[الخنساء]

المشاركة الأصلية كتبت بواسطة الطائر المهاجر

اليكم هذه الكيبوردية ، آمل ان تنال استحسانكم

انا ديني ودين اللي ينافق من اجل دنياه= ولو حتى يسميها مجامل في اساليبه
وانا ديني ودين اللي على وجهين في ملفاه= اذا شفته تبسم لك وفي ظهرك لواهيبه
يقولون الزمن يفرض نساير مشيته وخطاه= واقول الحق ما يزعِل رجل واثق بتركيبه
ولكن هالزمن صار البعض كالبنت في الأشباه= فليته يلبس الشيله ويدني من جلابيبه
يراوغ كنه الثعلب ولكن جرته تقفاه= توضح معدنه تكشف خوافي مكر الاعيبه
تعودت الصراحه في وضوحٍ ما ارتجي للجاه= اخاف الله ولا غيره بوقتٍ بان تغريبه
احاول ما استطعت اني اعدل مايل بممشاه= ولو حتى سترته عارفٍ وشهي عذاريبه
اناصح قد ما اقدر وابيّن خافيٍ يخفاه= واذا مني تعبت اكويه في الراس وعراقيبه
يحرّم ما يجي حولي وبيتٍ قايمٍ بحماه= ولو حتى يغيّر مظهره او بعض ترتيبه
فبيت الرجل في وجهه ومحسوبه عليه اخطاه= وانا بيت الفطاحل وجهي اللي مااقبل بعيبه

صح لسانك مشرفنا

لاهان راسك قصيدة رائعة

سلمت وسلم شعرك

دمت بخير