أشـــهد إنــي لالمحـــته تعديــــت الحـــدود**قمــــت ارحــب به وهلـــي وحـيي جيتـــه

[عايض ابوشيبه]

أشهد إني لالمحته تعديت الحدود=قمت أرحبه وهلي وأحيي جيته
إن صعد يصعد وياهوه ياحلو الصعود=وإن نزل كل ألأماكن بشوفه حيته
إن مشى يمشي كما مشيت الضبي الشرود=مابه ألا كود ظله يقلد مشيته
وإن وقف ياقف كما تاقف أشبال الأسود=وإن كوا يكوي وتبطي مواجع كيته
دامه الفكسار عندي على قولي شهود=يمدحون لمخ منهو تولى صنعته
ماحلى لافز ثم سج بأطراف النفود=ماوجدت الا الصقر يشبهه في فزته
يكفي إنك لاركبته تسكت للحقود=مأتأثر باالمطبات لو هي هزته
الثقه في وقفته والمهابه والصمود=والحسن في مشيته والبها في طلته
مايوقف غير لاحب تزويد الوقود =مايسوقه غير سواق مثبت مهنته
لوحت اسمه في مقفاه طعنه للحسود=لاركبته كل حاسد ينتف لحيته
لارسى يرسي كما ترسي الاف الحيود=سمعته لافوق روس المعالي ودته
مامدحته كذب ولا على المدح أمحدود=لين مالاحظت وشلون شاعت شهرته
بمدحه وأقول مافيه مثله باالجود=تلت أقلوب البشر تجتمع في تلته
دامه الفكسار عندي على قولي شهود=يمدحون لمخ منهو تولى صنعته

[يوسف الشقران]

هلا


يابو شيبه
الله يفكك من الحساد ويسلمك ويسلم موترك

( بس ترى ماعلى الجمس )





تحيتي لك وصح الله لسانك
امتعتني يالراقي

وإن وقف ياقف كما تاقف أشبال الأسـود
وإن كوا يكوي وتبطـي مواجـع كيتـه
دامه الفكسار عندي على قولـي شهـود
يمدحـون لمـخ منهـو تولـى صنعتـه
ماحلى لافز ثـم سـج بأطـراف النفـود
ماوجدت الا الصقر يشبهـه فـي فزتـه


الفكس ار

يستاهل من يمدحه

صح لسانك على هذه
الرائعه الغالى
ولاهنت

دمت بود

[انكسارات النخيل]

يعطيك خيره ويكفيك شره

وصح لساااااااااانك شاعرنا الجزل

كل الود

[منيع]

يستاهل
الفكسار
وابياتك زداته روعه على روعه
تحياتي

عانقت هذه الباذخه فـ0 أسرت بي بين طيات جمالها وعذوبة كلماتها
ورست بي على ضفاف الأبداع والتميز كل ما قمت بالقراءة
رجوت ان تطول بي المسيره لا ارتوي بها
اخي الغالي
مرحبا بهذه الدرة الثمينة الرائعة هذه الباذخه
..جمالها في كمالها وتمامها .. اخذتنا الى مافوق السحاب
ونحن نتمتع بهذا 0 الجوا الرائع من الأحاسيس ....اعلم اني من المتابعين لنزفك ..
وقد سعدت بقرأة هذه القصيدة المدويه ..وهنا لا يسعني إلا أن اشكرك 0000000 بما متعتنا به
000 فـ صح بوحك دوما وابدا صح لسانك مدد بلا عدد
= - =
ما نعدمك ان شاء الله
لك الو بلا حد
من
00
اخوك
سراب الرحل

[الخنساء]

صح لسانك اخي الشاعر عايض
لاهان راسك قصيدة رااائعه
الله يبارك لك فيه
سلمت وسلم شعرك
دمت بخير

[نجم الإبداع]

صح لسانك ياعايض

نص راقي ومشاعر وافيه

لاهنت على اتحافنا

تحياتي وودي

[كريمة محمد]

الاخ المبدع عايض
صح لسانك اخى
قصيدة تضم معانى واحاسيس جميلة
تسلم استاذنا
ودمت ولا هنت
تحياتى لك

[صالح سعود]

مايوقـف غيـر لاحـب تزويـد الوقـود
مايسوقه غيـر سـواق مثبـت مهنتـه
لوحت اسمه في مقفاه طعنـه للحسـود
لاركبتـه كـل حاسـد ينتـف لحيـتـه


عايض ابو شيبه
صح لسانك

والفكسار يستاهل