في الفطاحل تعرف الشخص باسلوبه
يتضح معدنه بالفـرك مـن بـدري
احد ثابـت علـى مبـداه بدروبـه
واحد يبحث عن الشهوات كالخكري
واحد مظهره رجـل يعجبـك ثوبـه
لكن بداخله ثعلـب مـن المكـري
لا لقى اسم الأناثي بـان عذروبـه
راح يبحث يبي عنوان لـو نـدري
واحد تسمع كلامـه تعلـي رتوبـه
وفي الخفاء بالمسنجر جالس يهذري
فارغ القلب صايـر كنّـه العوبـه
وكل وحـده وراهـا دايـمٍ يجـري
لو يظنه ذكي فـي دفـن عذروبـه
واهمٍ ما عرف بالكون وش يجـري
لو سترنا عليـه فنـدري عيوبـه
آمليـنٍ يصحّـح ضامـرٍ نخـري
لا تغرّه حـروف اعجـاب مكتوبـه
او رسالة غـرام تنسـخ بيسـري
ومن يظنه بمأمـن جاتـه عقوبـه
في المحارم وهو سدران مايـدري
واحد منحل ممـا تنسـف غروبـه
واضح انه يعيش العمر في فجـري
مثل هذا ولـو حاولـت بصعوبـه
تعدّله ما تعـدل غـاوي العهـري
الـدوا كيّـةٍ فـي بطـن عرقوبـه
تمنعه ما يجي في دربـك السفـري
الفطاحل نقي ومـا اتجـه صوبـه
غير منهو نظيف وللنقـاء يشـري
لا يمكن مجاراتك
لا كن نستطيع الدعا لك
وفقك الله لما يحبه ويرضاه
وعسانا مانعدمك
وتقبل تحياتي