تشرفت في تمام الساعة (10.46 ) صباح هذا اليوم الجمعة بتلقي رسالة من أخي وزميلي الشاعر العذب عدنان الكريزم ( فريد الحرف ) يخبرني فيها بتوجيه قصيدة لي بعنوان الحبيب الراحل 00أدناه :
( مبروك ماني من إلي يتبع الغادي) = من عادتي م\تبع إلي نيته يبعد
هادي ولكن فؤادي ما هو بهادي = كن الحشا جمرةٍ ما ودها تخمد
طلعت من بيتها ما أمتلك زادي = واضح على ملمحي آثاراها مشهد
جريت موالها والاظلم البادي = كن القصايد من الغبنات لي تجلد
ناديت والقلب جاوب (إرجع ونادي ) = تشفق عليك الرياح وترجع تردد
مبروك شفني من الافكار مرتادي = آفكار لي تآقف – وآفكار لي تقعد
من بعدها والمدامع صوتها شادي = (والقلب يسرد على ما دمعتي تسرد)
مبروك لا تنشد الاحزان لي عادي = ناظر على مخزن الاحزان ثم اجرد
لا عاش قلبٍ على الاحباب كدادي = ولا عاش قلبٍ على الاحباب يتمرد
واليوم قلبي على هالناس معتادي = لا حيلته يجذب ولا حيلته يطرد
( مبروك ماني من إلي يتبع الغادي) = من عادتي م\تبع إلي نيته يبعد
ويقول في رسالة الجوال :
صباحك عسل 00رح للفطاحلة
وجهت لك قصيدة يالغالي وعلية أشكر اخي الفاضل ابو فهد على قصيدتة الجميلة
وأقول له :
صـبّحـك ربي بــورد الـفـل والكادي = ومساك بالمـسـك والعـنـبـر وريـح الـنـد
عـدنان حاول تـصـبر قـلـبك الصادي = ولا تـخـــلي عـلـيـه العـــشــق يــتـمـرد
خذها نصيحة صريحه لك من فؤادي = لا0تـذِكِر اللي مضى : تحـزن وتتـوجـد
ومن لا نشد عـنْك : ليه تكون نـشّادي = عـنـّه / تجاهـل وجـوده 0 راح ولاّ رد
وَلا تـفـكر وتـتـعـب يـابـن الاجـوادي = تـرى الهموم ان تحـسّـبها بطيت إتـعـد
وان ماتـهـنـيـت يـابـو فـهـد بـرقــادي = قـم لـيـلـتـك يـالكريـزم واركـع وْآ سجد
عـمر الـنـدم ياصـديـق العـمرمافـادي = ضع لـلهـواجـيس في قلـبك وعـقلـك حد
وان ضاق صدرك (سمع ياجارة الوادي ) = يمكن مع صوت (فـيـروز) الـشجي تسعد
ولاّ تــسـمّـع لـفـرقـة ديــن وإنـشـادي = فـيها نـصايـح ثـمـيـنـه تـنفعك عـن جد
وش لـه تعـيـش العـمر هايم وطرادي = ورى الـذي لـوعـطـيـتـه ماعطاك الـود
ماودي آشـوف غـبـنـك والـقهـر بادي = عـلى محياك وانـت الـظـهر بـك يـشـتـد
وآ نا معـك واذكرك كل ماحدى حادي = وان غـبت عـني عـلـيك أسأل وآتـنـشـد
واختم بذكر الحبيب المصطفى الهادي = يارب صـلي وسـلم عالـنـبي محـمد