[عبدالله الشويمان]

اليكم بهذه القصيده اتمنى ان تصل الى درجة اعجابكم..

حكمتك يا رب في خلقك عظيمة=يا عظيم الشان ما غيرك عظيم
خالق الزوجين بقلوبٍ رحيمـة=بالأناثي والذكور انـت الرحيـم
كل حي ينـادم بقلبـه نديمـه=حيوان ووطير كـلٍ لـه نديـم
والبشر ميَّزت رجاله مع حريمه=للرجال عقول ويضـا للحريـم
فيهم اللي عقله بقـوة شكيمـه=وفيهم اللي عقله ادنى من شكيم
فيهم قلوبٍ منحها الله نعيمـه=فيهم قلوبٍ حرمها من النعيـم
بالمحبه النفوس ان جت لزيمـه=لازمٍ معها الحنان اطيـب لزيـم
من يحس بظلم تِبكيه الظليمـة=ومن يحس بعطف ما مره ضليم
العيـون تهـل دمعـاتٍ اليمـة=بكل موقـف مفـرحٍ ولا اليـم
للفرح دمعه عذيبه من صميمـة=وللحزن دمعات حزن من الصميم
تصدق الدمعة من عيون النديمة=وتصدق الدمعة من عيون النديم
تكذب الدمعة من عيون اللئيمة=وتكـذب الدمعة من عيون اللئيم
والمهم اللي على نيـة سليمـة=دمع عينه فـي تعابيـره سليـم
حكمة الله في عباده مستديمـة=ربنا الباري هو اللـي مستديـم