دنــيـا ويـامـا عـطـتني مــن دروس وعـبـر
خــذيــت مــنـهـا ومــنّـي مــاخـذه حـقـهـا
يـاما أفـرحتني ويـاما شـفت فـيها الـكدر
وأحــيـان مـاهـو يـجـي ودي عـلـى ودهــا
ويـاكم صـدمني بـها نـيات بـعض الـبشر
الــلـي يـخـبـون خــلـف الـحـالـيه مــرهـا!
نــاسٍ تـمـاشيك يـمشي فـي دمـاها غـدر
والــوقـت مـهـما تـغـير مـاأخـتلف طـبـعها
وأنــا أحـمد الله صـدري مـاتضايق شـبر
لــــنّ الـنـفـوس الـعـزيـزه شـانـهـا عــزهـا
مـتـربـياً بـإحـتـرام الــكـل مــنـذ الـصـغـر
لــو بـعـضهم مـاأحـترامي لايـقـاً بـإسمها
مـاهـو لـحـقني بـهـرجٍ فــي قـفـايه ضـرر
مـــادام نـفـسـه ورى هــرج الـقـفى ذلـهـا
والـناس فـيها تـرى الـطيب وفـيها الأشـر
الــلــي يـمـيـنه ردى عـــن طـيـبـها ردهـــا
مــن طـاح يـاعين مـنّكْ فـي مـطيحه عـذر
ومـــن طـــاح مـاعـاد عـيـني يـمـه ألـدهـا
بــيــن الــرضـى لـلـعـليم ووالـديـنـي وبـــر
هـذي حـياتي ولا أرضي ناس ما أسدها
الــلـي يـــدور بــي الــزلـه بـيـقـعد عــمـر
قــدام عـين الـعـدو يــاجــعـل مـازلـهــا