عرض مشاركة واحدة
قديم 26-10-2007, 02:00 PM   رقم المشاركة : 4
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات المسعودي


عبدالله المسعودي ومطلق الثبيتي

عبدالله المسعودي ومطلق الثبيتي: نهاية يوم ذي الحجه


عبـدالله

ماني باجيب الفصاحه غيـر عنـد الفصيـح=امشـي مـع النـاس واعطيهـا قوانينـهـا
ام الصفا والصفيح اللـي مـن اول تصيـح=راحت على مـوت ابوهـا حنـت ايدينهـا
مطـلـق
بعـض المعانـي تعنينـي وانـا مستريـح=وام المـوازيـن لاتصـغـي موازينـهـا
قلـب بنعمـه وقلـب مـن زمانـه جريـح=قبـل امـس تقسـي وهـذا اليـوم يالينهـا
عبـدالله
انا علـى مرقـب عالـي بديـت استضيـح=وان ام عامـر تهـز انـصـاب سكينـهـا
الهجرة اللـي يامطلـق جـات تنقـح نقيـح=ايعيـش نمرودهـا ويـمـوت مسكينـهـا
مطـلـق
يازنـد ياللـي علـى الايـام تقـدح قديـح=ليـالـك الـسـود ماتـرقـد شياطينـهـا
اشوف لي شيخ فـي نعسـه وكفـه شحيـح=حتـى الاوادم مشـارك فــي دكاكينـهـا
عبـدالله
اشوف قربة عقيـد القـوم تنضـح نضيـح=والثـوب الابيـض تفـرق بينـه وبينـهـا
ابليس لـو جرهـا يمكـن عراهـا يطيـح=وابليس شريـان مـن ماهـا ومـن طينهـا
مطـلـق
النار من تحـت قـدرك مـار عيـا يفيـح=خـلا العـرب للعشـا تدنـي مواعينـهـا
يقلون بـاب يجـي ياصاحبـي منـه ريـح=سـده وتسلـم مـن الدنيـا ومـن دينـهـا
المسعودي
ولـد الهـوى يـوم غنـى لام خـد مليـح=ما احد يلومـه وهـو مفتـون فـي زينهـا
الذيـب ماهـو عشـا لام اللبـن والتلـيـح=ان شافت الذيب الاشهـب دنهـرت عينهـا
مطـلـق
ولد الهـو مبتلـش فـام الصفـا والصفيـح=الـلـي لياشافـتـه رفــت كراعينـهـا
ام الكباير علـى الاجـواد تضبـح ضبيـح=والسوس من ظهرهـا واصـل ضلاعينهـا
عبـدالله
قمريـة الفـن الاخضـر ملحهـا مايميـح=الحـب فـي حلقهـا ماياصـل ابطينـهـا
ان كان ابا امدحك ماينفعـك كثـر المديـح=ان كـان ماجـبـت للقـصـه براهينـهـا
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــــ
مطـلـق
سـرى الليـل وآباكلّـف القـاف تكلـيـف=تـرى القـاف مـا كـل ٍ بفكـره يحوفـه
ورحلـة شتانـا عـوّدتْ رحلـة الصيـف=وانا آشـوف ابـو سفيـان حـرّش كفوفـه

عبـد الله
ليا جـو هـل الطيّـب رجـال المعاريـف=دروب الرجـال اهـل الجميـل امعـروفـه
ليا صرت ميت ما احسن المـوت بالسيـف=تيسّـر ومـا يكتـب لــك الله تشـوفـه

مطـلـق
يقولـون راعـي مصـر عنـده تصانيـف=ليا ما حضـر فـي اللعـب قـوّم صفوفـه
ومن هو يصلـي فـي صلاتـه غطاريـف=صـلاة المنافـق مـا عليـهـا حسـوفـه

عبـد الله
تشوفون نصّ الدرب يـا أهـل الكشاشيـف=وفالنـص الآخـر شوكتـيـن امعكـوفـه
وحنا ليـا جـا عندنـا الطرقـي الضيـف=نعشيـه واحنـا مــا فتشـنـا ظـروفـه

مطـلـق
تحومـون فـوق الـزاد مثـل الخطاطيـف=وكـل ٍ عيونـه نابـتـة فــي كتـوفـه
عسـى الله يكفيكـم سـهـوم الصـواديـف=يـا هـل موتـر ٍ مانـي مصنفـر بلوفـه

عبـد الله
تنـادي تنـادي وانـت مشتـاق للكـيـف=وابو صوف عيّـا ينشـف المـا بصوفـه
ليـا كـان ودّك فانـت رجّـال حـرّيـف=كمـا الناعـم اللـي مـا يخلّـي حفـوفـه
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــــــــــــ
مطـلـق
سلامي على اهل الحلة اللي لها شان ٍ رفيـع=وحنّا نجيها فـي ليـال الوعـد وانرودهـا
ليا جيت في سوق التجارة نويت اشري وابيع=ورثنا حياض العز من يوم جـات اورودهـا

عبـد الله
هلا مرحبا ترحيب يضفي على روس الجميع=سوات الدوى لقلوب بعض العرب واكبودهـا
أقول السوالف وارده كل ضلع وكـل ريـع=عيال الحلال اليـا محـل الحيـاة اتقودهـا

مطـلـق
بغيتك تسافـر يـمّ لنـدن شتـا والا ربيـع=وخابرك ما تسلى جبال ٍ تصيـح اقرودهـا
ترى اللي سواتك يطعم العلـم لابـده يطيـع=ليا جات هرجتها تسـاوت علـى بارودهـا

عبـد الله
له أيام والكبسون تقرع علـى جنبـه قريـع=يبا يستحلّ ابـلاد صنعـا بكثـر ازيودهـا
أنا عارف انّ السمـن طيـب ولكنـه يميـع=يدين ٍ تغمّس فيـه بيسيـل فـوق ازنودهـا

مطـلـق
يضيع العمى واللي عيونه سليمة ما يضيـع=ولا ينقل اللي في نحرهـا نشـب عبرودهـا
وانا ما جبرت اللي تدرّق ورى سدّ الوشيـع=ألفّ الجنـازة فـي كفنهـا وارزّ الحودهـا

عبـد الله
من اللي تدوّر للّبن بعد شهر امـن الضريـع=وش اللي يصيده بعد يوزي فمه في اديودهـا
ترى المقبرة حمرا وغبرا وحلـم الله وسيـع=عسى تشرب الشجرة وتحيا ويثمـر عودهـا

مطـلـق
لو انّك تغمض نصف ساعة يسبّعك السبيـع=وتخدمك ضبـاط السريّـة بكثـر اجنودهـا
لكنّـك تعلمـت اللكاعـة وسمّـوك اللكيـع=تبا الشيخ يقبل دعوة ٍ مـا لقيـت اشهودهـا

عبـد الله
بعَض قوم لا تصنع ولا تعترف بأمر الصنيع=عرب غافلة تقرع على القافلـة باشنودهـا
ولا يا معلّم خيـر منتـه متيـن ولا رفيـع=تبا تبلغ الخنقة وتوبـة مـا عـاد اتعودهـا
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــ
مطـلـق
الي وزعه مع الشعار ياليل الطرب محـلاك=نجومك مشرقه واشوفهـا فالعـرش سباحـه
يعبدالله تهرج كـان دنيـا الملعبـه دنيـاك=انا وانته على درب العرب والمشي بالراحـه

المسعودي
الا ياشاعر ماجابنـي مـن ديرتـي لـولاك=كما دار المصيف اللي نضج خوخه وتفاحـه
ظروف الوفت تبعدني وتدنيني بدون رضاك=لكن الذيب بانيابه فـزع والصقـر بجناحـه

مطـلـق
عسى نو الشعيه ياعرب يسقى عروق الـراك=ولايسقى الذي ضوى المعز والضين فمراحه
نحب اللي يحبك مير مانشنا الـذي يشنـاك=كمنك شايلٍ لـك عكـه بالسمـن نضاحـه

المسعودي
اخذ مال الافندي واكفت المفتاح في مخبـاك=ترا مذبحكم ليـن الافنـدي جـارد سلاحـه
تقوله وانت لازم خرشة الباكور في يمنـاك=تبا تطرح به اللي بين شعب رهاط والباحـه

مطـلـق
..... الـلــي ورثــتــه ويــــاك=لكن انت الـذي لعبـت فـي قفلـه زفتاحـه
معي باكور اهزه وانهمه واقربـه واربـاك=وانا باجبدك بعد الناس قالوا طاحتك طاحـه

المسعودي
نصيب اخوانك اكبر منك هذا مايلاقـي ذاك=لكن اليا تعرضت المديد ارضـوك بفراحـه
لكنك ياثبيتي متـر فراشـك ومـد خطـاك=ترى بدو الشعابه حضر والحضران فلاحـه

مطـلـق
بابو حنا تجوز الناس من غمرك ومن حناك=وبدريه تصيح فوق وصـل الله وصلاحـه
مواصير العمـاره نقطـت يبغالهـا سبـاك=ولا ياليتهـا بيـر عليهـا الدلـو ميـاحـه

المسعودي
اقيس يالمغني مايجيب القـوم غيـر غنـاك=ولو تدرق يدينك عارفينك ياحمـر الراحـه
انا اشوفك تحب الموت مير الموت مايبغـاك=اقيس لك نصيب ولك بخت وقرون نطاحـه

مطـلـق
وياليت الذي داوا الجبرتي من عصـر داواك=طبيب القلب يزرع القلب والاجراح جراحـه
ذبحك البرد وقت البـرد لكـن الدفـا دفـاك=تفرش مشلحك حتى تلحـف لـك بطراحـه

المسعودي
انا خابرك ماعمرك ضبطت العافيه يمنـاك=لكن اللي يضيع راس مالـه ضيـع ارباحـه
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــ

نهاية يوم ذي الحجه بداية يوم مـن عاشـور=هـلا يامرحبـا والمملكـه باحلـى لياليهـا
انا ماهمني فالوقـت لا مطلـق ولا مستـور=مركبها علـى قمـة جبـل وتهـز رجليهـا

مطـلـق
انا اشوف المدافع فالمحاجي والفرود اتثـور=يدوم الك البقا وانته جملهـا وانـت راعيهـا
تقوله وانت محني في يديـه حنيـة الباكـور=وانا اللي من قديم الوقت طابخهـا وشاويهـا

المسعودي
عينت الشايب اللي لقمته ماوصلت الحنجـور=فضيحه لن تفلهـا وان بلعهـا سمهـا فيهـا
منول ياذهبنا كنت في صندوقنـا مصـرور=وذلحينـه تشالتـك الحرامـيـه باياديـهـا

مطـلـق
عينت الطرقي اللي شق قدرة شعلة الدافـور=لياجاتـه ضيـوف الله يـزري لا يعشيهـا
انا ماني بشايل لي عصاة راسهـا مشقـور=لكـن التاجـر اللـي جابهـا لازم يوديهـا

المسعودي

ولا ياصاحب ماتشرب الا السكر المعصـور=ديار مابها الا الشـوك لـو يشيـل واديهـا
تصيح الها مع المغرب وتقهرها طلوع النور=شداد فوق غاربهـا وحبـل فـوق اذانيهـا

مطـلـق

انا اشوف السمن سايل من الجبه ليا الزبزور=يصلح وجهها ميـر الكوايـا فـي علابيهـا






توقيع الطائر المهاجر
 
  رد مع اقتباس