جديدة
يقولون لاتزعل وخلّك وسيع بطان=وأنا أشوف مايجلب على صدري الضيقة
أشوف القطيعة بين الأقراب والجيران=وكثير العرب في الخير قلّت توافيقه
وأشوف المساجد طالها الصد والهجران=وكلام الولي ذالوقت قلّوا عشاشيقه
وراع النميمة صار تصغى له الآذان=وكل ٍ يبي يدنيه يسمع تلافيقه
وصار السبب في فرقة الربع والخلاّن=كلام النميمة ضاع مدني نواعيقه
وذيب الخلا بالحكم تلعب عليه الضان=وعلى جمالها والحصن شاخت نواهيقه
وأشوف الحرار الشقر في واطي القيعان=وطير الرخم حطوه بأعلى شواهيقه
ولارحت أدوّر للوناسة مع العربان=لقينا بها خبل ٍ تغثّك خماريقه
فأنا طالبك ياربنا المعطي المنـّان=تبرد على جوف ٍ تواهج محاريقه