب السنافي ..

[داعي الشوق]

مشكور يا ذيب السنافي

أتحفتنا بهذه التحفه الفنيه الرائعه من شاعر معاصر ومخضرم الذي لم ينصفه الاعلام .

مع تحياتي لك وتقديري ،،،

[عبدالرحمن الصباح]

مشكور اخوي الفاضل لنقلك المميز لشاعر مبدع ولاكن كما قال اخوي سعود الحافي لم ينصفه الاعلام بالرغم من شهرته الواسعه ربي يسعدك اخوي رجعتنا لاكثر من ثلاثين سنه وراء والذكريات القديمه تقبل تقديري

[الراقي]

الله يرحم الشاعر

شاعر علم ،

و مشكور على النقل عزيزي

ودُمت بتألّق..؛

[الطامي]

القديم عديم
شكرا لك ياذيب
امتعتنا وذكرتنا بالجنوبي
والله يرحم حالتك يالجنوبي
صارت مثل عند اكثر الناس بسبب قصيدته
لاهنت اخي

[عبير الورد]

تسلم الأيادي على النقل المميز
يعطيك الف عافية

[الخنساء]

شكرا اخى ولاهنت

دام طرحك

[نفحات حساسة]

يعطيك العافيه

وسسسسلمت على نقلك.

[أحمد عوده الشامي]

يعطيك العافيه نقل رائع لشاعر معروف
في الساحه الخليجيه

تسلم ولاهنت

[عبدالعزيز العمار]

شكرا ً لك أخي ذيب السنافي

اتحفتنا وأمتعتنا بهذه الشخصية المغيبه اعلاميا ً

ولاشك انه شاعر يدخل القلوب بكلماته العفويه الرقيقه والجميله

شكرا ً لك مرة اخرى وتقبل تحياتي وتقديري