[ســُلاف]

ياوجودي وجد من راح في وقتٍ مخيـف
في سموم القيض والذيب بالصوت ايعوي
والذلول اللي عليها مـزاٍدٍ لـه عسيـف
غر فيها بعقلها يحسب ان حبلـه قـوي
راح يطردها بتالي الجهد قد هو ضعيـف
لين طاحت بندقه والفشق فيهـا سـوي
قلط المزلاج والذيب مقبل لـه صفيـف
وفي ثوانيٍ كزها وكذبـت كـل النـوي
رد للخنجر خابرها شباهـا حـد سيـف
مادرى ان انصابها في حديـده ملتـوي
اعتزى يومن قرب حفيفٍ مـن حفيـف
وطوح ابصوته ياعزاه مايوجـد خـوي
مادرى الا صوتها مثـل رعـاد القنيـف
طلقة في راس سرحان ماجاتـه غـوي
التفت ثم شاف سمحه تزرفـل بالرديـف
فوقها ربعٍ على المـوت كـلٍ مهتـوي
فوقها اخوه المسمى وولـدٍ لـه لطيـف
بالاثر قصوه من خوفهـم ثـار اعبـوي
صاح من فرحته يومه مديم وزيد شيـف
وفرحته بشوف الجماعه بعد كان اخلوي
اسمتعت بقرائتها التي اعدتها مرتين
ولكن لا اخفي عليك بأن الفكرة لم تصلني كاملة طبعاً لجهلي فما انا الا متذوقة
فلا تلمني لوجودي هنا في مشاركتك فما اتيت الا لعلمي بأن هنا شيء مختلف
العم منصور كنت ومازلت رائع صح لسانك